Inihayag ng pamahalaang lungsod ng Maynila na nakahanda na ang kanilang COVID-19 vaccine storage facility.
Ayon kay Manila Mayor Isko Moreno, naniniwala siya na ang pagbubukas ng naturang vaccine storage facility ay susi sa muling pagbubukas ng ekonomiya ng lungsod.
Mababatid na ipinakita ni Moreno kay Vaccine Czar Carlito Galvez Jr., ang naturang pasilidad sa Sta. Ana Hospital.
Kabilang sa kagamitan sa naturang pasilidad, ay ang limang unit ng refrigerators na paglalagakan ng bakuna mula sa AstraZeneca at Sinovac, at ilan pang uri ng mga refrigerators para sa bakunang gawa ng Moderna at Johnson and Johnson.
Sa huli, giit ni Moreno, ang patuloy na pag-aksyon ng lungsod para labanan ang virus ay sang-ayon sa kanilang kagustuhan manumbalik ang bawat-isa sa normal na pamumuhay.