Handa na ang CBCP o Catholic Bishops’ Conference of the Philippines sa pagdiriwang ng 51st IEC o International Eucharistic Congress na gaganapin sa Cebu mula January 24 hanggang 31.
Sa katunayan, ipinabatid ni Archbishop Jose Palma ng Cebu na nagpulong na ang mga kinatawan ng mga probinsyang bahagi nang pagdiriwang at maging ang mga komite na may papel sa hosting nito.
Ayon pa kay Palma, malaking tulong sa kahandaan nila ang ayudang ipinarating ng national committee, local committee, CBCP at International Committee at Pontifical Committee.
Ang IEC ay huling idinaos sa bansa noong February 1937 o 79 na taon na ang nakakalipas.
By Judith Larino
