Tuloy-tuloy ang paghahanda ng mga organizers para sa Beijing 2022 Winter Olympics na aarangkada sa susunod na linggo.
Sa kabila nito, natuklasan naman labindalawang personnel ng organizing committee ang kasalukuyang nagpapagaling sa COVID-19.
Nabatid na wala ring tigil ang simulation exercises ng mga organizers lalo na ang mga medical staff na magbabantay sa olimpiyada.
Pormal nang ini-usog ang pagbubukas ng Premier Volleyball League (PVL).
Ayon kay League President Ricky Palou, imbes na ngayong darating na Pebrero 16, ini-usog pa ito sa Marso 16.
Ito ay para mabigyan ang mga miyembro ng mahabang panahon na makapaghanda.
Imbes naman na sa tatlong buwang laban, magiging apat na linggo na lamang ito.
Tinitignang venue ng kompetisyon ang aquamarine Sports Complex sa Lipa, Batangas at Royale Tagaytay sa Alfonso, Cavite. —sa panulat ni Abby Malanday
Isang rebulto ni NBA Legend Kobe Bryant at anak nitong si Gianna o Gigi ang inilagay sa helicopter crash site kung saan sila nasawi at pitong iba pa, dalawang taon na ang nakalilipas.
Sa 160 pound bronze statue na dinala sa bulubunduking bahagi ng Calabasas, California, nakasuot ang mag-ama ng basketball uniforms habang naka-dantay ang kamay ni Kobe sa balikat ni Gigi na hawak naman ang kamay ng Los Angeles Lakers Superstar.
Ang naturang rebulto ay inukit ni Dan Medina bilang pagpupugay kina Kobe at Gigi sa ikalawang anibersaryo ng kanilang kamatayan, noong Miyerkules.
Mismong si Medina ang nagdala ng kanyang obra sa Calabasas na sinundan ng pagdagsa ng fans ng NBA Hall of Famer.
Naka-ukit din sa rebulto ang pangalan ng pitong iba pang biktima ng helicopter crash.
Hiniling sa WBA ng Championship Boxing Development Philippines, promoter ni pinoy fighter at dating WBA Minimumweight Champion Victorio ‘Vic’ Saludar III, na maging top contender sa sinumang magwawagi sa laban ni Erick Rosa ng Dominican Republic at Thammanoon Niyomtrong ng Thailand.
Iginiit ni CBDP President Kenneth Ralph Rontal kay WBA President Gilbert Jesus Mensoza na taglay ni Saludar ang pagiging number 1 sa naturang dibisyon kaya’t dapat lamang na makamit nito ang pagkakataon na mabawi ang korona.
Hawak ni rosa ang WBA World Championship Belt na inagaw nito kay Saludar noong December 21 via split decision habang dedepensahan din ni niyomtrong ang WBA Super Championship title.
Umaasa naman ang kampo nina rontal at saludar na mapagbibigyan ng WBA Ang kanilang hiling.
Aminado ang Philippine Olympic Committee (POC) na mahihirapan ang National Athletes na dipensahan ang Pilipinas para sa Southeast Asian Games.
Ayon kay POC President Abrahamtolentino, malaking hamon sa mga atletang Pinoy ang nasabing kompetisyon lalo na’t nasa gitna parin ng pandemiya ang bansa.
Sinabi ni Tolentino na bukod sa limitado ang galaw ng mga Pilipino, kulang din ang mga training facilities dahil pansamantalang ginamit ng gobyerno ang ilang mga quarantine spaces o mga gym sa bansa.
Bukod pa diyan, wala ding sapat na pondo ang gobyerno para gastusan ang pangangailangan ng mga atleta dahil nakatuon ngayon ang pamahalaan sa pagtugon sa tumataas na bilang ng mga tinatamaan ng COVID-19.
Sa kabila nito, kumpiyansa parin si Tolentino na ang pagpupursige ng mga atleta sa Biennial Meet, ay magbibigay parin sa bansa ng magandang standing. —sa panulat ni Angelica Doctolero
Tiniyak ng Philippine Olympic Committee (POC) ang paglahok ni Olympic Pole Vaulter Ernest John Obiena sa Southeast Asian Games at Asian Games ngayong taon.
Sa kabila ito ng gusot sa pagitan ni obiena at kinabibilangan niyang national sports association na Philippine Athletics Track and Field Association (PATAFA).
Ayon kay POC Chairman President Abraham “Bambol” Tolentino, kahit walang kinabibilangang National Sports Association (NSA) Ay hindi mapuputol ang suporta nila kay EJ Upang kumatawan sa Pilipinas.
Nakasaad anya sa probisyon ng international Olympic Committee Charter na tanging ang National Olympic Committee, tulad ng POC Ang may otorisasyong magsumite ng mga delegasyon.
Ipinunto ni Tolentino na ang pagpili sa isang delegado ay nakabatay din sa husay ng atleta, kakayahang magsilbi bilang ehemplo sa kabataan at hindi lamang sa kinabibilangang NSA.
Pinataob ng New Orleans Pelicans ang Indiana Pacers sa NBA sa iskor na 117-113.
Lumamang ng one point ang Pacers sa unang quarter habang naging tabla ang iskor ng dalawang koponan sa ikalawa at ika-apat na quarter pero nagawang makabawi ng Pelicans sa ikatlong quarter dahilan ng kanilang pagkapanalo.
Nanguna sa koponan si Davonte’ Graham na may 25 points, 3 rebounds, 6 assists at Josh Hart na nakapagtala naman ng 22 points, 10 rebounds at 2 assists.
Abangan naman mamaya ang susunod na laro ng Pelicans kung saan, kanilang makakalaban ang Philadelphia 76ers alas-otso ng umaga, oras sa Pilipinas. —sa panulat ni Angelica Doctolero
Posibleng ituloy ng Philippine Basketball Association (PBA) ang 2021 Governors’ Cup sa susunod na buwan.
Ito ay ayon kay PBA commissioner Willie Marcial matapos ang naging kanilang pagpupulong ng PBA board.
Hinihintay na lamang nila ang go signal mula sa pamahalaan at ilang Local Government Unit (LGU) para matuloy na ang mga exhibition games.
Nakatakdang bigyan ng PBA ang bawat koponan ng 10 araw na magkaroon ng exhibition games bago ang pagbabalik ng liga.
Aminado si NLEX coach Yeng Guiao na nanghinayang siya sa magandang nasimulan ng kaniyang mga players matapos isuspinde ang laro sa PBA Governor’s Cup.
Ayon kay Guiao, malaki ang epekto ng break sa kanilang team bunsod ng pagsipa ng COVID-19 cases matapos ang nagdaang holiday season.
Sinabi ni Guiao na matagal nang hindi nakakapagsimula ng magandang laro ang nlex team pero naiintindihan niya ang naging desisyon at prayoridad ng pba para sa mga manlalaro.
Sa ngayon, hinihintay pa ng PBA ang official go-signal mula sa IATF para sa pagpapatuloy ng conference makaraang makakuha ng formal endorsement mula sa Games and Amusement Board (GAB). — sa panulat ni Angelica Doctolero
Napanatili ni Cameroonian Fighter Francis Ngannou sa Ultimate Fighting Championship (UFC) 270 ang kaniyang heavyweight title.
Ito’y matapos na talunin si Ciryl Gane via unanimous decision sa laban na ginanap sa honda center sa Aneheim, USA.
Bagamat nahirapan si Ngannou sa first round ay nakabawi ito sa second round at tuluyang pinataob si Gane.
Samantala, inamin nito na mayroon siyang iniindang injury sa kaniyang tuhod. - sa panayam ni Airam Sancho