SPORTS

Pinaplantsa na ng Phoenix Fuel Masters ang pag-trade kay Justin Chua sa NLEx Road Warriors kapalit ni Cris Porter.

Isinumite na sa PBA Commissioner’s Office ang Trade Agreement kahapon at hinihintay na lamang ang approval.

Ang NLEx na ang magiging ika-7 koponan ng 32 anyos na si Chua, na nagsimula bilang bahagi ng Phoenix.

Magugunitang tinanghal si Chua bilang bahagi ng all-defensive team at defensive player of the year noong 2020 Season.

Samantala, ang magiging kapalit niya na si Porter ay 16th Overall Pick ng NLEx noong 2018 draft.  —sa panulat ni Mara Valle

Pinaigting pa ng Gilas Pilipinas ang training nito para sa 2023 Fiba World Cup.

Tiniyak ito ni Gilas Coach Chot Reyes sa kabila nang pag atras ng koponan ng South Korea sa kanilang bakbakan matapos mag positibo sa COVID-19 ang ilang players nito.

Dahil dito, ipinabatid ni Reyes na tututukan nila ang sagupaan ng mga tropa ng India at New Zealand sa pagbubukas ng 2023 Fiba World Cup Asian Qualifiers Group A.

Makakalaban ng Gilas ang grupo ng India bukas, February 25 at New Zealand naman sa Linggo, February 27.

Hindi nakamit ng Filipino teen tennis sensation na si Alex Eala ang kampyonato laban sa Russian National na si Anna Ukolova sa W25 tournament sa France.

Natapos ang qualifiers sa opening round ng naturang torneyo sa score na 1-6, 6-2, 7-6.

Nagsimula ang bakbakan Club De Macon kung saan naungusan ni Eala sa score na 2-0 ang kalaban pero bumawi ang Russian tennis player sa huling bahagi ng round.  —sa panulat ni Mara Valle

Nawala ang pangamba ng ilang Basketball analysts na muling aakyat sa kampeonato sa  NBA ang  number 1 ngayon sa Western Conference na Phoenix Suns.

Ito ay matapos kumpirmahin ng koponan na posibleng abutin pa ng dalawang linggo ang pagpapagaling ng Veteran point guard na si Chris Paul.

Dahil dito, lumakas naman ang pananaw ng ilang Observers na inaasahang hahabol ang Golden State Warriors at posibleng makuha pa ang Western Conference Title hanggang sa NBA Championships.

Sa ngayon, mahigit na lamang sa 20 games ang natitira bago ang NBA Playoffs.

Samantala, nasa break pa rin ngayon ang nba at magbabalik ang mga games sa Biyernes, February 25.

Inanunsiyo ng Ayala Corporation ang pagkakabuo ng Ayala Center for Excellence in Sports (ACES) na naglalayong suportahan ang mga atletang Pilipino.

“The Ayala Group has long seen the impact that sports can have on many facets of its businesses. In fact a number of our senior executives have represented the country on national teams in different sports, including Ayala Land’s Chris Macasaet in men’s volleyball and AC Energy’s Jaime Urquijo in rugby,” ani program director Jan Bengzon.

“We believe strongly that Filipinos deserve better access to world-class sports facilities across the country and will continue to work to find ways to support the next generation of Filipino athlete to achieve their full potential,” dagdag ni Bengzon.

Ilan sa mga pangunahing programa ng Ayala Center for Excellence in Sports ay ang redevelopment ng Ayala Vermosa Sports Hub sa Imus, Cavite upang maging world-class training center para sa national athletes. Isasagawa ito katuwang ang Ayala Land. Maliban dito, ilulunsad din ng ACES ang Atletang Ayala program na magbibigay ng suporta at oportunidad sa national athletes na nais makalahok sa paparating na 2024 Olympics.

Inaasahang ipapatupad ang mga programang ito ngayong 1st quarter ng 2022.

Payayanigin muli ng Alaska Aces ang hard court sa pagbabalik – PBA ng kanilang Filipino-Palestinian player na si Yousef Taha.

Pasok sa active roster ng Aces sa 46th Governors’ Cup Eliminations ang pagbabalik ni Taha sa bansa mula sa Amerika.

Ibinaba sa injury o reserved list ang 33 anyos na sentro bago ang restart ng Governor’s Cup.

Samantala, makakaharap ngayong araw ng Alaska ang NLEx Road Warriors sa Ynares Center sa Antipolo City. —sa panulat ni Mara Valle

Tumabo ng 50 points si Stephen Curry matapos maipasok ang lahat jumper kabilang ang 16 na 3-point shots sa 2022 NBA all star game.

Nanalo ang team Lebron, na kinabibilangan ni Steph, kontra team Durant, sa score na 163-160, sa kanilang paghaharpa kahapon.

Lingid sa kaalaman ng audience, naka-depende sa magiging laro ni Curry ang ibibigay niyang donasyon sa Cleveland Metro School District Charity.

Nabatid na nangako si Curry ng 1,000 dollars kada puntos sa all-star game; 3K dollars kada three pointer at dagdag na 10K dolars kapag tinanghal na All-Star Game MVP.

Dahil nagtapos ng may 50 points, 16 na tres at tinanghal pang All-Star Game MVP, 108K dollars o mahigit 5.5 million pesos ang ibibigay ni Curry sa naturang charity. -sa panulat ni Mara Valle

Wagi sa NBA ang Los Angeles Clippers kontra Houston Rockets sa iskor na 142-111.

Nilampaso ng Clippers ang Rockets matapos mabigong makabawi sa 1st hanggang 4^th quarter.

Nanguna sa koponan si Marcus Morris na nagpakawala ng 27 points, 5 rebounds at 3 assists habang nakapagtala din ng 25 points si Luke Kennard.

Abangan naman sa sabado ang susunod na laro ng Clippers kung saan, kanilang makakalaban ang Los Angeles Lakers, alas-11 ng umaga, oras sa Pilipinas.   —sa panulat ni Angelica Doctolero

Nakatakdang maglaro sina Madz Gampong at Jayvee Sumagaysay sa Malaysia bilang import ng Sarawak Hornbill.

Ito ay ayon sa post ng Malaysia Volleyball Association ng video ng dalawang atleta na nag-anunsyo ng kanilang nalalapit na laro sa MVL Championship sa Marso sa Astro Arena.

Sina Gampong at Sumagaysay ay miyembro ng Team Dasmariñas Monarchs na nanalo sa Philippine National Volleyball Federation Tournament (PNVF). –  sa panulat ni Airiam Sancho 

Kasado na ang laban ng Two-Time One Lightweight World Champion na si Eduard Folayang sa Muay Thai Legend na si John Wayne Parr.

Magaganap ito sa Marso 26 sa Singapore Indoor Stadium.

Sa Facebook Post ni Folayang, itinuturing ang laban bilang Legend vs. Legend o Epic Wushu vs. Muay Thai.

Ang 38 na si Folayang mula sa Baguio ay nagkamit ng ilang awards tulad ng; Southeast Asian Games Gold Medalist, Asian Games Silver Medalist at Wushu World Championship Bronze Medalist.  – sa panulat ni Abigail Malanday