SPORTS

Nasa Bangkok, Thailand na si Dindin Santiago-Manabat para maglaro sa Nakhon Ratchasima Qminc sa Volleyball Thailand League.

Sinalubong si Manabat ng isang immigration officer sa Suvarnabhumi Airport at dumiretso sa isang quarantine hotel sa habang hinihintay ang resulta ng RT-PCR.

Makakasama ng dating National University player ang mga teammate sa Cherry Tigo na si Mylene Paat.

Ang club na humugot kay Paat noong Disyembre bilang importang kumuhakay Manabat bilang pangalawang import para sa kanilang kampanya sa ikalawang leg sa liga.

Makakalaban ng Nakhon Ratchasima ang Nakornnont sa Sabado sa Nimibutr Stadium.

Handang handa na sumabak ang atleta ng bansa para sa 2022 Beijing Winter Olympics

Sabik na makipagsabayan ang nag-iisang pambato ng bansa na si Asa Miller.

Ayon kay Philippine Chef De Mission to the Winter Games at National Golf Association of the Philippines Bones Floro na matagal na itong naghahanda para sa naturang torneo.

Nakatakdang sumali si Miller sa dalawang events at ito ay ang slalom at giant slalom.

Tiwala si Floro na gagawin lahat ni Miller para makakuha ng medalya sa torneo.

Magsisimula ang Beijing Olympics sa Biyernes, a-4 ng Pebrero.

Nagwagi sa NBA ang Boston Celtics at Golden State Warriors matapos makapagtala ng parehong iskor na 122.

Unang nanalo ang Boston Celtics matapos pataubin ang Miami Heat sa 1^st , 3^rd at 4^th quarter dahilan para maitala ang iskor na 122-92.

Nanguna sa panalo ng koponan si Jaylen Brown na nagpakawala ng 29 points habang 20 points naman ang naiambag ni Jayson Tatum.

Samantala, nilampaso naman ng Golden State Warriors ang Houston Rockets sa iskor na 122-108.

Tinambakan ng Warriors ang Rockets sa 2^nd at ika-4^th  na laro habang tabla naman ang naging iskor sa 3^rd quarter.

Nanguna naman sa koponan si Stephen Curry na nakapagtala ng 40 points at Andrew Wiggins na nakaambag ng 23 points.

Abangan naman ang susunod na laro ng dalawang koponan kung saan, makakaharap ng Celtics ang Charlotte Hornets sa Thursday, alas-8:30 habang makakalaban naman ng Warriors bukas ang San Antonio Spurs, alas-9:30, oras sa Pilipinas.  —sa panulat ni Angelica Doctolero

Inanunsiyo ng Samahang Basketball ng Pilipinas (SBP) na ang beteranong coach na si Chot Reyes ang siyang papalit kay Tab Baldwin bilang head coach ng Gilas Pilipinas.

Ito’y matapos hilingin ni Baldwin kay SBP chairman Emeritus Manuel V. Pangilinan na  ito’y bababa na sa puwesto.

Ayon sa SBP, sinabi ni Baldwin na nais na lamang nito ituon  kanyang pagiging coach sa Ateneo De Manila University basketball team na siyang nagdala sa koponan na maging kampeon sa UAAP mula 2017 hanggang 2019.

Ipinabatid pa ng SBP na dahil sa pandemya ay nagpatong patong na ang schedules ng UAAP at ang paghahanda ng Gilas Pilipinas sa FIBA world cup 2023 qualifiers.

Matatandaang naging coach si Reyes noong magwagi ang gilas Pilipinas ng silver medal sa 2013 fiba asia championship at ilang medalya sa William Jones Cup.

Magiging host kasi ang Pilipinas kasama ang japan at Indonesia sa FIBA World Cup 2023.

Posibleng papasukin muli ang basketball fans ng sa games Philippine Basketbal Association (PBA) sa pagpapatuloy ng 2022 Governor’s Cup.

Ayon kay PBA Commissioner Willie Marcial, sa ngayon ay wala pang fans na papayagan sa venue kapag natuloy ang pagbabalik ng laro simula Pebrero 11.

Ang venue anya ay posibleng sa Smart Araneta Coliseum kung saan lilimitahan lang nila ito para sa mga koponan, staff at tauhan ng liga, kabilang ang mga crew sa telebisyon para sa pagbabalik ng season ending tournament.

Gayunman, hindi magtatagal at papapasukin din nila ang fans lalo pa at nasa alert level 2 na ang Metro Manila.

Nagwagi sa NBA ang Denver Nuggets kontra Milwaukee Bucks matapos lumamang ng 36 points sa iskor na 136-100.

Tinambakan ng Nuggets ang Bucks sa 1st hanggang 4^th quarter dahilan ng kanilang pagka-panalo.

Nanguna sa koponan si Aaron Gordon na nakapagtala ng 24 points at 7 rebounds habang nakaambag din sina Monte Morris at Nikola Jokic na parehong may tig 18 points.

Abangan naman bukas ang susunod na laro ng Nuggets kung saan, kanilang makakalaban ang Minnesota Timberwolves alas-9:30, oras sa Pilipinas.  —sa panulat ni Angelica Doctolero

Pasok na ang Philippine Women’s Football Team sa FIFA Women’s World Cup 2023.

Ito’y matapos nilang talunin ang Chinese Taipei sa iskor na 4-3 sa penalty shootout ng AFC Women’s Asian Cup quarter final na ginanap sa Pune, India.

Itinuturing naman na bayani ang manlalaro na si Olivia Mcdaniel matapos na maharang ang dalawang spot kicks ng katunggali. -sa panulat ni Airiam Sancho 

Hindi nakaporma sa Boston Celtics ang New Orleans Pelicans matapos itong gibain sa score na 107-97.

Si Jayson Tatum ang nanguna sa Celtics matapos makapagtala ng 38 points habang nagdagdag naman si Jaylen Brown ng 31 points.

Sa isa pang laro, pinadapa naman ng Dallas Mavericks ang Indiana Pacers sa score na 132-105.

Tuluyan nang tinanggal ng Philippine Athletics Track and Field Association (PATAFA) sa kanilang listahan ang pole vaulter na si EJ Obiena.

Ayon kina PATAFA Chairman Rufus Rodriguez at President Philip Ella Juico, tinanggal ang lahat ng suporta kay Obiena bilang pole vaulter dahil may mga sumuporta na sa kaniya mula sa pribadong sektor.

Desisyon na rin ito ni Obiena na matanggal sa jurisdiction ng PATAFA.

Unang tumanggi si Obiena na makipag-ayos sa patafa base na rin sa kahilingan ng Philippine Sports Committee (PSC). —sa panulat ni Abby Malanday

PINADAPA ng Charlotte Hornets ang Los Angeles Lakers sa score na 117-114.

Si Miles Bridges ang bumida sa panig ng Hornets matapos kumamada ng 26 points.

Sa isa pang laro, wagi naman ang Memphis Grizzlies laban sa Utah Jazz sa score na 119-109.