Inaasahang lalagdaan na ang cooperation program sa pagitan ng Technical Education and Skills Development Authority (TESDA) ng Pilipinas at Federal Institute for Vocational Education and Training (BIBB) ng Germany.
Ito ay kasunod ng pagdating ni Pangulong Ferdinand Marcos Jr. sa Berlin ngayong araw, March 12.
Ang three-day working visit ni Pangulong Marcos ay bilang tugon sa imbitasyon ni German Chancellor Olaf Scholz, kung saan makikipagpulong ang Pangulo sa mga matataas na opisyal ng Germany.
Bukod sa cooperation program, inaasahan din ang paglagda sa ilang government-to-government agreements, kabilang ang Joint Declaration of Intent para sa pagpapalakas ng kooperasyon sa maritime sector.
Samantala, plano ni Pangulong Marcos na makipagkita sa Filipino community sa Berlin.
