Mas kaunting krimen ang naitala nitong Undas kumpara noong nakaraang taon kahit na bukas na ang mga sementeryo pagkatapos ng dalawang taon.
Ayon kay PNP PIO Chief Police Colonel Redrico Maranan, nabawasan din ng mahigit kalahati ang index crimes gaya ng murder, rape, at homicide na maaaring i-attribute sa police visibility at deployment.
Dagdag pa ni Marnan, ang susunod na misyon ng pulisya ay mapababa ang krimen ngayong darating na kapaskuhan.
Nagbabala naman ang mga otoridad sa publiko hinggil sa pagdadala ng malalaking halaga ng pera, pagsusuot ng mamahaling alahas, at unnecessary gadgets kapag pumupunta sa matao at pampublikong lugar. —sa panulat ni Hannah Oledan
