Dalawa pang alagad ng batas ang nasawi dahil sa COVID-19.
Dahil dito, ayon sa Philippine National Police (PNP), umakyat na sa 44 ang death toll sa kanilang hanay.
Sa kasalukuyan, nasa 2,400 na ang active cases sa PNP dahil sa 233 na bagong impeksiyon habang sumirit na sa 17,194 ang kabuuang bilang ng mga kumpirmadong kaso sa pambansang pulisya.
Bunga naman ng 278 na bagong recoveries, pumalo na sa 14,751 ang total recoveries sa PNP.
