Nananatili pa ring episentro ng coronavirus crisis ang National Capital Region (NCR).
Ito ang inihayag ng Department of Health (DOH) makaraang makapagtala ang ahensya ng 2,150 na bagong kumpirmadong kaso sa buong bansa dahilan upang umakyat na sa 316,678 ang kabuuang bilang ng COVID-19 infections.
Ang datos ay nakuha ng COVID-19 Data Repository System (CDRS) mula sa pitong laboratoryo sa iba’t-ibang panig ng bansa.
Bukod dito, nakapagtala ang DOH ng 416 na bagong recoveries kaya’t sumampa na sa 254,617 ang bilang ng mga gumaling mula sa sakit.
Sumirit naman sa 5,616 ang death toll kasunod ng pagpanaw ng 56 pang pasyente.
