SPORTS

Nagwagi sa 4th window ng FIBA World Cup Asian Qualifiers ang Gilas Pilipinas kontra Saudi Arabia na ginanap sa Mall of Asia Arena sa iskor na 84-46.

Nanguna sa panalo ng koponan sina Filipino-American NBA star Jordan Clarkson at 7’2″ center Kai Sotto kung saan, halos 20,000 fans ang nagpunta at nanood para suportahan ang Gilas.

Nabatid na nakapagtala ng 23 points si Clarkson matapos magpakita ng three points at matinding dunk sa loob ng court.

Umabot naman sa 16 na puntos ang naitala ni Sotto habang 9 na puntos naman kay Dwight Ramos dahilan para umabante ang Gilas sa 4th quarter na nagresulta din sa kanilang pagkapanalo.

Kinilala bilang Best Player of the Conference ng 2022 Philippine Basketball Association (PBA) Philippine Cup si San Miguel Beer Big Man, June Mar Fajardo.

 Bunsod nito ay ito na ang kanyang ika-siyam na BPC award, mula nang lumahok sa liga noong 2012.

 Mababatid na sa pagtatapos ng semifinals ay nagtala si Fajardo ng averages na 18.6 points, 13.3 rebounds, 3.2 assists, 0.7 steals, at 1.4 blocks per game.

 Samantala, si Fajardo ay mayroong 501 points sa statistics, 537 points sa media votes, at 81 points sa player votes para sa kabuoang 1119 points, dahilan upang masungkit nito ang titulo.

Nasungkit ng Filipino Olympian at Pole Vaulter Ej Obiena ang gintong medalya sa true athletes classics na ginanap sa Leverkusen, Germany.

Nalampasan ni Obiena ang 5.81-meter mark sa nasabing laro at nahigitan sina Rutger Koppelaar ng Netherlands at Kurtis Marschall ng Australia.

Masaya ring ibinahagi ng atleta sa Facebook post nito ang nakamit na tagumpay.

Sa ngayon, ito na ang ikatlong sunod na panalo ni Obiena sa mga nilahukang kompetsiyon sa loob lamang ng isang linggo.

Pasok sa 3rd place sa 2022 Wanda Diamond League Athletics sa Switzerland si Pinoy pole vaulter EJ Obiena.

Nakuha ni Obiena ang bronze medal matapos maabot ang 5.80 meters sa nasabing kompetisyon.

Samantala, nanguna naman sa torneyo si Mondo Duplantis ng Sweden na nakalagpas sa 6.10 meters sa meeting record habang pumangalawa naman si United States’ Chris Nilsen na may kaparehong 5.80 meters kay Obiena, pero mas nakalamang ito dahil sa countback.

Nananatiling highest paid tennis player si roger federer sa buong mundo.

Ayon sa Forbes, aabot sa $9-M ang natatanggap ng Swiss tennis player mula sa kaniyang mga endorsement.

Nabatid na ito na ang ika-17  taon na highest paid player si Federer sa larong tennis.

Pumangalawa sakaniya ang Japanese Tennis Star na si Naomi Osaka na kumita ng mahigit  $56-M noong nakaraang taon.

Inanunsyo ng isang Philippine Women Volleyball star na engage na ito sa isang japanese coach.

Sa maiksi ngunit sweet na Instagram post ni former National University middle blocker at National team member Jaja Santiago, makikita dito ang larawan ng ginawang pag-propose ng kanyang fiancé na si Coach Taka Minowa at may caption na “yes.”

Sinabi pa ng 26-year-old spiker na hindi mahalaga kung gaano katagal ang relasyon dahil ang mas importante aniya ay batid at ramdam mong natagpuan mo na ang iyung “THE One” o ang tamang tao na para sayo.

Simula pa noong 2018 at hanggang sa kasalukuyan, naglalaro parin si Santiago bilang import ng Saitama Ageo Medics ng Japan V. League.

Ipinatikim ng Onic Ph sa Blacklist International ang una nitong pagkatalo sa season 10 ng Mobile Legends: Bang Bang Professional League na ginanap sa Icite auditorium sa Quezon City.

Kontrolado ng Onic Ph ang unang yugto ng game 1 kung saan binigyan nito ng pressure ang Blacklist members na sina Salic “Hadji” Imam at Johnmar “Ohmyv33nus” Villaluna.

Nakuha namang depensahan nina Kiel “Oheb” Soriano at Edward “Edward” Dapdap ang grupo sa ilang team fights.

Pero agad nakapag split-push si Kenneth “Nets” Barowas ng onic ph sa game 1 ng laban habang nagsasagawa ng four-man takedown ang kabilang grupo.

Dahil sa nangyari, umakyat ang onic ph sa number one spot na may 4 wins 1 lose standing habang ang blacklist ay lumagpak sa pangalawang puwesto ka-level ang omega esports na may magkaparehong standing na 3 wins 1 lose.                    —sa panulat ni Hannah Oledan

Nasungkit ng Gilas Pilipinas Youth ang panalo laban sa Chinese Taipei sa iskor na 72-67 sa FIBA under-18 Asian Championship.

Nagpakitang gilas sa panalo si Mason Amos na nakapagtala ng 21 points habang mayroong 14 points at 6 na rebounds si Ej Abadam at 14 points naman si Jared Bahay.

Dahil dito, posible nang makuha ng Gilas ang ika- 5 pwesto sa laro.

Samantala, nakatakda namang makalaban ng Gilas Pilipinas Youth ang Iran mamayang hapon.

Opisyal nang umatras si tennis star Novak Djokovic sa paglalaro sa US Open.

Inanunsiyo ng 21-grand slam champion sa kanyang social media ang kanyang desisyon.

Ayon sa tennis star isa sa dahilan ng kanyang pag-atras ang hindi pa siya naturukan ng bakuna laban sa COVID-19.

Mababatid na nakasaad sa US ruling na ang mga non-US citizens ay bawal pumasok sa bansa kung hindi bakunado laban sa nasabing sakit.

Samantala, kinumpirma rin ni US Open tournament director Stacey Allaster ang hindi paglahok ng Serbian tennis player, bagama’t umaasa aniya sila na makasama na si Djokovic sa susunod na taon.

Nakasungkit ng medalya ang Filipino Paralympian na si Allain Ganapin sa naganap na 7^th Asian Para-Taekwondo Open Championship sa Vietnam.

Tinalo ni ganapin sa quarterfinals ng men’s 80 kilogram k44 si Kudrat Muhammadiev ng Uzbekistan sa iskor na 7-4 pero nabigo ito matapos matalo ni Nurlan Dombayev ng Kazakhstan sa semifinals sa iskor na 9-12.

Nabatid na si Ganapin, ang nag-iisang pinoy na naglaro sa para-taekwondo tournament kung saan kaniyang naiuwi ang bronze medal.

Matatandaang nag-uwi din ng karangalan si Ganapin matapos masungkit ang gintong medalya sa 2022 Sharjah qualification tournament na ginanap sa United Arab Emirates noong Hulyo na nagresulta upang siya ay maging kwalipikado para lumaban sa Asian Para Games sa Hangzhou, China sa susunod na taon.