Opisyal nang inihayag ni Ultimate fighting Championship (UFC) Middleweight World Champion, Luke Rockhold ang kanyang pagreretiro sa mundo ng mixed martial arts.
Aminado ang 37 anyos na mixed martial artist na hirap na siya sa pakikpaglaban dahil sa kanyang edad.
Magugunita na noon lamang nakaraang linggo ay napatumba ito ni Paulo Costa sa UFC 2-78.
Samantala, mababatid na sa kaniyang buong karera ay mayroong career stat na 16 wins at 6 loses si Rockhold.
Inanunsiyo ng Brooklyn Nets na mananatili pa rin sa kanilang team si National Basketball Association (NBA) Superstar Kevin Durant.
Maaalala na Hunyo a-30 ngayong taon ng humingi ng trade ang 33 anyos na manlalaro ngunit bigo ito na makakuha ng deal sa ibang team.
Sinabi naman ni Durant na sa ngayon ay nakapokus na sila sa basketball na iisa lamang ang layunin at ito ay ang makuha ang kampeonato.
Samantala, pumirma ng apat na taong kontrata sa Nets si Durant na tinaguriang isa sa deadliest offensive weapon sa NBA.
Umalagwa muli si EJ Obiena matapos manaig sa 26th Internationales Stabhochsprung-Meeting sa Jockgrim, Germany.
Sumulong nang mabilis sa 5.81 meter mark si Obiena para magwagi sa 11 man field.
Ang nasabing performance ng Pinoy pole vaulter ay sapat na para biguin si world number 2 Chris Nielsen ng Amerika na nasa ikalawang spot at sinundan ni Australian Kurtis Marschall sa ikatlong puwesto.
Kaagad din namang babalik sa laro si Obiena sa Athletisism Meeting sa Lausanne, Switzerland mula August 25 hanggang 26 bago sumabak sa TRU Athletics Classic sa August 28.
Bukas pa rin ang pinto ng Samahang Basketbol ng Pilipinas (SBP) na makakuha ng dayuhang coach.
Ayon ito kay SBP Executive Director at Spokesperson Sonny Barrios bagama’t magpupulong pa sila ni Gilas Pilipinas Coach Chot Reyes hinggil dito.
Binigyang diin ni Barrios na mahalaga ring magkaruon ng foreign coach para mapag-aralan din ang mga style at strategy ng laro mula sa ibang bansa.
Malaki aniyang tulong ito lalo na’t sasabak ang Gilas Pilipinas sa FIBA World Cup sa susunod na taon.
Ikinatuwa ng mga coach ng Gilas Pilipinas ang paglahok ni Barangay Ginebra Power Forward Japeth Aguilar para sa paparating na FIBA World Cup Asian Qualifiers.
Kasunod ito ng pagpapakita ni aguilar ng kaniyang negative result matapos tamaan ng COVID-19.
Nabatid na sumali si Aguilar sa practice ng gilas bilang mainstay ng National Team Program kung saan, kasado na ang 13-man roster nito laban sa Lebanon.
Ayon sa Samahang Basketbol Pilipinas (SBP) spokesman Sonny Barrios, talagang ninanais ni coach Chot Reyes na mapahanay sa line-up si Aguilar na mahigpit na binabantayan ngayon ng Medical Team upang matiyak na wala na itong sintomas ng nakakahawang sakit.
Nakatakdang makaharap ng Gilas ang Lebanon sa darating na ika a-25 ng Agosto na susundan naman laban sa Saudi Arabia sa ika a-29 ng Agosto.
Opisyal nang bumalik sa Miami Heat para sa kaniyang ika-20th season ang pinakamatandang aktibong National Basketball Association (NBA) player na si Udonis Haslem.
Bunsod nito ay nakahanay na ni Haslem ang mga NBA Legends na sina yumaong Kobe Bryant ng Lakers at Dirk Nowitzki ng Mavs na tanging mga players na umabot sa ika-20 taon sa iisang team lamang.
Nabatid na pumirma sa isang taon na kontrata ang 42 anyos na manlalaro sa miami sa halagang 2.9 million dollars.
Samantala, si Haslem ay naging bahagi ng tatlong kampeonato ng Miami at siya rin ang all-time leader sa rebounds ng kanilang prangkisa.
Wagi sa Game 1 ng 2022 PBA Philippine Cup finals ang TNT Tropang Giga laban sa San Miguel Beermen sa iskor na 86-84.
Nanguna sa panalo ng koponan si TNT veteran Jayson Castro na kilala bilang “Mr. Hero” matapos na muling maghatid ng tagumpay sa Tropang Giga.
Nabatid na lumamang pa ang Beermen sa una, ikalawa at ika-apat na quarter pero bumawi ang Giga at nilampaso ang kanilang kalaban sa ikatlong quarter na nagresulta naman sa kanilang pagkapanalo.
Ayon sa Tropang Giga, ang buzzer-beater din ni Castro ang nagsalba sa kanilang team sa PBA semis laban sa Magnolia Hotshots dalawang linggo pa lamang ang nakakaraan.
Nangunguna pa rin si Philippine Basketball Association (PBA) six-time Most Valuable Player (MVP) June Mar Fajardo sa laban para sa PBA Philippine Cup Best Player Conference Award.
Nakakuha si Fajardo, miyembro ng kuponang San Miguel Beermen ng iskor na 18.6 points, 13.3 rebounds, 3.2 assists, 0.7 steals at 1.04 blocks sa bawat laro para makuha ang 41.5 Average Statistical Points (SPs) sa semifinals kontra TNT Tropang Giga.
Sinundan ito ng teammate na si CJ Perez na may 39.3 statistical points at Scottie Thompson na may 37.8 SPs.
Nakatakda namang humarap ang Beermen laban sa TNT sa game 2 ng Best-of-Seven All Filipino finals sa Miyerkules.
Inaasahang tutulak ngayong araw na ito pa Beirut, Lebanon ang Gilas Pilipinas.
Makakaharap ng Gilas Pilipinas sa August 25 ang tropa ng Lebanon sa fourth window ng FIBA World Cup Asian Qualifiers at babalik sa bansa sa August 29 para naman sa pakikipag bakbakan sa Saudi Arabia.
Nakumpleto na ang Gilas sa pinakahuling ensayo nito kahapon matapos makasama rito si Barangay Ginebra forward Japeth Aguilar na una nang nag positibo sa COVID-19.
Hindi bibitawan ng Brooklyn Nets ang kanilang mga NBA superstars na sina Kyrie Irving at Kevin Durant.
Ito ay sa kabila ng dumaraming fans na nag-aabang kung tuluyan nang hahayaan ng koponan ang dalawang atleta na pumirma ng kontrata sa ibang team.
Nabatid na kumakalat ngayon sa social media na planong lumipat ni Irving sa Los Angeles Lakers matapos siyang makitang nag-eensayo kasama ang mga players ng Lakers.
Ayon sa pamunuan ng Brooklyn Nets, dapat magkaroon muna ng kasing-husay ni Irving sa paglalaro na kaya ding makapagbigay ng malaking impact sa kanilang koponan.