Ibinibenta na sa halagang 1.5 million dollars ang “creel house” mula sa hit series na “stranger things.”
Ito ay kasalukuyang pagmamay-ari ng mag-asawang sina Shane Fatland at Bryan Schreier na pawang fans ng naturang show.
Una raw nila itong binili noong 2019 sa halagang 350,000 dollars at gumastos ng 500,000 dollars sa pagpapa-renovate nito para ma-restore at ma-renovate sa orihinal nitong “victorian glory with a modern twist.”
Ayon sa mag-asawa, kinontrata sila ng scout ng stranger things para hindi ipagsabi na sa kanila ang naturang bahay.
Nang sumikat at tangkilikin ng fans, marami ang nag-request na gawin itong inn.
Sinabi ng mag-asawa na mas gugustuhin nilang bumili ng ibang historical house kaysa magpatakbo ng isang bed and breakfast.
Nais aniya nila na tangkilikin din ito ng mga tao gaya ng pagtangkilik nila rito.
Umaasa naman ang dalawa na kung sino man ang makakabili sa creel house ay handa sa anumang pagsasaayos rito.—mula sa panulat ni Hannah Oledan
