SPORTS

Nangako si Youtuber turned boxer Jake Paul na patutumbahin nito sa kanilang darating na laban si Ultimate Fighting Championship (UFC) Middleweight World Champion Anderson Silva.

Ayon kay Paul, na may 5-0 record at apat na knockouts bilang prizefighter, na lumaki siyang pinanonood si Silva na lumalaban.

Inamin din nito na iniidolo niya ang Mixed Martial Arts (MMA) Legend ngunit sa oras aniya na magkaharap niya ito sa ring sa October 29 sa Gila River Arena sa Arizona, USA ay target niya na i-knockout ito.

 Mababatid na Silva ay nakikitang may malaking advantage parin kay Paul sa kabila ng pagiging kwarenta’y siete anyos nito.

 Samantala na noon lamang nakaraang taon nang magretiro si Silva mula sa MMA at nag-transition sa boxing, kung saan may hawak ito na record ngayon na 3-1 with 2 knockouts.

Magsisimula na ang ensayo ng Gilas Pilipinas sa Lunes, September 19.

Sinabi ng Samahang Basketball ng Pilipinas (SBP) posibleng karamihan sa mga manlalaro na bubuo sa Gilas Pilipinas ay manggagaling sa TNT, San Miguel Beer at Barangay Ginebra.

Ilan sa mga manlalaro ay sina RR Pogoy, Poy Erram, June Mar Fajardo, CJ Perez, Scottie Thompson at Japeth Aguilar.

Gagawin namang once-a-week basis ang kanilang pag-eensayo at magiging madalas na ito matapos ang isang buwan.

Nakatakda namang makaharap ng Gilas ang Jordan sa Amman sa November 10 at pagkatapos ng tatlong araw ay makakaharap nila ang Saudi Arabia.

Pinaghahandaan na ng Rain or Shine ang pagbubukas ng 2022 PBA Commissioners Cup sa susunod na linggo.

Ayon kay Rain or Shine Coach Yeng Guiao, handang banggain ng kaniyang koponan ang nlex Road Warriors na dati niya nang nahawakan sa PBA kamakailan.

Matatandaang pumirma ng panibagong kontrata si Guiao upang muling maging head coach ng Rain or Shine para paghandaan ang kanilang susunod na pagsabak sa torneyo.

Magsisimula ang kompetisyon sa Setyembre 21 na tatagal hanggang Enero 25 ng susunod na taon.

Target na ma-break ng Samahang Basketbol ng Pilipinas (SBP) ang attendance records sa pagho-host ng bansa sa FIBA World Cup of Basketball sa unang pagkakataon sa loob ng nakalipas na 45 taon.

 Una nang inihayag na ang Pilipinas ang magiging host sa karamihan ng laro, kabilang na ang final phase ng tournament na gagawin sa 55 thousand-seater Philippine Arena, na kaparehong venue kung saan nagtakda ng attendance record ang Philippine Basketball Association (PBA).

 Matatandaan na sa game 7 ng 2017 Governor’s Cup finals sa pagitan ng Barangay Ginebra at Meralco naipwesto ang record para sa maraming bilang ng mga nanunuod sa pba game sa 54,086 fans.

 Samantala, ayon sa liga mahigit 36 na libo ang kanilang target na audience attendance sa FIBA game na gaganapin mula August 25, 2023 hanggang September 10, 2023.

Pinadapa ng Germany ang Greece na kinabibilangan ni dating two-time National Basketball Association (NBA) Most Valuable Player (MVP) Giannis Antetokounmpo sa nagpapatuloy na 2022 Eurobasket.

 Sinamantala ng Germany ang kanilang homecourt advantage kung saan tinapos nila ang naturang laro sa score na 107-96.

 Nabatid na ang panalo ng Germany ay susi upang mas mapalapit sa tiyansang muling masungkit ng koponanang kampeonato.

Samantala, ang national team ng Germany ay meron ding dalawang NBA players sa katauhan nina Dennis Schroder at Daniel Theis.

Muling sumungkit ng gintong medalya si Pinoy pole vaulter EJ Obiena sa 2022 Golden Fly event na ginanap sa Liechtenstein sa Europe.

Nanguna sa field si Obiena matapos ma-clear ang 5.71 meters na kabilang sa ikalawang bahagi ng kanyang season, makaraang makuha ang kasalukuyang asian record-holder.

Ito na ang pang-limang gintong medalya ni Obiena mula sa pitong kompetisyon na kaniyang sinalihan sa loob lang ng tatlong linggo.

Pumanaw na sa edad na 34 si dating Ultimate Fighting Championship (UFC) Mixed Martial Arts (MMA) veteran Elias Theodorou.

Nabatid na stage 4 liver cancer ang naging sanhi ng pagkasawi ng MMA fighter.

Matatandaan na 2014 ng makapasok ito sa UFC at taong 2019 ng pakawalan siya ng organisasyon matapos ang kanyang unanimous decision na pagkatalo laban kay Derek Brunson.

Samantala, sa kaniyang buong karera ay nakapagtala ng career stat na 19 wins at 3 loses si Theodorou.

Nagwagi kahapon ang TNT Tropang Giga kontra Meralco Bolts sa opening leg crown ng PBA 3×3 Season 2 first conference na ginanap sa Robinsons Place Antipolo.

Naiuwi ng TNT ang P100-K matapos talunin ang Meralco na nag uwi naman ng P50-K bilang runner-up.

Nanguna sa panalo ng koponan sina Almond Vo­sotros, Samboy de Leon, Lervin Flores at Chris Exc­iminiano kung saan, ito na ang ikaanim na leg championship ng Tropang Giga simula noong Season 1 ng torneo.

Ninilampaso ni Spanish tennis player carlos alcaraz ang Norwegian player na si Casper Ruud sa katatapos lamang na US Grand Slam Championship game sa New York.

 Napadapa ni Alcaraz si Ruud sa scores na 6-4, 2-6, 7-6 at 6-3.

 Mababatid na ito ang kauna-unahang grand slam singles title ng 19 anyos na manlalaro.

 Dahil dito ang Spanish tennis player na si Alcaraz ay aakyat na sa no.1 ATP rankings bilang pinakabata at bilang kampeon sa 2022 US Open Men’s singles.

Muling nagwagi sa National Basketball League ang Perth Wildcats kontra Adelaide 76ers sa iskor na 97-91.

Nabatid na tinalo ng koponan ang Adelaide sa tuneup matapos lumamang sa NBL na ginanap kahapon sa HBF Arena Joondalup, Australia.

Nagawa pang makalamang ng Adelaide pero agad na nakabawi ang wildcats sa ika-4 na quarter dahilan ng kanilang pagkapanalo sa tulong narin ni Brady Manek na nagkapagtala ng 15 points na nanguna at umiskor ng double figures.