SPORTS

Kinansela ang sagupaan nina Joshua Pacio at Jarred Brooks para sa Straw Weight Title matapos alisin ang kanilang laban sa one 158 card na gaganapin sa susunod na linggo.

Tinanggal ng One Championship ang main event sa Singapore Card dahil sa conflict of schedule at inaasahang ire-reschedule ito sa ibang petsa.

Target nina Pacio at Brooks na idaos ang bakbakan sa katapusan ng buwan matapos ang kanilang palitan ng maaanghang na salita.

Upang mapanatili ang kanyang apat na sunod na panalo, huling sumabak sa bugbugan ang Filipino MMA Star noong Setyembre makaraang talunin si Yosuke Saruta.

Napanalunan naman ni Brooks ang tatlong laban sa One Championship at kanyang huling nakasagupa ay si Bokang masunyane noong Abril.

Planong bawiin ng Samahang Basketbol ng Pilipinas (SBP) ang tropeyo sa susunod na Southeast Asian games.

 Ito ay kasunod ng upset loss o pagkatalo ng Gilas Pilipinas laban sa koponan ng Indonesia sa naganap na 31st Sea games.

 Tiniyak ni Federation President Al Panlilio na makakabawi ang bansa sa larangan ng men’s basketball sa susunod na 2023 sea games na gaganapin naman sa Cambodia.

Humingi ng paumanhin ang Samahang Basketbol ng Pilipinas (SBP) at inako ang responsibilidad sa resulta ng performance ng Gilas Pilipinas sa katatapos na 31st Southeast Asian Games sa Hanoi, Vietnam.

Aminado si SBP President Al Panlilio na bahagi sila ng kabiguan ng Philippine National Basketball team na sumungkit ng gintong medalya.

Mula sa apat na gintong medalya sa 2019 edition ng sea games, isang ginto lang ang naidepensa ng Gilas, sa pamamagitan ng women’s 5 on 5 team.

Ito naman ang unang beses na nabigong makasikwat ng gold medal ang Pilipinas sa men’s basketball ng sea games simula 1989.

Nakabawi ang Dallas Mavericks matapos talunin ang Golden State Warriors sa Game 4 ng NBA Conference finals.

 Umarangkada ang iskor ng Dallas sa una hanggang ikatlong quarter dahilan para maitala ang iskor na 119-109.

 Nanguna sa koponan sina Luka Doncic na nakapagtala ng 30 points, 14 rebounds na may 9 assists at Dorian Finney-Smith na nakapagtala naman ng 23 points, 6 rebounds at 2 assists.

 Abangan naman bukas ang muling paghaharap ng dalawang team sa Game 5 ng NBA conference finals, alas-nueve ng umaga, oras sa Pilipinas.

Nilampaso ng Boston Celtics ang Miami Heat sa Game 4 ng NBA conference finals sa iskor na 102-82.

Tinambakan ng Celtics ang Miami sa una at ikalawang quarter pero nakuhang itabla ng Miami ang iskor sa ikatlong quarter.

Nanguna sa panalo ng koponan si Jayson Tatum na nakapagtala ng 31 points, 8 rebounds at 5 assists habang nasayang naman ang 23 points 4 rebounds, 6 assists ni Victor Oladipo.

Samantala, abangan naman bukas, alas-8:30, ang muling paghaharap ng dalawang grupo sa Game 5 ng NBA conference filnals.

Lalahok ang Gilas Pilipinas sa tuneup Games sa Hunyo, o isang buwan matapos matalo ng Indonesia sa 31st Southeast Asian Games sa Hanoi, Vietnam.

Ayon sa Korean Media, makakalaban ng Gilas ang South Korean National Team sa Anyan, China sa tuneup Games na magsisimula sa Hunyo 17 hanggang 18.

Para sa South Korea, makatutulong ito sa evaluation ng kanilang manlalaro na lalahok sa FIBA Asia Cup 2022 sa Hulyo habang perparasyon ito ng Philippine Team sa FIBA World Cup Asian Qualifiers.

Sa ngayon, wala pang karagdagang detalye ang Samahang Basketbal ng Pilipinas sa magiging line-up ng Gilas.

Kumpiyansa ang Philippine Sports Commission na masosolusyonan ng 31st SEA Games organizers ang mga reklamo ng mga Pinoy athlete sa gitna ng COVID-19 pandemic.

Ayon kay Sports commissioner at Hanoi SEA Games chef de mission Ramon Fernandez, normal lang na magkaroon ng reklamo kung kaligtasan ang pag-uusapan.

Sinabi ni Fernandez na ilan sa mga reklamong naiparating nila sa SEAG organizers ay ang kawalan ng koordinasyon sa kanilang Hotel, kakulangan ng sasakyan na magagamit ng mga atleta papunta sa mga playing venues at ang sisiksikan o pag-overload ng mga bus dahil sa dami ng nakasakay.

Iginiit ni Fernandez, na dapat ay magkaroon ng maayos na pamamalakad ang mga organizer ng SEA Games dahil maraming atleta ang nangangamba na baka magkaroon ng hawaan ng COVID-19 dahil sa kawalan ng social distancing at pagsisiksikan sa mga sasakyan.

Dagdag pa ni Fernandez na idinadaan na lamang nila sa Antigen test ang kanilang reklamo upang makasiguro na ligtas laban sa nakakahawang sakit.

Pormal nang nagtapos ang South East Asian Games sa Hanoi, Vietnam.

Naging kinatawan ng Pilipinas sa closing cermony ang National Team Chef De Mission at PSC Commissioner na si Ramon Fernandez.

Kasama ni Fernandez sa closing event kahapon ang kaniyang deputies na sina Carl Sambrano at Pear Managuelod ng rollersports at Muay Thai.

Nanguna naman sa closing ceremony si Vietnam sports, Culture and Tourism Minister Nguyen Van Hung.

Sa huling medal tally, lumagpak sa ika-apat na pwesto ang Pilipinas na may 52 golds, 70 silver, 104 bronze para sa kabuuang 226 medalya.

Matapos ungusan ang Dallas Mavericks sa game 3 ng Western Conference semifinals ay isang panalo na lang ang kailangan ng Golden State Warriors upang makabalik sa NBA finals.

Bumida sa panalo ng Golden State ang double-double performance nina Stephen Curry at Andrew Wiggins.

Bagama’t humakot si Luka Doncic ng 40 points at 11 assists para sa Mavericks ay bigo pa rin ang pagtatangka nitong makadikit sa Warriors.

Dahil sa score na 109-100, lamang ang Warriors ay nabaon sa 0-3 ang Dallas at mahaharap sa do-or-die sa game 4 na gaganapin sa kanilang home court.