SPORTS

Kasado na sa Hulyo 2 ang bakbakan sa pagitan nina 8-Division World Champion Manny Pacquiao at Australian boxer Jeff Horn.

Ayon sa ulat, gaganapin sa ang laban sa Suncorp Stadium sa Brisbane na may limampu’t limang libong (55,000) capacity.

Para sa kampo ni Horn, isang karangalan na gawin sa labas ng US at Europe ang laban na bibihirang pagkakataon aniya.

Kasalukuyang hawak ni Horn ang fight record na 16 wins sa labimpitong (17) laban nito habang si Pacquiao naman ay may kartadang 59 wins sa animnapu’t pitong (67) laban nito.

By   Ralph Obina

Tuloy na ang superfight nina Floyd Mayweather Junior at UFC Star na si Conor McGregor sa Setyembre.

Gayunman, aminado si UFC President Dana White na wala pang eksaktong petsa ng laban at hindi pa rin naisasapinal ang fight deal.

Ayon kay White, hindi niya maaaring ipagkait kay McGregor ang laban na gusto rin naman ni Floyd.

Sa ngayon anya ay abala pa ang Irish Mixed Martial Arts Superstar dahil nakatakdang isilang anumang araw ang kanyang unang anak sa partner na si Dee Devlin.

Samantala, sinasabing nagpapatayo si McGregor ng isang secret boxing stadium na kumpleto sa pasilidad tulad ng ring bilang paghahanda sa kanyang mega-fight kay Pretty Boy.

By  Drew Nacino

Nasungkit ng San Miguel Beermen ang 110-88 victory laban sa Phoenix Fuel Masters sa kanilang bakbakan sa MOA Arena sa Pasay City.

Sa second half pa lamang ng laro ay tinambakan na ng 15 points ng Beermen ang Phoenix kaya’t hindi na sila nakahabol hanggang sa fourth quarter.

Sa isa pang laro, nakuha naman ng TNT Katropa ang 126-121 overtime win laban sa NLEX Road Warriors.

Umabot sa pitong (7) puntos ang inilamang ng TNT sa NLEX pagsapit ng overtime pero dahil kay Juami Tiongson ay naging dalawa na lang ito.

Gayunman, nadagdagan ito ng puntos mula kina Roger Pogoy at Troy Tosario kaya’t hindi na nakahabol pa ang Road Warriors.

By  Jelbert Perdez   

*Photo: PBA Images

Bumaba ang ranking ng Philippine Azkals sa FIFA.

Ito ay makaraang makuha ng Azkals ang ika-127 sa world rankings mula sa dating ika-124 na puwesto.

Sa kabila nito, nangunguna pa rin ang Azkals pagdating sa mga bansa sa Southeast Asia.

Samantala, makalipas ang pitong (7) taon, nabawi na ng Brazil mula sa Argentina ang top spot sa FIFA ranking.

Ito ay makaraang matalo ang koponan ng Argentina sa koponan ng Bolivia dahilan upang maungusan ito ng Brazil sa rankings.

Samantala, bumubuo din sa top five ng FIFA ang mga bansang Germany, Chile na sinundan ng Colombia.

By  Ralph Obina

Puspusan ang pagsasanay ni boxing champion Donnie Nietes para sa nalalapit niyang laban kontra sa Thai boxer na si Komgrich Nantapech sa Abril 29, sa Cebu.

Ayon sa kanyang coach na si Edito Villamor, mabigat na kalaban si Nantapech ay naka-focus sila sa paghanap ng paraan kung papaano ito matatalo.

Kanila rin, aniyang, babawasan ang bigat ng pagsasanay sa huling dalawang linggo bago ang kanilang laban.

By Katrina Valle

Kumamada ng 36 na puntos si Lebron James para sa koponan niyang Cleveland Cavaliers.

Dahil dito, wagi ang Cavaliers kontra Boston Celtics sa score na 114-91.

Nakumpleto na ang 3-1 season series para sa Cavs laban sa Celtics.

Ibig sabihin, mananalo ang Cavs sa head-to-head tie breaker sa oras na matapos ng dalawang koponan ang regular season level.

Gayunpaman, dahil sa panalong ito ng Cavs, tinatayang mas lamang na ito kaysa Celtics habang naghahanda ang mga koponan sa Postseason.

By Avee Devierte

Tuloy na ang laban sa pagitan nina boxer-Senator Manny Pacquiao at Australyanong si Jeff Horn sa Hulyo 2, araw sa Maynila.

Ito ang naging kumpirmasyon ng adviser ni Pacquiao na si Mike Koncz, matapos aniya pirmahan ng Pambansang Kamao ang kontrata para depensahan ang kanyang WBO welterweight title.

Ayon naman kay Top Rank CEO Bob Arum, may mga maliliit na detalye na lamang silang isinasapinal para sa laban, na planong isagawa sa Suncorp Stadium sa Brisbane.

Matatandaang muntik na maudlot ang Pacquiao-Horn fight dahil sa paglutang ng pangalan ni Amir Khan, na kalaunan ay hindi rin natuloy dahil sa di pagkakaunawan sa pinansiyal na aspeto.

Kasunod nito, sabik na si Jeff Horn sa laban nila ni Pacquiao.

Itinuturing ng Australian undefeated boxing champion na dream fight ang paghaharap nila ng fighting senator.

Dahil dito, tiniyak ni Horn ang matinding paghahanda niya sa nasabing laban.

Siniguro naman ng promoter ni Horn na magkakaroon ng 200 million dollar economic benefits ang Queensland na makakaakit ng mas maraming turista dahil sa nasabing bakbakan.

Hindi naman papayag ang team Pacquiao na matalo kay Horn.

Sa katunayan ay isang quick win ang pinaplano ng kampo ni Pacman sa nasabing laban.

By  Krista de Dios | Judith Larino

Magsasanib pwersa para sa doubles tennis sina 18-Time Grand Slam Champion Roger Federer at ang bilyonaryong si Microsoft Founder Bill Gates.

Ito ay para sa isang exhibition match na gaganapin sa April 29 sa Seattle na layong bigyang suporta ang edukasyon ng mga bata sa Africa.

Makakalaban nina Federer at Gates si John Isner na siyang nanalo sa may pinakamahabang tennis match sa kasaysayan.

Gayunman, hindi pa inaanunsyo ang celebrity player na makakalaban nina Gates at Federer.

Matatandaang hawak ngayon taon ni Federer ang kampeonato sa Australian Open at Miami Open.

By Ralph Obina

Nangunguna ngayon sa Eastern Conference ng NBA ang koponan ng Cleveland Cavaliers kung saan katabla nito ang Boston Celtics.

Ito ay makaraang ilampaso ng defending champion na Cavs ang Orlando Magic sa iskor na 122-102.

Nanguna sa panalo ng Cavs si Kevin Love na kumana ng 24 na puntos na sinegundahan naman ni Kyrie Irving na may 24 na puntos.

Habang 18 puntos naman ang iniambag ni Lebron James.

Ito na ang ika-50 panalo ng Cavs sa kabuuang 72 laban nito ngayong season.

By Ralph Obina

Kumpiyansa ang Hall of Famer Coach na si Nacho Beristain na maabot ng kanyang alagang si dating WBC Middleweight Champion Julio Cesar Chavez Jr., ang tamang timbang para sa pagharap nito kay Saul “Canelo” Alvarez sa Mayo 6 sa Las Vegas.

Sinabi ni Beristain mayroon pang isang buwan bago ang laban, at tiyak na kayang tanggalin ni Chavez ang nalalabing 7.5 pounds para maabot ang catch weight na 164.5 pounds.

Sinimulan narin aniya nila ang arawang sparring session, katulong sina Javier Ortega at Alejandro Barrera.

By  Katrina Valle