Posibleng magamit ang smallpox vaccine laban sa monkeypox virus sa pamamagitan ng Compassionate Special Permit (CSP).
Ito, ayon kay Department of Health (DOH) Assistant Spokesperson at Undersecretary Beverly Ho dahil hindi maaaring gamitin ang Emergency Use Authorization (EUA) para sa ibang bakuna maliban sa COVID-19 vaccine.
Aniya, maaaring gamitin sa limitadong panahon ang nasabing bakuna laban sa monkeypox sa pamamagitan ng paglalabas ng CSP ng Food and Drug Administration (FDA).
Nabatid na batay sa guidelines ng DOH, maaaring gamitin ang mga supportive therapy tulad ng smallpox vaccine bilang pangunahing lunas sa naturang virus.
