Maglalaro si Gilas Pilipinas point guard, SJ Belangel para sa isang koponan sa Korean Basketball League (KBL).
Nabatid na ang kontrata ng 5’11 guard ay para sa koponang Daegu Korea Gas Corporation para 2022-2023 season.
Dahil dito, ang 22-anyos na guwardiya ang kauna-unahang pinoy import sa KBL.
Matatandaang si Belangel ang umiskor ng buzzer beater na tumalo sa South Korea sa Fiba World Cup Qualifiers.
Magreretiro na ang dalawang manlalaro ng Barangay Ginebra na sina Joe Devance at Mark Caguioa.
Ayon kay Ginebra Guard Scottie Thompson, nakalulungkot na hindi na nila makakasama sa 47th season ng PBA ang dalawang manlalaro.
Hamon naman ito para sa koponan dahil nalagasan ng dalawang magagaling na players ang Gin Kings.
Noong Hunyo a-1, inanunsiyo ni Devance ang kaniyang pagreretiro habang wala pang pormal na pahayag si Caguioa.
Panalo ang Golden State Warriors kontra Boston Celtics sa Game 2 ng NBA finals sa iskor na 107-88.
Tinambakan ng Warriors ang Celtics sa una hanggang ikatlong quarter dahilan para masungkit ang kanilang panalo.
Nanguna sa koponan si NBA superstar Stephen Curry na nakapagtala ng 29 points, 6 rebounds at 4 assists habang nasayang naman ang 28 points, 6 rebounds at 3 assists ni Jayson Tatum ng Celtics.
Abangan naman sa Huwebes, June 9, ang muling paghaharap ng dalawang team sa game 3 ng NBA finals na gaganapin alas-9 ng umaga, oras sa Pilipinas.
Kasado na bukas ang pangalawang bakbakan sa pagitan ng pambato ng Pilipinas at Japan na sina Nonito “The Filipino Flash” Donaire at Naoya “The Monster” Inoue sa Saitama Super Arena sa Japan.
Nakataya sa laban ang hawak na titulo ni unbeaten Inoue na Wolrd Boxing Association (WBA) at International Boxing Federation (IBF) world titles at World Boxing Council (WBC) belt ni Donaire.
Mababatid na sa unang paghaharap ng dalawang noong 2019 ay nagwagi si Inoue via unanimous decision ngunit naging marahas ang kanilang laban na hinirang pang “Fight of the Year”.
Samantala, nangako ang dalawa na uulitin nila o hihigitan pa ang aksyong sumiklab noong una nilang paghaharap.
Itinanghal bilang Most Valuable Player (MVP) si Barangay Ginebra player Scottie Thompson sa 46th season ng PBA.
Tinanggap ni Thompson ang top individual honor kahapon ng hapon na ginanap sa Araneta Coliseum bago simulan ang pagbubukas ng bagong season.
Nabatid na pinangunahan ni Thompson ang koponan dahilan ng kanilang kampeonato kung saan, kaniyang naungusan si Mikey Williams, na nabigong maging ikalawang player sa kasaysayan ng PBA.
Si Thompson ang unang Ginebra player na nagwagi ng PBA MVP award matapos itanghal bilang MVP si Mark Caguioa noong 2012.
Tinalo ng Talk n Text Tropang Giga ang Magnolia Hotshots sa pagsisimula ng 47th season ng PBA Philippine Cup.
Sa score na 78-72, pinangunahan ni Troy Rosario ang panalo ng TNT makaraang makapagtala ng double-double 22 points at 10 rebounds.
Nag-ambag naman si Jayson Castro ng 16 points at 6 assists, 5 points si Poy Erram para sa Tropang Giga.
Naganap ang opening game sa Smart Araneta Coliseum, kahapon.
Hanga ang beteranong basketball player na si Scottie Thompson kay ginebra Rookie Jayson David.
Ito ang inihayag ni Thompson sa isang panayam kung saan sinabi nito na nakikita niya ang kanyang sarili sa batang manlalaro.
Aniya bukod sa pagiging magaling sa pag-rebound at kasipagan ni David sa depensa malaki rin ang respeto nito sa mga beterano mabait din na bata at magaling makisama.
Nagsagawa kahapon ng practice session ang mga player ng National Collegiate Athletic Association (NCAA) at mga celebrity mula sa GMA Network para sa All-star game na nakatakda nang ganapin mamayang alas-3 ng hapon.
Matapos ang kanilang ensayo sa Mapua University gym, sinabi ni NCAA Season 97 most improved player Paolo Hernandez ng Mapua University, na masaya sya sa kanilang training kasama ang mga manlalaro mula sa ibang eskwelahan at mga Kapuso Stars.
Ayon naman kay Kai Oliva ng Arellano University, na ikinatutuwa niyang makita ang passion o hilig ng mga Kapuso athletes sa Basketball.
Sinabi naman nina kapuso celebrity Paul Salas at Gil Cuerva ng Team Saints na talagang na-challenge sila sa mga warm-ups at drills na ginawa nila sa kanilang pag-e-ensayo.
Mapapanood ang All-star Game mamayang hapon, via live broadcast sa GTV, at iba pang official social media channels ng Kapuso Network.
Malapit nang ma-sweep ng National University Lady Bulldogs ang elimination round ng UAAP Season 84 women’s volleyball.
Ito’y matapos pataubin ng Lady Bulldogs ang UP Lady Maroons sa tatlong sets sa kanilang laro sa Mall of Asia Arena.
Si Michaela Belen naman ang nanguna sa NU sa pamamagitan ng kanyang 16 points.
Pumalag si dating Azkals team captain Stephan Schröck dahil sa umano’y hindi patas na pakikitungo o bad treatment sa kanila ng mga namamahala sa Philippine national football team.
Ang pahayag ay ginawa ni Schröck sa isang post sa Facebook, bagama’t wala itong pinangalanang personalidad.
Una rito, itinalaga muli si Thomas Dooley bilang head coach ng Azkals na siya ring tumimon sa grupo noong 2018 AFC Asian Cup.
Matatandaang noong 2014 ay nagbangayan sina Dooley at Schröck na umabot pa sa social media pero nagkaayos din sila noong sumunod na taon.