Ipinag-utos ni Cebu Governor Gwendolyn Garcia ang mandatory na paggamit personal air purifiers sa mga driver at konduktor ng public utility vehicles sa gitna ng tumataas na kaso ng COVID-19 sa probinsya.
Batay sa inilabas na memorandum order na may petsang Agosto 13, 2021 at epektibo Agosto 16, 2021, kailangan ay may sarili nang air purifiers ang mga driver at konduktor habang sila ay nasa byahe.
Katuwang ang PNP at Highway Patrol Group sa pagtitiyak na nasusunod ang ipinatutupad na mandato ng lokal na pamahalaan.
Samantala, tinawag naman ni Piston Cebu Chairperson Greg Perez na “band-aid solution” ang naturang hakbang.
