Muling niyanig ng magnitude 5.4 na lindol ang bansang Chile kaninang 11:02 ng umaga, oras dito sa Pilipinas.
Ayon sa United States Geological Survey , tumama ang lindol 66 na kilometro sa Timog Kanluran ng ovalle sa bansang Chile.
May lalim na 34 na kilometro ang nasabing lindol.
Bago iyan, kagabi ay niyanig din ng magnitude 5.6 na lindol ang kanlurang bahagi nang bayan pa rin Ovalle, Chile.
Habang magnitude 6.2 naman ang naramdaman sa La Ligua, Chile kahapon ng umaga.
Noong Miyerkules ng gabi, magnitude 8.3 ang tumama sa bansang Chile na nagtagal ng halos 3 minuto. Hindi bababa sa 11 ang kumpirmadong patay dahil sa lindol habang aabot sa 1 milyong katao naman ang inilikas.
By: Jonathan Andal
