Pinagbigyan ng Commission on Elections ang hiling ng kampo ni presidential aspirant Bongbong Marcos na mapalawig ang deadline para sagutin ang mga petisyon na inihain laban sa kaniyang kandidatura.
Kinumpirma ito ni Comelec Spokesperson James Jimenez sa isang tweet kung saan isinaad nito na pinagbigyan ng komisyon si Marcos na tugunan ang cancellation petition hanggang sa November 22.
Noong November 16 ay nag-file ang kampo ni Marcos ng motion for extension ng 5 araw para sumagot sa petisyon na nagpapa-disqualify sa kanya sa halalan sa 2022.
5 petisyon ang inihain laban kay Marcos kung saan tatlo dito ay humihiling na kanselahin ang kanyang certificate of candidacy, isang petisyon upang ideklara siyang nuisance candidate at isang disqualification petition. —sa panulat ni Hya Ludivico
