Nasungkit ni Pole vaulter EJ Obiena ang 2nd place sa International Stadionfest na ginanap sa Germany noong linggo.
Nakuha ni Obiena ang 5.81 meters kung saan, sinubukan nitong taasan ang nakuhang 5.88 meters ni Meno Vloon ng Netherlands na nakakuha naman ng 1st place.
Ayon kay Obiena, magpapatuloy ang kaniyang pagpupursige na lumaban sa mundo ng sports sa kabila ng second place finish.
Susunod na sasabak ang Pinoy Olympian sa Liechtenstein sa September 11.
Pasok na sa foruth round ng 2022 US Open ang Spanish Tennis Star na si Rafael Nadal.
Ito ay matapos niyang pataubin sa laro ang kanyang malapit na kaibigan na si Richard Gasquet sa na score na 6-0, 6-1.
Mababatid na bunsod nito ay naitala ni Nadal ang 7-5 victory dahilan upang mapanatili ang kanyang target na ika-23rd grand slam title.
Samantala, ito naman ang ika-18 pagkakataon na nakaabot ang manlalaro sa fourth round ng US Open.
Pasok sa ikalawang round ng US Open Juniors si number 10 Alex Eala matapos pataubin si Annabelle Xu ng Canada.
Tinambakan ni Eala ang Canadian player sa iskor na 6-3, 6-0.
Ang nasabing event ang unang US Open Girls’ Tournament Junior Events ng 17 anyos na Pinay.
Hawak ni Eala na Women’s Tennis Association World Number 297 ang dalawang Girls Doubles Grand Slam Titles na 2020 Australian Open at 2021 Roland Garros Open.
Nagwagi ang San Miguel Beermen kontra TNT Katropa sa do-or-die sa Game 7 ng PBA Philippine Cup Finals kagabi na ginanap sa Smart Araneta Coliseum.
Naiuwi ng Beermen ang titulo sa iskor na 119-97 matapos lampasuhin ang TNT sa ikalawa at ika-apat na quarter.
Nanguna sa koponan sina CJ Perez na may 25 points, 7 rebounds, at 4 assists; June Mar Fajardo, na itinanghal na Finals MVP makaraang maitala ang 19 points, 18 rebounds, 5 assists, na mayroong 2 steals; at Chris Ross na mayroon namang 12 points, 5 rebounds, at 4 assists.
Nabatid na huling nahawakan ng Beermen ang All-Filipino title noong 2019 pero muli itong nabawi ngayong taon.
Umuugong ngayon sa National Basketball Association (NBA) ang posibleng pag-trade ng Utah Jazz kay Filipino-American Guard Jordan Clarkson.
Kasunod ito ng ginawang pag-anunsyo ng NBA na tuluyan nang nai-trade ng Jazz ang kanilang 3-time All-Star guard na si Donovan Mitchell patungo sa Cleveland Cavaliers, kapalit ni NBA guard Collin Sexton.
Dahil dito, naging laman ng usapan ng mga Sport Analyst sa Amerika ang posibilidad na si Clarkson ang sunod na mapupunta sa ibang koponan.
Maliban sa NBA 6th Man of the Year na si Clarkson, maugong din ang balita na nasa trading list din ng Utah Jazz ang dalawa pa nitong player na sina Mike Conley at Bojan Bogdanovic.
Base sa ulat, maraming NBA teams ang interesado kay Clarkson partikular na ang Milwaukee Bucks at Los Angeles Lakers.
Pinadapa ni Filipino Vaulter Ernest John Obiena ang katunggali na si Armand “Mondo” Duplantis ng Sweden sa Diamond League meet sa Brussels, Belgium.
Tatlong beses na sinubukan ni Duplantis na higitan ang 5.91 meters na naitala ni Obiena pero nabigo ito.
Nagkasya ang Swedish sa 5.81 meters habang itinanghal na kampeon si Obiena.
Sinasabing ito ang unang beses na nakatikim ng pagkatalo si Duplantis matapos magwagi sa 17 kompetisyon.
Hindi nagpatinag ang San Miguel Beermen matapos piliting makaabot sa Game 7 sa finals ng PBA Philippine Cup.
Natalo ng Beermen ang Talk n Text sa Game 6 ng laban sa score na 114-96.
Nanguna sa panalo ng Beermen si Marcio Lassiter na nagtala ng 22 points habang mayroong tig-20 points sina Simon Enciso at CJ Perez at limang assists si June Mar Fajardo.
Bukas, September 4 magaganap ang Game 7 ng PBA Philippine Cup na mangyayari sa Smart Araneta Coliseum dakong alas-6 ng gabi.
Inanunsiyo ng Badminton World Federation (BWF) na kanselado ang Hong Kong Open bunsod ng COVID-19 pandemic.
Nakatakdang sanang ganapin ang Super 500 Tournament sa November 8 na tatagal hanggang 13 sa Kowloon, Hong Kong.
Nabatid na isa ang Hong Kong sa ilang lugar sa bansa na nagpapatupad pa rin ng quarantine protocols.
Samantala, kanselado rin ang Macau Super 300 Tournament na nakatakda namang ganapin sa November 1 na tatagal hanggang November 6 habang magpapatuloy naman ang BWF World Tour sa Japan Open sa Osaka na magtatapos ngayong linggo. —sa panulat ni Hannah Oledan
Muling nagtungo sa Estados Unidos si Tokyo Olymics Bronze Medalist Eumir Marcial upang maghintay ng makakatunggali sa kanyang pangatlong laban sa Punch-For-Pay League.
Tinatarget naman ni Sean Gibbons, Head ng MP Promotions, ang ika-8 ng Oktubre bilang petsa para sa laban ni Marcial.
Dalawang beses nang lumahok bilang isang propesyonal na boksingero.
Una nang sumali sa Pro Ranks si Marcial noong December 2020 sa Los Angeles, sumunod naman ang laban nito sa Las Vegas kung saan nakalaban nito si Isiah Hart.
Bukod sa pagiging Tokyo Bronze Medalist, nasungkit din ni Marcial ang silver medal noong 2019 World Championships, at gold noong 2009 World junior at apat na Southeast Asian Games Top Finishes. —sa panulat ni Hannah Oledan
Nagpaalam na sa Phoenix Super LPG Fuel Masters si small forward-guard Matthew Wright matapos ang kaniyang 6 na taong kontrata sa PBA franchise.
Nabatid na si Wright ay kinuha ng Phoenix Super LPG sa special Gilas Pilipinas draft noong 2016, at naging two-time all-star game mvp.
Si Wright ay miyembro din ng PBA first mythical team noong 2020 at napaulat na maglalaro sa Japan B. League.
Sa naging final campaign ni Wright, nakapagtala siya ng average na 15 points, 5.9 assists, at 5.1 rebounds per game sa All-Filipino Conference.