Kinumpirma ng liderato ng Quezon City na hindi inabisuhan ng aktres na si Angel Locsin ang lokal na pamahalaan hinggil sa isasagawa nitong community pantry na naging sanhi pa ng pagkamatay ng isang senior citizen.
Sa isang pahayag, sinabi ni QC Mayor Joy Belmonte na posible sanang naiwasan ang malungkot na pangyayari kung nag-abiso lamang ang organizer ng naturang community pantry.
Kung kaya’t paalala ni Belmonte sa lahat ng mga mag-o-organisa ng community pantry na makipag-ugnayan sa mga lokal na opisyal para sila’y magabayan.
Gayunpaman, muling iginiit ni Belmonte na buo ang kanyang suporta sa lahat ng mga community pantries sa lungsod.
