Ipinaaaresto na ng Manila Regional Trial Court si Marine Lt. Col. Ferdinand Marcelino at kapwa akusado na chinese national na si Yan Yi Shou.
Kasunod ito ng pagbasura sa drug charges laban kina Marcelino at Shou na inihain ng Department of Justice o DOJ noong September 21.
Sa inilabas na ruling, sinabi ni Manila RTC Branch 49 Presiding Judge Daniel Villanueva na nakakita sila ng probable cause laban kina Marcelino at Shou, kasabay ng pagbasura sa omnibus motion ng dalawa.
Una nang pinigil ng Manila RTC Branch 17 sa pamamagitan ni Judge Felicitas Laron-Cacanindin ang paglalabas ng warrant laban kay Marcelino at pag-postpone ng kanyang arraignment noong September 26.
Naaresto si Marcelino na dating Philippine Drug Enforcement Agency Agent at si Shou sa drug raid na isinagawa sa isang bahay sa Sampaloc, Maynila noong nakalipas na Enero kung saan aabot sa P380-Milyong halaga ng shabu ang nasamsam sa kanila.
By: Meann Tanbio / Bert Mozo
