SPORTS

 Muling umarangkada ang Tennis Legend na si Serena Williams sa nagpapatuloy na US Open matapos na pataubin ang World’s number 2 na si Anett Kontaveit ng Estonia sa score na 7-6, 2-6, 6-2.

 Matatandaan na nitong nakalipas lamang na Lunes nang talunin ng 40 anyos na player ang World’s number 80 na si Danka Kovinic.

 Mababatid na sunod na makakalaban ni Williams sa third-round match ang pambato ng Australia na si Ajla Tomljanovic, na World’s 46th-ranked player.

 Samantala, bago ito ay maglalaro muna siya ng doubles match, ka-tandem ang kanyang kapatid na si Venus Williams.

Napasakamay ni Pinoy pole vaulter EJ Obiena ang ikalawang medalyang ginto niya nang magtagumpay sa St. Wendel City Jump sa Sankt Wendel, Germany.

Nakapagtala si Obiena ng 5.86 meters para manguna sa nasabing event kung saan naitala niya rin ang bagong record dito.

Ipinaabot naman ni Obiena ang kanyang pasasalamat sa pag imbita sa kanya sa nasabing event.

Balik aksyon si Obiena sa September 2 sa Memorial Van Damme, ang Brussels Leg ng Diamond League.

Posibleng magmula sa mga lokal na liga ang magiging bahagi ng Gilas Pilipinas sa pagsabak sa 5th window ng FIBA World Cup Asian Qualifier sa Nobyembre.

Bukod sa PBA, ipinabatid ng Gilas Coach Chot Reyes na posibleng manggaling din sa UAAP at NCAA ang ilan sa mga bubuo sa National Basketball Team.

Sinabi ni Reyes na nakausap na rin ng Samahang Basketball ng Pilipinas ang dalawang local league para magkasa ng break upang mabigyang daan ang mga sasabak sa naturang torneo.

Sa ngayon ay nakaka tatlong panalo at talo na ang gilas na makakaharap ang team ng Jordan sa November 10 at pagkatapos ng tatlong araw ay sa Saudi Arabia naman sasabak.

Nagwagi ang TNT KaTropa kontra San Miguel Beermen sa game 5 ng PBA Philippine Cup sa iskor na 102-93.

Tinambakan ng TNT ang Beermen sa ikalawa at ikatlong quarter na nagresulta sa kanilang pagkapanalo.

Nanguna sa panalo ng koponan si point guard Jayson Castro na nakapagtala ng 21 points.

Sa ngayon, hawak na ng TNT ang titulo matapos lumamang sa serye ng laro.

Abangan naman mamayang hapon ang muling paghaharap ng dalawang koponan sa game 6 ng PBA Philippine Cup.

Kinumpirma ni volleyball star Alyssa Valdez na siya ay tinamaan ng dengue.

Sa Instagram post, sinabi ni Alyssa na patungo sana siya sa germany para umattend sa isang event nang makaranas ng sintomas katulad ng lagnat, pananakit ng katawan, at pananakit ng ulo.

Ayon sa atleta, hirap siyang kumain at uminom ng tubig matapos bumaba ang kaniyang platelet count dahilan kaya nakaranas din siya ng ilan pang komplikasyon gaya ng pagdurugo at pamamaga ng atay.

Sa ngayon, patuloy na nagpapagaling si Alyssa habang nakaadmit sa ospital para sa blood transfusion.

 Magtutungo para magsanay sa California ang Philppine Womens’ National Football team bilang paghahanda sa 2023 FIFA Women’s World Cup na gaganapin sa australia.

 Ayon kay Filipinas Head Coach Alen Stajici, magkakaroon sila ng isang friendly match sa mga susunod na linggo at pipilitin din nilang makapaglaro sa ilang mga international teams upang mas mahasa pa ang mga miyembro kupunan ng bansa.

 Nabatid na ilan sa mga inaasahang friendly match ay laban sa New Zealand sa darating na Setyembre a-sais sa Fullerton State, California.

 Samantala, magugunita na huling nasungkit ng Filipinas ang kampeonato sa Asean Football Federation (AFF) Championship na ginanap sa bansa noong Hulyo.

Pasok na sa second round si Tennis Legend Serena Williams matapos na maka-buwenamano ng panalo sa pagsisimula ng US Open sa New York.

 Dinomina ng isa sa “greatest tennis players of all time” ang opening-round match matapos pataubin ang pambato ng Montenegro na si Danka Kovinić sa score na 6-3, 6-3.

 Mababatid na sa career record ni Williams, 23 beses na niyang nasungkit ang kampeonato sa Grand Slam tournaments.

 Samantala, makakaharap naman ng 40 anyos na manlalaro ang World’s no. 2 na si Anett Kontaveit sa second-round matchup na gaganapin sa Huwebes.

Itinalaga si Noli Eala bilang bagong Philippine Sports Commission (PSC) Chairman sa ilalim ng Administrasyon ni Pangulong Ferdinand Marcos Jr.

Ito ang inanunsyo ng Palasyo kagabi sa pamamagitan ng letter na may lagda ni Executive secretary Vic Rodriguez.

Dati nang tanyag ang pangalan ni Eala sa mundo ng sports.

Si Eala ang ika-6 na Commissioner ng Philippine Basketball Association mula 2003 hanggang 2007.

Naging Radio Sports broadcaster rin ang bagong PSC chair sa programang power and play.

Siya rin ang tiyuhin ng Tennis sensation na si Alex Eala na inirerepresenta naman ang bansa sa mga International Tournament gaya ng SEA Games.

Pinalitan ni Eala ang dating PSC chair na si William “Butch” Ramirez na malaki ang naging bahagi sa sunud-sunod na tagumpay sa palakasan sa mga nagdaang taon, kabilang ang pagkapanalo ni Hidilyn Diaz sa 2020 Tokyo Olympics. —sa panulat ni Hannah Oledan

Kinilala bilang Best Player of the Conference ng 2022 PBA Philippine Cup si San Miguel Beermen Center Player June Mar Fajardo.

Ito ay matapos maitala ni Fajardo ang average na 18.6 points; 13.3 rebounds; 3.2 assists;  point 7 steals; at 1.4 blocks per game na may kabuoang 41.5 average statistical points (SPS) sa pagtatapos ng semifinals.

Nabatid na nakuha ni Fajardo ang nasabing titulo matapos maitala ang kabuuang 1,119 points na binubuo ng 501 points sa statistics; 537 points sa media votes; at 81 points naman para sa player votes.

Sa ngayon, ito na ang ika-9 na BPC award ni Fajardo, simula nang siya ay sumali sa Liga taong 2012.

Nasawi ang Kenyan cyclist na si Suleiman Kangangi matapos maaksidente sa kasagsagan ng Overland Gravel race nito sa Vermont, United States.

Si Kangagi ay isa sa siyamnaraang sikilista na lumahok sa 59-mile dirt-road contest kabilang ang 7,000 feet climb.

Samantala, mababatid na kabilang ang trenta’y tres anyos na cyclist ay mula sa East-African based team na Team Amani.