Nakapagtala ng karagdagang 23 na bagong kaso ng COVID-19 sa hanay ng Philippine National Police (PNP).
Sa inilabas na datos ng PNP health service, umakyat na ang bilang ng COVID-19 cases sa 9,182.
323 sa mga ito ang nananatiling aktibo sa virus.
Sa kaparehong datos nadagdagan din ng 31 ang bilang ng mga gumaling sa COVID-19, dahilan para lumobo ang bilang nito sa kabuuang 8,831.
Samanatala, nananatili namang nasa 28 ang bilang ng mga nasawi sa hanay ng PNP dahil sa COVID-19. — ulat mula kay Jaymark Dagala (Patrol 9)
