Itinanggi ng Communist Party of the Philippines o CPP ang ulat na binibigyang proteksyon ng kanilang arm wing na New People’s Army (NPA) ang mga miyembro ng grupong KADAMAY na iligal na umukopa sa housing project ng gobyerno sa Pandi, Bulacan.
Sa statement na ipinalabas ng CPP, iginiit ng grupo na wala silang mga tauhan saanman malapit sa housing units sa Pandi.
Sa kabila nito, nagpahayag naman ng suporta ang CPP sa ginawang hakbang ng mga militante .
Matatandaang isang tawag ang natanggap ng isang local police mula sa isang nagpakilalang miyembro ng NPA at nagbanta ng karahasan sa oras na galawin ng mga pulis ang mga miyembro ng KADAMAY sa Pandi, Bulacan.
By Ralph Obina
