SPORTS

Umaasa ang Alaska team management na ipagpapatuloy ng Converge ICT Solutions ang winning tradition ng Aces sa Philippine Basketball Association (PBA).

Aminado si dating Alaska owner Wilfred Uytengsu na ikinagagalak niya na isang top telecommunication service provider sa bansa ang nag-take over sa franchise.

Nagpasalamat din si Uytengsu kay Converge Owner Dennis Anthony Uy sa pagtiyak na magpapatuloy ang bagong direksyong tatahakin ng Alaska sa ilalim ng panibagong management.

Matapos ang takeover sa Alaska, siniguro rin ng Converge na kikilalanin nito ang mga kontrata ng mga team player na at kasalukuyang coaching staff.

Hindi nakaporma sa mga panabong ni Ka Rex Cayanong ang mga tigasing breeder at sabungero.

Ito’y matapos angkinin ni Cayanong ang solo champion sa katatapos na Battle of the Big Boys 6-Cock Super Big Event sa Manila Arena noong Lunes.

Nabatid na nagtala ng malinis na anim na puntos ang entry name ni Cayanong na “Sabong On Air” kaya’t nagkampeon ito sa event kung saan napanood lahat ng sultada sa WPC-PitMaster Live.

Pinadapa ng Sabong On Air ang mga kilalang breeder at sabungero na dito’y kasama sa mga tinalo ng mga warriors ni Cayanong ang entry na “AA0 HitCock” na pag-aari ni Gerry Ramos.

Unang kinalos ng Sabong On Air ang “Sudan Sun Liberator Power” nina Paul Torres at Aldo habang sunod ang “AA0 HitCock” at pangatlo ang “BMY-SUPERTUFF-DC Bailen”.

Samantala, kabilang sa mga naging biktima ng mga manok ni Cayanong ang “AA-DLG-JPB” nina Atong Ang at Liloy Go sa fourth fight kasunod ang “Jecca 196/Tyago 1017″ nina Joel Cuento at Christrian Almario.

Nasilo ng Sabong On Air ang pang-anim na panalo nang ratratin nito ang “Fantastic Mantis San Marcos” na combined entry nina Amben Amante at Jun Garbes.

Pahayag naman ni Cayanong, isang hard-hitting broadcast journalist, malaking bagay sa kanyang tagumpay ang ginawang paghahanda sa manok nito ng kanyang mga handlers na sina Ian Avila, Ranier Bernal at Bhem Bhem, kasama ang gaffer na si Juan Carlos Bullicer.

Isinusulong ni University of the Philippines Fighting Maroons Guard Ricci Rivero ang isang proyekto na maglilikom ng donasyon para sa mga driver ng jeep.

Ayon kay Rivero, ang bawat puntos na kanyang maiiskor sa UAAP Season 84 ay katumbas ng P250 na dagdag sa naturang donasyon.

Target ni rivero sa kanyang proyekto na pinangalanang ‘rr25 buckets of hope’, na tulungan ang mga tsuper na parte ng UP Ikot Drivers Association.  -sa panulat ni Mara Valle 

Hindi nagawang makabawi ng Los Angeles Clippers matapos pataubin ng Denver Nuggets sa NBA sa iskor na 127-115.

Tinambakan ng Nuggets ang Clippers sa una at ikalawa habang naging tabla naman ang iskor ng dalawang koponan sa ikatlong quarter pero muling naagaw ng nuggets ang ika-apat na quarter dahilan ng kanilang pagkapanalo.

Nanguna sa iskor ng Nuggets si Nikola Jokic matapos magpakawala ng 30 points, 14 rebounds at 6 assists habang nasayang naman ang naitalang 24 points, 8 rebounds at 4 assists ni Terance Mann ng Clippers.

Abangan naman bukas ang susunod na laro ng Nuggets kung saan kanilang makakalaban ang Phoenix Suns alas-9 ng umaga, oras sa Pilipinas. — sa panulat ni Angelica Doctolero

Magreretiro na si Autralian Tennis World Number 1 Ashleigh Barty.

Ito ang kaniyang inanunsyo sa Social media.

Ayon kay Barty, naibigay na niya ang lahat ng kaniyang makakaya sa paglalaro kaya masaya na ito sa naging desisyon at handang niyang tanggapin ang anumang masasabi ng ibang tao.

Ang 25-anyos na tennis star ay nagwagi ng tatlong grand slam singles event kabilang ang Australian Open nitong Enero.

Nanatili din si Barty bilang world number 1 mula nang masungkit niya ang unang grand slam sa French Open noong 2019. —sa panulat ni Airiam Sancho

Suspendido at pinagmumulta si Shiga Lakestars Stalwart Kiefer Isaac Ravena noong linggo, dahil sa dalawang unsportsmanlike foul kontra Kyoto hannaryz sa 7th japan basketball league.

Napagalamang sinipa ang pinoy import sa huling 4 minutes and 51 seconds ng laban.

Ipinataw naman bilang kaparusahan ng basketball league kay Ravena ang one-game ban at Y50K o P22K fine.

Kaya’t inaaasahan na wala si Ravena sa Lakestars kapag hinarap nito ang osaka evessa ngayong araw.

Samantala, nabatid na may 10-26 win-loss card ang shiga sa nasabing tournament.

Tinalo ng defending champion na si Chery Tiggo crossover ang Army Black Mamba sa last quarterfinals sa 2022 PVL open conference sa Paco Arena.

Umiskor ang crossovers ng straight sets na 25-22, 25-17 at 25-19 para maiuwi ang unang panalo sa eliminations.

Nanguna si Mylene Paat para sa Chery Tiggo sa pamamagitan ng 14 attacks para sa kabuuang 20 points na natitira sa 4 blocks.

Sa ngayon, nasa 4th place na ang defending champion  na may 1-3 slate habang ibinagsak nito ang lady troopers sa huling puwesto na may 0-3 slate sa group a play. —sa panulat ni Airiam Sancho

Kasabay ng kanyang ika-42 kaarawan nitong Marso 20 ay inanunsyo ni NBA veteran Jamal Crawford ang kanyang pagreretiro.

Kilala sa kanyang pamatay na shooting at ball handling, si Crawford ay isang three-time NBA sixth man of the year.

Huling lumaro para sa Brooklyn Nets si Crawford noong 2019-2020 season ngunit matapos lang ang isang laro ay nagtamo na ng injury.

Noong 2018-2019 season naman, gumawa ng kasaysayan si Crawford bilang pinakamatandang manlalaro na nakaiskor ng 51 points sa isang laro, noong siya ay parte ng Phoenix Suns.

Sa kabuuan, naglaro si Crawford para sa siyam na koponan sa kanyang karera. Siya ay magreretiro sa NBA ng may 19,419 career points.  – sa panulat ni Mara Valle 

Sisipa sa Football Association of Singapore (FAS) tri-nation series si Philippine Azkals Goalkeeper, Neil Etheridge at ang National Men’s Soccer Team sa Marso a-23 hanggang a-29 sa Singapore.

 Tatapatan ng Azkals sa unang International Tournament Outing ngayong taon, ang Malaysia sa March 23, habang makakasagupa naman ng team ang Host City State sa March 29.

 Parte ang kumpetisyon sa paghahanda ng PH-11 para sa Asian Football Confederation Asian Cup China 2023 qualifiers na nakatakda sa Hunyo sa Mongolia.

 Nabatid na kasama sa 25-man line up ng Azkals sa tri-nation sina Veteran Stephan Schrock, Patrick Strauss, Manuel Ott, Patrick Reichelt, Bienvenido Maranon, Justin Baas at iba pa. - sa panulat ni Mara Valle

Nalampasan ni Lakers Superstars Lebron James ang career points ni Karl Malone sa all-time scoring list ng NBA.

Ito’y matapos humakot si James ng 36,947 career regular-season points kung saan, 36,928 lamang ang kabuuang naitala ni Malone sa kaniyang career points habang nangunguna naman sa listahan si Kareem Abdul-Jabbar na may all-time record na 38,387 points.

Matatandaang tinapos ni Lebron ang laro na may 38 points, 10 rebounds at 6 assist kontra Washington Wizards pero hindi naging sapat ang kaniyang puntos kung saan, tambak ang Lakers sa ikalawa hanggang ika-apat na quarter dahilan para maitala ang panalo ng Wizards sa iskor na 127-119.

Samantala, pinadapa naman ng New Orleans Pelicans ang San Antonio Spurs sa NBA sa iskor na 124-91.

Tinambakan ng Spurs sa una hanggang ikatlong quarter ang Pelicans matapos magpakawala ng 20 points, 4 rebounds at 4 assists ni CJ Mccollum.

Abangan naman mamaya ang susunod na laro ng Spurs kung saan, kanilang makakalaban ang Golden State Warriors alas-8:30, oras sa Pilipinas. — sa panulat ni Angelica Doctolero