Kulong ang na may-ari ng isang computershop matapos malasing at halayin ang isang dalagitang estudyante sa Navotas City.
Kinilala ang suspek na si Edmar Santilices, isang 29 anyos.
Ayon kay Navotas Police Chief P/Col. Dexter Ollaging, nagpaunlak ang biktima sa imbitasyon ng suspek na itinuturing niyang ka-tropa na uminom, kasama ang iba pa niyang mga kabarkada.
Gayunman, nang makaubos ng tatlong bote ng alak, nakaramdam na ng pagkahilo ang biktima kaya’t hinayaan muna siyang makapagpahinga sa isang silid ng bahay habang nagpatuloy sa pag-iinuman ang magbabarkada.
Naramdaman na lamang ng biktima ang mainit na kamay na gumapang sa maseselang bahagi ng kanyang katawan at kahit gusto niyang manlaban, wala siyang sapat na lakas na pigilan ang suspek.
Nang mahimasmasan, isinumbong ng dalagita sa kanyang lola ang ginawang panghahalay at inireport ito sa mga otoridad na nagresulta sa pagkakadakip sa suspek.
Nahaharap sa kasong paglabag sa RA 7610 o ang Special Protection Against Child Abuse, Exploitation and Discrimination ang suspek. —sa panulat ni Mara Valle