Ipatutupad ng North Luzon Expressway Corp. o NLEX ang dagdag singil sa mga toll fees bukas, January 20.
Ayon sa NLEX, inaprubahan na ng Toll Regulatory Board ang nasabing dagdag singil kung saan ang mga motorista na bumabyahe sa open system ay nakatakda nang magbayad ng karagdagang 6-peso para sa mga Class 1 vehicles, dose-peso naman sa mga Class 2, gaya ng bus at maliliit ng truck, habang labing-anim na piso naman para sa mga Class 3 vehicles.
Samantala, sa ilalim naman ng closed system, magkakaroon ng bente sais sentimo na dagdag singil sa kada-kilometro.
Nakatakda namang magbayad ang mga motorista na babyahe ng end-to-end sa NLEX ng 24-peso para sa Class 1, sisenta pesos sa Class 2, at sitenta’y dos naman sa Class 3.
Kaugnay nito, sinabi ng pamunuan ng NLEX na ang mga naturang dagdag singil ay kailangang hakbangin upang masiguro na patuloy ang kanilang mga operasyon at matiyak na maayos na naseserbisyo ang mga motorista na tumatangkilik sa kanilang serbisyo.
