Mainit na sinalubong ng Pinoy fans ang dalawa sa mga miyembro ng sikat na British band na Coldplay na sina Chris Martin at Phil Harvey sa pagdating nito sa bansa, Linggo ng gabi.
Ito ay para sa nakatakdang concert ng banda bukas, Martes (April 4) na gaganapin sa Mall of Asia Arena Grounds.
Ang pagbisita ng grupo sa Pilipinas ay bahagi ng kanilang ‘A Head Full of Dreams’ world tour.
Napaulat din na tutugtugin ng Coldplay ang mga kantang ni-request mismo ng kanilang mga taga-suporta.
Matatandaang noong nakaraang taon ay agad na na-sold out ang tiket para sa concert ng banda na ang pinakamahal ay nagkakahalaga ng P22,500.
Taong 1996 nang mabuo ang grupo na nagpasikat sa mga kantang “Yellow”, “Fix You”, “A Sky Full of Stars”, “Viva La Vida”, at “The Scientist.”
By Aiza Rendon / with report from Raoul Esperas (Patrol 45)
Photo Credit: Raoul Esperas (Patrol 45) / Video: Youtube.com
