Hiniling ni Cebu Representative Gwendolyn Garcia sa Sandiganbayan na makabiyahe sa Spain, Portugal at France mula April 7 hanggang 25.
Sa apat na pahinang motion to travel, sinabi ng mambabatas na sasamahan niya ang kanyang ama na si dating Deputy Speaker Pablo Garcia sa naturang trip.
Aniya, gagamitin niya rin ang nasabing biyahe para mabisita ang Filipino Communities sa Spain, Portugal at France upang maipabatid sa mga ito ang kanyang priority bills.
Si Representative Garcia ay nahaharap sa kasong graft at malversation sa Sandiganbayan Second Division na may kaugnayan sa umano’y pagbili ng 24.92-hectare Balili Property sa Tiga-an, Naga, Cebu noong 2008 gamit ang public funds.
By Meann Tanbio
