SPORTS

Nadagdagan pa ang mga team na kinansela ng NBA dahil sa banta ng COVID-19.

Kabilang sa mga team na hindi muna makakalaro at makakapagtraining ay ang Los Angeles Lakers, Cleveland Cavaliers, Orlando Magic at Philadelphia 76ers.

Una nang kinansela ng NBA ang dalawang laro ng Chicago Bulls dahil sa COVID-19 outbreak matapos magpositibo sa COVID-19 ang sampu sa kanilang players at ilan pang miyembro ng coaching staff.

Kinansela din ang laro ng Brooklyn Nets matapos namang magpositibo ang 7 sa kanilang players.

Sa ngayon, wala pang anunsiyo ang nba kung kailan ibabalik ang laro at training ng mga nasabing team. —sa panulat ni Angelica Doctolero

Posibleng hindi makapaglaro si Los Angeles Laker Star Anthony Davis ng ilang buwan dahil sa medial collateral ligament (MCL) sprain sa kaniyang tuhod.

Natamo ni Davis ang injury sa laban sa pagitan ng koponang Minnesota Timberwolves ng magkabanggaan sila ni Jaden Mcdaniels.

Umaasa naman ang koponan sa agarang paggaling ni Davis.

Pinataob ng Cleveland Cavaliers ang Milwaukee Bucks sa NBA sa iskor na 119-90.

Tinambakan ng Cavs ang Bucks sa una, 3^rd at 4^th quarter dahilan para maiuwi ng koponan ang kanilang plano.

Nanguna sa panalo ng Cavs ay si Cedi Osman na gumawa ng 23 points, 5 rebounds at 4 assists habang nakapagtala naman ng 22 points, 4 rebounds at 6 assists si Darius Garland.

Abangan naman ang susunod na laro ng Cavs sa NBA kung saan, kanilang makakalaban ang Atlanta Hawks alas-otso-trenta mamayang umaga oras sa Pilipinas. —sa panulat ni Angelica Doctolero

PINATAOB ng Washington Wizards ang Utah Jazz sa kanilang laro sa NBA o National Basketball Association sa score na 109-103.

Bumida sa panig ng Wizards si Bradley Beal sa pamamagitan ng kanyang 37 points.

Dahil sa panalong ito, naputol ang four-game losing streak ng Washington habang nalugmok naman sa ikalawang sunod na pagkatalo ang Jazz.

PINADAPA ng Toronto Raptors ang Golden State Warriors sa kanilang laban sa NBA sa score na 119-100.

Sina Fred VanVleet at Scottie Barnes ang nanguna sa Raptors makaraang kumamada ng pinagsamang 48 points.

Nabatid na walong manlalaro lamang ng Warriors ang humarap sa Toronto kaya’t nahirapan ito sa nasabing laban.

Kabilang sa mga hindi nakasalang sa laro sa panig ng Golden State si Jordan Poole dahil sa isyu sa health & safety protocols.

Pinataob ng Houston Rockets ang Detroit Pistons sa score na 116-107 sa kanilang laro sa NBA.

Sinasabing ito na ang ika-labing-apat na sunod na pagkatalo ng Pistons.

Kumamada si Christian Wood ng 21 points para sa Rockets habang nagdagdag naman si Eric Gordon ng 18 points.

Balik golf na si Tiger Woods, ilang buwan matapos itong maaksidente.

Si Woods ay muling sasabak sa golf sa PNC Championship sa Orlando, Florida, USA simula sa December 19 kasama ang anak na si Charlie.

Nalugmok si Danny Kingad ng Team Lakay sa kanyang ikatlong pagkatalo sa kamay ni dating flyweight champion Kairat Akhmetov ng Kazakhstan sa main event ng ONE: Winter Warriors II.

Ginamit ni Akhmetov ang kanyang grappling skills na nagpahirap sa Pinoy fighter.

Sa bandang huli, nasungkit ni Akhmetov ang unanimous decision win laban kay Kingad.

Samantala, sa supporting bout, bigo rin si dating bantamweight champion Kevin Belingon sa kamay ni Kwon Won II.

Posibleng ikasa na sa Marso ang rematch nina Nonito Donaire, Jr. at Undefeated Japanese Fighter Naoya Inoue.

Ito’y matapos patunayan ng “The Filipino Flash” na sa edad niyang 39 ay kaya pa ring makipagsabayan ng kanyang lakas at bilis bilang fighter.

Ayon kay Top Rank CEO Bob Arum, inaasahang magiging maatikabo ang ikalawang paghaharap nina Donaire at Inoue.

Magugunitang natalo si Donaire kay Inoue noong November 2019 via unanimous decision sa Saitama, Japan kahit pa nabasag ng the filipino flash ang kanang eye socket ng undefeated fighter sa kanilang laban.

Gayunman, aminado si Arum na magiging hadlang lang sa nilulutong bakbakan si World Boxing Organization Bantamweight Champion Johnriel Casimero.

Nakahanda ang Philippine Basketball Association (PBA) sakaling lumala ang kaso ng Omicron variant sa bansa.

Ito ay matapos payagan ang kanilang mga fans na personal na makapanood ng laban sa loob ng gym o court.

Ayon kay Pba Commissioner Willie Marcial, handa nilang sundin ang anomang kautusan ng gobyerno sakaling ipatupad ang semi-bubble dahil sa banta ng panibagong variant ng Covid-19.

Welcome naman sa pba sakaling turukan ng booster vaccine ang mga manlalaro. —sa panulat ni Angelica Doctolero