SPORTS

Kampyeon sa US Open Junior Girls Single ang Filipina tennis player na si Alex Eala.

Makasaysayang panalo ito ni Eala dahil siya ang kauna-unahang Pilipinong nagwagi sa event.

Tinalo si Eala sa finals si Lucie Havlickova ng Czech Republic na ginanap sa New York ngayong linggo,oras sa Pilipinas.

Bago makapasok sa finals, tinalo muna ng tennis player si Canadian Victoria Mboko sa semifinals at Mirra Andreeva sa quarterfinals.

Una nang nagwagi si Eala ng grand slam titles sa Junior Doubles Tournament, sa Australian Open noong 2020 at French Open noong 2021.

Pinagpaplanuhan na ng Philippine Basketball Association (PBA) na gawin ang ilan sa kanilang mga laro sa PhilSports Arena, na isa sa mga matagal nang venue na ginagamit ng liga noong mid-80s at early 90s.

Ayon kay Commissioner Willie Marcial, nais nilang isama na sa kanilang regular game rotation ang PhilSport Arena para sa nalalapit na Commissioner’s Cup.

Nakipagkita na si Marcial kay former PBA Commissioner at bagong Philippine Sports Commission (PSC) chairman Noli Eala upang talakayin ang plano ng liga na gamitin ang government-owned facility.

Pahayag ng PBA Commissioner, maganda ang resulta ng kanilang pakikipagpulong kay Chairman Eala dahil sumang-ayon ito sa kanilang mga napag-usapang kasunduan.

Present din si Deputy Commissioner Eric Castro sa naganap na meeting at courtesy call kay Eala nitong nakalipas na Biyernes.

Nakatakdang magsimula ang PBA Commissioner’s Cup sa darating na September 21, 2022, araw ng Miyerkules.

Nilagdaan na ni American NBA player na si Montrezl Harrell ang dalawang taong kontrata sa Philadelphia 76ers.

Mababatid na nagpakitang-gilas sa dati niyang team na Los Angeles Clippers si Harrel kung saan nasungkit nito noon ang sixth man of the year award.

Ayon sa 28 anyos na manlalaro, sa ngayon ay target niyang magpasiklab para sa kanyang ika-anim na koponan sa walong taong karera niya sa NBA.

 Abante na sa Quarterfinals ng US open girls singles tournament ang filipina tennis ace na si Alex Eala.

Ito ay matapos talunin ni Eala ang Australian Player na si Taylah Preston sa ikatlong round ng laban.

Sa Huwebes (Araw sa US), sunod na makakalaban ni Eala si Mirra Andreeva ng Russia.

Maliban sa open girls singles, abante na rin sa second round ng kompetisyon si Eala ka-duo si Andreeva.

Makakalaban nila sina Carolina Kuhl at Ella Seidel ng Germany.

Kasado na sa Oktubre a-29 ang laban nina dating UFC Middleweight World Champion Anderson Silva at Youtube star Jake Paul sa Gila River Arena sa Arizona, USA.

Mababatid na si Paul ay may record na 5 wins at zero loses, habang ang 47 anyos naman na si Silva ay may career stat na 34 wins and 11 loses.

Samantala, nagpasalamat naman ni Paul sa Showtime Boxing dahil pagkakataon na ibinigay sa kanya upang makaharap aniya ang isa sa pinakamagaling ng Mixed Martial Arts (MMA) fighter sa mundo.

Pasok na semifinals ang Gilas Pilipinas womens team matapos talunin ang Maldives sa 2022 Fiba U-18 Asian Championship sa iskor na 110-28.

Nabatid na ito na ang ikatlong “straight win” ng Gilas kung saan, una nilang pinadapa ang Thailand sa iskor na 65-50, na sinundan ng Samoa sa iskor na 66-59.

Nanguna sa panalo ng team ang Filipino-French na si Louna Ozar matapos makapagtala ng 22 points sa 11-of-15 field goal shooting habang nakadagdag din sa panalo sina Ryhanna Calvert at Kate Bobadilla na parehong nagpakawala ng 17 points.

Samantala, abangan naman sa Sabado ang susunod na laban ng Gilas Pilipinas womens team na gaganapin sa Koramangala indoor stadium sa Bengaluru, India.

 Kumasa na si Anthony Joshua na makipagsagupaan kay World Champion Tyson Fury sa Disyembre.

 Ito ay matapos na hamunin ni Fury si Joshua upang lumaban sa ‘Battle of Britain’ para sa WBC Heavyweight Boxing Belt.

 Mababatid na noong nakaraang buwan lamang nang matamo ng 32 anyos na si Joshua ang second straight loss kay Ukraine’s WBA, WBO, IBF at IBO Champion Oleksandr Usyk sa kanilang ginanap na title rematch sa Saudi Arabia.

 Samantala, una naman nang inanunsyo ni Fury noong abrilang kanyang pagreretiro, bagama’t sinabi nito na lalaban siyang muli.

Muling nagbabalik bilang Head Coach ng Rain or Shine ang Interim Head Coach ng Philippine National Team na si Yeng Guiao.

Ito ay matapos pirmahan ni Guiao ang three – year contract sa naturang team ilang araw matapos din ang kontrata nito sa NLEX road warriors.

Matatandaang taong 2011 hanggang 2016 nang unang pumirma si Guiao para sa kontrata ng Rain or Shine, bago ito lumipat sa NLEX Team.

Naging emosyonal si American tennis player Frances Tiafoe matapos pataubin si Rafael Nadal sa fourth round ng 2022 US Open.

Napatumba ng world number 26 ang Spanish tennis star sa scores na 6-4, 4-6, 6-3, 6-3.

 Mababatid na ito ang unang pagkakataon na natalo ng 24 anyos ang world number 3 matapos ang kanilang dalawang paghaharap.

Samantala, bunsod ng panalo ni Tiafoe ay lusot na ito sa quarterfinals ng naturang torneo.

Pasok na sa third round si Alexander Alex Eala sa US Open Junior Tennis.

Ito ay matapos na talunin ni Eala si nina Vargova ng Slovakia sa score na 6-2, 6-3.

Hindi nito hinayaan na makalusot pa ang Slovakian player kung saan dominado niya ang nasabing laro.

Samantala, nakatakda namang makalaban ni Eala ang sinumang mananalo sa pagitan nina Angella Okutoyi ng Kenya at No. 8 Seed Taylah Preston ng Australia.