Binigyan ng Commission on Elections (COMELEC) ng hanggang Agosto 31 ang mga rehistradong political party at political coalition sa bansa para makapagsumite ng Sworn Information Updated Statements (SIUS).
Batay sa Resolution no. 10411, nakasaad sa SIUS ang listahan ng lahat ng mga opisyal ng isang partido o kowalisyon at lahat ng mga miyembro nito kabilang ang mga halal at guest candidates.
Babala naman ng COMELEC maaaring magamit bilang prima facie o ebidensyang magpapatunay na buwag na ang isang partido kung mabibigo ang mga nitong magsumite ng bagong listahan ng kanilang mga miyembro.
Kasunod nito, agad na itatakda ng COMELEC en banc ang pagdinig para sa kanselasyon ng kanilang registration.
