Pinapalinaw ni Senator Koko Pimentel sa Commission on Elections (COMELEC), kung sinu-sino ang sakop ng kanilang resolusyon na nagbabawal sa mga opisyal ng gobyerno na ikampanya sa social media ang kanilang mga sinusuportahang kandidato.
Ayon kay Pimentel, maaaring umabot sa censorship, paglabag sa right to privacy at sa freedom of speech ang plano na ito ng COMELEC.
Una nang inanunsyo ng COMELEC na simula sa Pebrero 9, bawal nang ihayag ng mga opisyal ng gobyerno sa kanilang blogs o microblogs, ang kanilang mga opinyon o ang kanilang mga sinusuportahang kandidato.
By Katrina Valle | Cely Bueno (Patrol 19)
