SPORTS

Tila dumaan sa butas ng karayom ang Muntinlupa Chiefs, nang kanilang kaharapin ang defending champions na Taguig City Generals.

Mainit pa rin ang mga heneral mula sa pagkapanalo kontra sa Zambales Eruption – at kanilang tinapos ang game na may score na 107 to 73.

Sa kabila ng malaking kalamangan ng Taguig Generals, aksidenteng natapilok ang kanilang star player at MVP noong nakaraang President’s Cup na si Mike Sampurna sa ikapitong minuto ng fourth quarter.

Ngunit hindi ito naging hadlang. Dahil to the rescue si LJ Mayo na nagpakita ng magandang performance.

Sa ngayon, may hawak na 2-0 win-loss record ang Taguig City Generals. - sa panulat ni Ralph Dela Cruz

Matapos ang dalawang linggong pahinga, nakahanda na ang University of Cebu Webmasters para sa kanilang huling laro sa elimination round ng CESAFI men’s basketball tournament.

Kakaharapin ng dating top seed ang baguhan sa liga na Benedicto College Cheetahs, kung saan ito ang magtutukoy kung mananatiling nasa Top 2 ang Webmasters o muli nilang makukuha ang ika-unang pwesto.

Matatandaang natapos ang 8-game win streak ng Webmasters nang sila’y matalo kontra sa UV Green Lancers.

Sinabi ni Calib Gawangon, assistant coach ng Webmasters, na malaking factor sa kanilang pagkatalo ang pagkakaroon ng injury ng kanilang tatlong key players gayundin ang absence ng kanilang head coach matapos itong masuspinde ng one game.

Gayunpaman, ito raw ay magsisilbing learning experience at mas paghahandaan pa nila ang mga susunod nilang laban.

Sa ngayon, hawak ng Webmasters ang twice-to-beat advantage patungong semis. - sa panulat ni Ralph Dela Cruz

Naiuwi ni Robyn Lauren Brown ang gintong medalya mula sa women’s 400-meter hurdles ng 25th Asian Athletics Championships na ginanap sa Supachalasai National Stadium.

Nilampaso ni Brown sa oras na 57.50 seconds ang kanyang dalawang mahigpit na kalaban sa kalagitnaan sa huling 200 meters para makalamang .

Sinundan siya ni Eri Utsunomiya ng Japan na may 57.73 seconds at Ami Yamamoto na may 57.80 seconds.

Kasalukuyang may oras na 56.44 seconds national record holder ang Filipino-American athlete sa huli nitong Biennial Meet.

Muling pumirma ng 5 year contract sa National Basketball Club si San Antonio Spurs Coach at President of Basketball Operation Gregg Popovich.

Magugunitang bahagi si Popovich sa limang NBA titles na nasungkit ng Spurs at naging coach ng koponan simula 1996.

Naging coach din si Popovich sa us team ng mga Nba stars sa Tokyo Olympics.

Kilala si Popovich sa kanyang maayos na pagtatrabaho kasama ng iba pang kilala tao sa sports at pagkakaroon ng maraming talento.

Dibdiban na ang pag-e-ensayo ng Philippine Women’s National Football Team o kilala bilang Filipinas para sa 2023 FIFA Women’s World Cup na gaganapin sa New Zealand ngayong buwan.

Sa kanyang pagharap sa Summit Thirst for Gold Press Conference kamakailan, inihayag ni Filipinas Goalkeeper Kiara Fontanilla na pursigido ang kanilang koponan na umabante sa group stage.

Ayon kay Fontanilla, gutom din sila na masungkit ang kanilang unang goal sa torneyo, partikular sa group a kung saan kanilang sasagupain ang Switzerland, New Zealand at Norway.

Unang makakaharap ng Filipinas ang Switzerland sa July 21 sa Auckland na susundan ng host team New Zealand sa July 25 at Norway sa July 30.

Itinuturing na underdog sa torneyo ang Philippine Team sa 46th rank ng FIFA, habang nasa 20th ang Switzerland; 26th ang New Zealand at Norway na nasa 12th rank.

Sa kabila nito, umaasa si Coach Isabella Fernando Dela Cruz na magiging inspirasyon sila para sa mga  kabataang pinay na makamit ang pangarap na makasungkit ng tagumpay sa world cup.

Bitbitin ng Filipinas ang filipino pride lalo’t ito ang unang beses na tatapak sila sa FIFA Women’s World Cup simula nang itatag ang kompetisyon noong 1991.

Ikinagalak ng mga taga-suporta ni Volleyball Superstar Alyssa Valdez ang muling paghampas nito ng bola sa Creamline Cool Smashers sa 2023 Premier Volleyball League (PVL) Invitational Conference na nakatakdang maganap sa Hunyo 27 sa Fil Oil Eco Oil Centre sa San Juan City.

Nakatakdang makaharap ng kupunan ang Chery Tiggo Crossovers sa nasabing araw 6:30 ng gabi.

Matatandaang matagal pumarada si Valdez upang magpagaling dahil sa natamong injury, kamakailan.

Muling naiuwi ni Filipino Olympian at Gymnast na si Carlos Yulo ang gintong medalya sa floor exercise event ng 2023 Asian Gymnastics Championships sa Singapore.

Naka-iskor si yulo ng 15.300 points sa finals para makuha ang gintong medalya.

Habang pumangalawa naman si Dmitriy Patanin ng Kazakhstan na may 14.366 at pumangatlo si Weide Su ng China ng 14.333.

Nabatid na ito ang ikalawang medalya ni Yulo sa mga kampeonato ngayong taon dahil umani na siya ng silver sa all-around event.

Magugunitang nanalo rin si Yulo ng gintong medalya sa Asian Championships noong 2022.

Hindi makakalaro si Ja Morant para sa Memphis Grizzlies sa kanilang unang 25 games dahil ito ang magsisilbing parusa para sa kanyang ikalawang insidente ng pagpapakita ng baril sa live.

Inanunsyo ni NBA Commissioner Adam Silver ang balita matapos itong pigilan hanggang matapos ang liga sa finals.

Humingi naman ng paumanhin ang two-time all-star hinggil sa insidente lalo na sa mga batang sumusuporta sa kaniya na nabigo nito.

Dahil dito ay kailangan nang seryosong baguhin ni Ja Morant ang kanyang mga aksyon dahil nangangailangan din ang kanyang pagkakasuspinde ng ilang kundisyon na dapat matugunan bago siya makabalik sa laro sa isang laro sa NBA, ibig sabihin ay maaari siyang makaligtaan ng higit sa 25 laro kung hindi niya ito magawa.

Hinahasa ng kilalang boxing trainer at beteranong boksingero na si Nonito Donaire Sr. Si Reymart Gaballo para sa laban nito kay Michael Bravo sa June 17 na gaganapin sa Elorde Ballroom sa Sucat, Paranaque.

Nagsimula silang mag-training noong Pebrero at hindi na tumigil mula noon.

Ayon kay Donaire, tinuturuan niya si Gaballo sa mga maaari at hindi pwedeng gawin sa loob ng boxing ring.

Si Gaballo ay nasa Top 4 ng WBC, WBO, at IBF World Bantamweight Ranking. Dahil ang ginto ay nasa kanilang mga pananaw at isang mananatiling abalang laban sa susunod na linggo.

Samantala, umaasa naman si Donaire Sr. Na makakalaban niya sa WBO World Bantamweight Champion na si Jason Moloney sa malapit na hinaharap.

Idaraos ng Philippine Olympic Committee ang Hangzhou Asian Games Fun Run bukas, June 5, sa Tagaytay City.

Ang fun run ay bahagi ng Olympic Council of Asia (OCA) “Asian games for all” at isasagawa sa ganap na alas-6 ng umaga sa Bacolod-De Los Reyes Street habang ang staging area naman ay gagawin sa Tagaytay City BMX at Skateboard Park.

Makikibahagi rin sa nasabing fun run ang mga top athletes at sports officials sa fun run na isasagawa isandaan at siyam na araw bago ang Hangzhou Asian na nakatakda sa Setyembre 23 hanggang Oktubre 8.

Nabatid na nagsimula ang OCA “Asian games for all” campaign noong Abril kasama ang National Olympic Committees: Hangzhou Asian games fun run, Asian games youth reporter project at Hangzhou Asian games children’s art competition.