SPORTS

Muling nagbalik sa PBA ang Tongan-Filipino basketball player na si asi taulava sa ilalim ng nlex road warriors para sa 23^rd season ng PBA Commissioner’s Cup.

Ayon kay NLEX interim coach Adonis Tierra, kanilang ibinalik si Taulava na dating MVP noong 2003 kasama sina Jr Quiñahan, Anthony Semerad at Philip Paniamogan na pansamantalang papalit kina Matt Nieto at Paul Varilla na kasalukuyang isinailalim sa health protocols.

Samantala, nagsimula naring magtraining si Justin Brownlee kasama ang mga atleta ng Gilas Pilipinas habang hinihintay pa ang naturalization nito para sa November Window ng FIBA World Cup Asian Qualifiers sa November.

Ayon sa  samahang Basketball ng Pilipinas (SBP),  inaayos na nila ang mga dokumento ni Brownlee para maging naturalized player.

Haharapin naman ng Gilas ang Jordan sa November 10 na susundan ng Saudi Arabia sa November 13 na gaganapin sa labas ng bansa.

Aarangkada na sa Oktubre a-uno ang Premiere League ng University Athletic Association of the Philippines (UAAP) season 85.

Bubuksan ito ng host university na Adamson kung saan magkakaroon ng 60 events kumpara noong nakaraang taon.

Magsisimula ang opening game ng laro alas-dose y medya ng hapon sa Mall of Asia (MOA) arena at susundan ng unang laro ng basketball.

Nanganganib ang Pilipinas na makauwi ng mas maraming medalya sa 2023 Southeast Asian Games.

Kasunod ito ng pagsasapinal ng Cambodia sa 608-events at 49-sports program para sa 32nd Sea Games na itinakda sa May 5 na tatagal naman hanggang 16 sa susunod na taon.

Ayon kay Philippine Olympic Committee (POC) President Rep. Abraham Tolentino, nilimitahan lang sa pitumpung porsyento ang mga events sa sports ng mga bansang lalaro sa naturang torneyo.

Sinabi ni Tolentino na tanging ang host nation lamang ang maaaring magpuno ng 100 percent participation sa combat sports o martial arts.

Dahil dito, nagbigay ng payo si Tolentino sa mga atleta, na tutukan ang kanilang pagsasanay para makuha ang mas maraming karangalan para sa Pilipinas.

Naglabas ng saloobin ang 7’2 center na si Kai Sotto sa Samahang Basketball ng Pilipinas (SBP) at Philippine Basketball Association (PBA) matapos umanong bakuran o mapanatili sa kanila ang mga manlalarong umaalis umano upang maglaro sa mga liga sa ilang bansa sa Asya.

Sa Twitter post ni Sotto, kaniyang sinabi na dapat itigil na ang pagpigil sa mga manlalarong nagsusumikap at nangangarap na makapaglaro sa pinakamataas na antas sa mundo ng basketball.

Ayon kay Sotto, maraming atleta ang gustong makilala at magkamit ng karangalan sa Pilipinas mula sa ibang bansa.

Samantala, bumanat din sina ex-PBA players Greg Slaughter at Matthew Wright at sinabing maging sila ay pinagsarahan rin ng pinto ng SBP at PBA.

Ayon sa tatlong manlalaro, dapat irespeto ang true ethics o totoong moral sa paglalaro ng basketball, maging pantay sa bawat kompetisyon, at bigyan din ng prayoridad ang ibang manlalaro na naghahangad ng tagumpay sa buhay.

Buong-buo ang suporta ni dating Samahang Basketbol ng Pilipinas (SBP) program director Tab Baldwin sa Gilas Pilipinas laban sa international competitions.

Binasag ni Baldwin ang katahimikan matapos ang ilang buwang pananahimik kung saan iginiit ng dating Gilas mentor ang pagsuporta sa Pinoy Cagers.

Dahil dito, kaliwa’t kanan ang panawagan na magbitiw na sa pwesto si Reyes at ibalik sa Gilas coaching staff si Baldwin.

Samantala, kasalukuyan ng pinaghahandaan ng Gilas Pilipinas ang FIBA World Cup proper sa susunod na taon.  —sa panulat ni Jenn Patrolla

Hindi nakikita ng beteranong boxing analyst na si Atty. Ed Tolentino na magiging epic ang ikatlong paghaharap sa lona nina super middleweight Champion Saul “Canelo” Alvarez at Gennady Golovkin ngayong araw September 18, 2022.

Matatandaan na sa una nilang laban, nag-tabla ang dalawa at sa kanilang ikalawang sagupaan noong 2018, si Alvarez ang idineklarang panalo.

Ayon kay Tolentino, masyadong matagal ang nakalipas na apat na taon bago muling nasundan at naisakatuparan ang kanilang muling paghaharap, kaya wala na aniyang excitement.

Naniniwala ang boxing analyst na matatapos ang laban via Round 9 KnockOut at si Alvarez ang idedeklarang panalo.

Sa mga unang rounds aniya maaring makipagsabayan si Golovkin pero sa mga huling rounds maaring hindi na nito kayanin ang mga suntok ng mas batang si Alvarez.

Naibenta na sa halagang 10.1 million dollars ang basketball jersey na isinuot ng nba legend na si Michael Jordan.

Ayon sa Sotheby’s auction, isinuot ni Jordan sa Game 1 ng 1998 NBA finals ang iconic na Red Chicago Bulls jersey na may numerong 23 sa likod.

Nahigitan ng jersey ang “Hands of God” jersey na isinuot ni football legend Diego Maradona na naibenta noong Mayo sa halagang 9.3 million dollars.

Dahil dito, ito na ang itinuturing na pinakamahal na game-worn sports memorabilia.

Noong 2001 nagretiro si Jordan matapos maglaro ng dalawang season sa Washington Wizards.

Naibenta na sa halagang $ 10.1-M ang basketball jersey na isinuot ni NBA Legend Michael Jordan sa Game 1 ng 1998 NBA finals.

Ayon sa Sotheby’s Auction, aabot sa 20 bidders ang nagkainterest sa Iconic Red Chicago Bulls Jersey na may numerong 23 sa likod.

Ang nasabing iconic jersey ay siyang maituturing ngayon na pinakamahal na game-worn sports memorabilia.

Nabatid na nahigitan nito ang “Hands of God” jersey na isinuot ni Football Legend Diego Maradona na naibenta noong mayo sa halagang $9.3-M at ang autographed jersey ni Kobe Bryant na isinuot noong 1996 hanggang 1997 na nabili naman sa halagang $ 3.7-M.

Magreretiro na si Tennis Star Roger Federer sa edad 41 matapos manalo ng 20 titulo ng grand slam.

Ito ang kaniyang inanunsyo ilang araw matapos ang U.S open.

Nabatid na hindi na nakapaglaro si Federer mula sa Wimbledon noong July 2021 hanggang sa magkaroon ng serye ng mga operasyon sa tuhod.

Ipinabatid naman ng Tennis Star ang balita sa twitter na ang kaniyang farewell event ay ang laver cup sa London sa susunod na linggo.

Nakauwi na ng Pilipinas ang Pinoy Pole Vaulter na si EJ Obiena matapos ang tatlong taong paglahok nito sa ibat-ibang kompetisyon sa ibang bansa.

Nabatid na nasungkit ni EJ ang anim na gintong medalya mula sa Eight Outdoor Tournaments sa Europe.

Masayang sinalubong ang atleta kahapon ni Philippine Sports Commission (PSC) Chairman Noli Eala kasama ang mga magulang nito na sina Emerson at Jeanette Obiena sa Rizal Memorial Sports Complex sa Maynila.

Kasama din ni Obiena na dumating sa bansa ang kaniyang kasintahan na isang German track and field athlete na si Caroline Joyeux.

Ayon sa PSC, malaking karangalan sa Pilipinas ang naiuwing mga medalya ng sports hero na si Obiena dahil sa kaniyang pagsusumikap na muling makilala ang bansa pagdating sa larangan ng pampalakasan.