Nasungkit ng British Mixed Martial Artist na si Leon Edwards ang UFC Welterweight title sa UFC 278.
Ito ay matapos pabagsakin si Kamaru Usman ng Nigeria gamit ang left-foot kick nito sa 5th round ng laban.
Si Edwards ang ikalawang British fighter na nanalo ng UFC title, sinundan nito si Michael Bisping na nanalo ng Middleweight title noong 2016.
Gaganapin na mamayang 6 p.m. sa Araneta Coliseum ang bakbakan sa pagitan ng Talk N Text at San Miguel Beer para sa Kampyonato Sa 2022 PBA Philippine Cup.
Bubuuin nina Beermen MVP June Mar Fajardo, Cj Perez, Marcio Lassiter, Chris Ross, Moala Tautuaa, Vic Manuel, Jericho Cruz at Rodney Brondial ang grupong San Miguel Beer.
Habang sina Mikey Williams, Jayson Castro, Roger Pogoy, Poy Erram, Kelly Williams, Troy Rosario at Gab Banal naman ang bubuo sa koponan ng Talk N Text.
Mapapanood ang laban via live streaming at sa iWantTFC.
Positibo si San Beda coach Yuri Escueta sa kanyang mga nakikitang paglago ng mga young red lion players.
Matatandaang nagsimulang pangunahan ni Escueta ang San Beda practices noong buwan ng Hulyo, bago pa tuluyang maitalaga sa posisyon kapalit ni Former red lion head coach at Multi-titled mentor Boyet Fernandez.
Sa ilalim ni Escueta, sumabak sa ilang mga Preseason Leagues ang San Beda, kabilang na ang Filoil-Ecooil 15th Preseason Cup.
Kasalukuyang inaantay na lamang ng koponan ang resulta ng nalalabing dalawang laro sa elimination round Filoil para madetermina kung pasok sila sa Playoffs o hindi.
Bunsod nito, kahit hindi pa nakababalik sa kanilang dating dominant form ang red lions, optimistiko parin si Escueta para sa koponan dahil sa ganda ng ipinapakita ng mga manlalaro sa kanilang mga practices.
Sasabak na kaagad ngayong weekend si Kai Sotto sa ensayo ng Gilas Pilipinas para sa FIBA World Cup Asian Qualifiers.
Kasunod na rin ito nang pagdating sa bansa ng 7 foot 3 player kagabi mula sa Sydney, Australia.
Itinakda ang nasabing ensayo ng Gilas Pilipinas bukas ng hapon sa Meralco Gym.
Nangunguna ngayon sa listahan ng 24-man ng Gilas Pilipinas sina Utah Jazz Star Jordan Clarkson at Adelaide 36ers big man Kai Sotto para sa 4th window ng Asian Qualifiers ng 2023 FIBA World Cup.
Sa inilabas na listahan ng Samahang Basketbol ng Pilipinas (SBP), kasama sa dalawang international talents sa listahan ang pinaghalong overseas campaigners, PBA players at amateurs.
Ang mga lalaro sa nasabing kompetisyon ay kinabibilangan ng magkapatid na Kiefer at Thirdy Ravena, Bobby Ray Parks, Dwight Ramos, June Mar Fajardo, CJ Perez, Scottie Thompson, Japeth Aguilar, Arvin Tolentino, Robert Bolick, Jamie Malonzo, Ian Sangalang, Jio Jalalon, Calvin Oftana, Kevin Alas, Chris Newsome, Allein Maliksi, Raymond Almazan, Roosevelt Adams, Carl Tamayo, Francis Lopez, at Kevin Quiambao.
Samantala, sa naging pahayag ng SBP, kanilang aalisin sa pool ang mga manlalaro mula sa nanalo sa do-or-die ng PBA semis game noong Miyerkules sa pagitan ng San Miguel Beermen at Meralco Bolts.
Magsisimula ang 2023 FIBA World Cup sa Agosto a-25 na tatagal hanggang Setyembre a-10 kung saan, makakalaban ng Gilas ang Lebanon sa Mall of Asia arena sa Beirut at Saudi Arabia.
Itinianggi ni National Basketball Association (NBA) star Kevin Durant ang usap-usapang magreretiro na siya sa pagbubukas 2022-2023 league season sa Oktubre.
Sinagot ng 33 anyos na ang mga espekulasyon patungkol sa kanyang retirement sa kanyang Twitter account.
Binigyang-diin din ng 6’10 forward na wala pa sa kaniyang planong mag-retiro anytime soon.
Mababatid na sa ngayon ay naghihintay pa ang Brooklyn Nets Star ng bagong team via trade na kaniyang hiniling sa kanilang koponan.
Naibalik na sa official roster ng national team ng Philippine Amateur Track and Field Association (PATAFA) si olympian pole vaulter Ernest John Obiena.
Kasunod ito ng botohan ng PATAFA board sa naganap na special meeting noong Sabado, Agosto a-13.
Ayon kay PATAFA Executive Vice President Willie Torres, ito ay batay narin sa naging direktiba ni Association President Teddy Capistrano kung saan, ang naturang desisyon ay magsisimula ngayong buwan habang ibabase naman ang mga pagbabago sa umiiral na quota ng PATAFA.
Si Obiena kasama ng 5 pang atleta ay iniendorso ng PATAFA bilang mga official national team member sa Philippine Sports Commission (PSC).
Iniliabas na ng Samahang Basketbol ng Pilipinas (SBP) ang 24-man Gilas Pilipinas pool na sasabak sa 4th window ng 2023 FIBA World Cup Asian qualifiers.
Pinangunahan ito nina June Mar Fajardo, CJ Perez, Chris Newsome, Alein Maliksi, Raymond Almazan, Japeth Aguilar, Scottie Thompson, Arvin Tolentino, Robert Bolick at Jamie Malonzo.
Kabilang din sa listahan sina Carl Tamayo, Kevin Quiambao, Francis Lopez, Roosevelt Adams, Kiefer Ravena, Thirdy Ravena, Bobby Ray Parks Jr., Dwight Ramos, Kai Sotto, at naturalized player Jordan Clarkson.
Mababatid na nakatakdang lumipad sa Lebanon ang Gilas sa Agosto a-25 na susundan ng laban nila kontra Saudi Arabia sa darating na Agosto a-29 sa Mall of Asia Arena.
Naghahanda na ang TNT Tropang Giga para sa finals ng PBA Philippine Cup 2022.
Kasunod ito ng matinding semifinal series ng Giga noong linggo kung saan, kanilang nilampaso ang Magnolia Hotshots sa Game 6, sa iskor na 87-74.
Ikinatuwa naman ni TNT head coach Chot Reyes ang big break ng giga bago ang Best-of-Seven title series.
Ayon kay Reyes, sapat ang kanilang players para paghandaan ang finals at naghihintay na lamang sila sa mananalo sa mangyayaring sudden-death mamaya sa pagitan ng Top Seed San Miguel at ng Meralco Bolts.
Sinabi ni Reyes na gagamitin ng TNT ang pagkakataon para makapaghanda “physically at mentally” para sa inaasahang mabigat na series na mas malaki ang nakataya.
Umatras na si dating Four-Time World Champion Adrien Broner sa kaniyang laban kontra kay Omar Figueroa na nakatakda sana sa darating na linggo.
Ginawa ni Broner ang pagkumpirma sa pamamagitan ng kanyang Instagram account, kung saan inamin nito na nagkulang siya sa preparasyon dahil hindi 100% na nakapokus ang kanyang isip sa naturang laban.
Humingi rin ito ng paumanhin sa kaniyang mga fans kasabay ng apela na ipagdasal ang kanyang mabilis na mental health recovery.
Matatandaan na taong 2019 nang ng 33 anyos na boksingero si People’s Champ Manny Pacquiao kung saan tinalo siya nito via unanimous decision.