Iminungkahi ng World Health Organization (WHO) ang pagpapalakas o pagpapabuti sa contact tracing ng bansa sa halip na pagpapatupad muli ng mga lockdown.
Ito’y sa gitna ng patuloy na pagtaas ng bilang ng kaso ng coronavirus disease 2019 (COVID-19) sa Pilipinas.
Ayon kay Dr. Rabindra Abeyasinghe, acting WHO representative, mahalagang magkaroon ng epektibong contact tracing upang matukoy kung saan nagmula ang transmission at malimitahan dito ang galaw ng tao upang maiwasan ang pagkahawa ng iba.
Sa pamamagitan umano ng epektibong contact tracing ay partikular na lugar lamang ang kailangan tutukan na magreresulta sa pagbaba ng transmission ng nakahahawang sakit.
