SPORTS

Kailangang manalo ng Alab Pilipinas kontra Singapore Slingers kapag nagharap ang dalawang koponan sa Game 2 ng ASEAN Basketball League Semi-finals sa Biyernes.

Ayon kay Alab Pilipinas Coach Mac Cuan, mahalagang maipanalo nila ang ikalawang game ng best of three semis dahil natalo na sila sa unang game noong Linggo.

Aminado si Cuan na nabigo silang magapi ang koponan ng Singapore dahil kay Xavier Alexander kahit unang napigilan ng Alab ang Slinger na si Justin Howard.

By Avee Devierte

Photo Credit: ASEAN Basketball League

Inaasahang makukumpleto nang muli sa ang big three ng Golden State Warriors para sa kanilang laban sa darating na Linggo, oras dito sa Pilipinas laban sa New Orleans Pelicans.

Ito ay dahil sa inaasahang magbabalik na sa aksyon si Kevin Durant para sa natitirang tatlong laro para sa regular season ng NBA.

Ayon kay Warriors Coach Steve Kerr, noong nakaraang linggo pa nagsabi si Durant na babalik na ito sa paglalaro ngunit depende pa rin aniya ito sa magiging rekomendasyon ng kanyang mga doktor.

Matatandaang pansamantalang nagpahinga si durant dahil sa tinamo nitong injury.

By  Ralph Obina  

Mahigit limandaang (500) pulis ang ipapakalat kaugnay sa idaraos na Palarong Pambansa 2017 sa Antique.

Ayon kay Police Regional 6 Spokesman Supt. Gilbert Gorero, ide-deploy nila ang mga naturang pulis sa points of entry and exit, billeting areas at ibat ibang venue sa pagdarausan ng mga sports event.

Nakikipag ugnayan na rin sila sa AFP o Armed Forces of the Philippines para sa iba pang detalye ng security preparations sa Palarong Pambansa na lalahukan ng mahigit 12,000 delegado.

By Judith Larino

Hindi na makapaglalaro si New York Knicks star Derrick Rose sa nalalabing limang laro ng koponan ngayong NBA season.

Ito’y bunsod ng tinamong injury ni Rose sa kanyang kaliwang tuhod.

Kinakailangang sumailalim sa arthroscopy ang nasabing basketbolista.

Aabot sa anim hanggang walong linggo ang recovery period sa sandaling maoperahan na ang kaliwang tuhod ni Rose.

By  Meann Tanbio

Photo: Daily Knicks / Website

Napanatili ng Alaska Aces ang kanilang 4-0 win-loss record sa PBA Commissioners’ Cup.

Ito ay matapos nitong talunin ang Rain or Shine Elasto Painters sa iskor na 105 – 102.

Binitbit ng import na si Cory Allen Jefferson ang kanyang koponang Alaska Aces makaraang kumana ito ng apatnapu’t isang (41) puntos at labingtatlong (13) rebound.

Hawak ng Aces ang kalamangan sa una hanggang ikatlong quarter ng laro hanggang bahagyang makahabol ang Elasto Painters, limang minuto bago matapos ang fourth quarter.

Pero agad naman naibalik ng Aces ang abanse.

Ito na ang pangalawang talo ng Rain or Shine sa lima nitong laban.

By Krista de Dios

Photo: PBA Images

Pinangunahan ni Jimmy Butler ang pagkapanalo ng Chicago Bulls laban sa Los Angeles Clippers.

Naibuslo ni Butler ang huling siyam na puntos upang maisapinal ang score na 106 – 104, pabor sa Bulls.

Sa kabuuan ng laro, nakapagtala si Butler ng 33 puntos na nagpagtibay pa lalo sa pwesto ng kanyang koponan sa NBA Playoffs.

Sa ngayon, nasa ika-7 pwesto ang Bulls kasama ang Miami Heat at Indiana Pacers sa playoff spot mula sa NBA Eastern Conference.

By Avee Devierte

Pasok na sa 2018 Winter Olympics na idaraos sa Pyeongchang, South Korea ang Filipino figure skater na si Michael Christian Martinez.

Ito’y makaraang masungkit ni Martinez ang 24^th place sa free skate round ng 2017 world figure skating championships sa Helsinki, Finland.

Umani ng  196.79 points ang Pinoy skater sa naturang round na ginanap sa Hartwall arena.

Sunod na lalahukan ni Martinez ang  2017 asian open trophy at Southeast Asian games sa Agosto.

By Drew Nacino

Muling sasampa ng ring si longest reigning Filipino boxing champion Donnie “Ahas” Nietes sa Abril 29.

Makikibagbasagan ng mukha si Nietes kay Komgrich Nantapech ng Thailand para sa bakanteng IBF Flyweight Championship sa Pinoy Pride 40: Domination sa Cebu City.

Magugunitang tumalon si Nietes mula light flyweight pataas ng flyweight division nang pataubin niya si Edgar Sosa sa pamamagitan ng unanimous decision noong 2006.

Kung papalarin ay ito na pangatlong world title ni Nietes sa tatlong magkakaibang weight division na kinabibilangan ng minimumweight, light flyweight at flyweight.

Makakasama naman ni Nietes sa fight card si Mark “Magnifico” magsayo na haharap kay Issa Nampepeche habang si Jeo Santisima ay sasagupa kay Master Suro ng Indonesia.

By  Jelbert Perdez  

Aminado si Filipino Bantamweight Fighter Kevin Belingon na mas gusto niyang sagupain ang kanyang kalaban nang nakatayo.

Gayunman, iginiit ni Belingon na hindi siya mangingiming harapin ang kalaban na si Toni “Dynamite” Tauru kung dadalhin sa ‘ground’ ang bakbakan.

Ang dalawa ay magtutuos sa undercard ng One: Kings of Destiny na magaganap sa SM Mall of Asia Arena sa Abril 21.

Ayon kay Belingon, ano man ang sandatang dala ni Tauru ay nakahanda siyang sabayan at harapin ito sa araw ng kanilang upakan.

By Jelbert Perdez