SPORTS

Pinataob ng Converge Fiberxers ang Talk N’ Text Tropang Giga, 130 -117 sa PBA Commissioner’s Cup sa Smart Araneta Coliseum.
Pinangunahan ni Quincy Miller ang Converge na may 38 points at 20 rebounds.
Nakapagtala naman ng 22 points, 8 rebounds at 5 assists si Jeron Teng habang mayroong 20 points na na-i-ambag Aljun Melecio.
Nagpaulan din ang Fiberxers ng tres kung saan nakapa-tala ang koponan ng 21 three-point-shots.
Sa kasalukuyan, mayroon nang apat na panalo at dalawang talo ang Converge habang mayroong tatlong panalo at tatlong talo ang Talk N’ Text. —mula sa panulat ni Hannah Oledan

Hindi hadlang ang edad ng isang 66-year old Filipino para makapagbigay ng karangalan sa bansa, matapos nitong masungkit ang kampeonato ng 2022 Asian Senior Chess Championship sa Auckland, New Zealand at tanghaling International Chess Master.

Dahil dito, kabilang na ang pangalan ni Tatay Jose Efren Bagamasbad sa listahan ng mga Global Champion for Chess.

Base sa ulat, nais na talagang lumahok ni Tatay Bagamasbad sa kompetisyon noon pang 2021 ngunit dahil sa pandemya, kaya hindi ito natuloy.

Maliban sa nakuhang kampeonato, pumangatlo din siya sa New Zealand Open.

Samantala, target naman ngayon ng bagong Filipino International Champion ang Chess Grandmaster.

Pinayuko ng barangay Ginebra ang Terrafirma kahapon, 111-90, sa Smart Araneta Coliseum.
Ito ang ikalawang sunod na panalo ng Gin Kings at tumabla na sa ikatlong puwesto sa 2022 PBA Commisioner’s Cup.
Nagbigay ng 23 points, 11 rebounds at 11 assists ang Gin Kings import na si Justin Brownlee na siyang nanguna para sa koponan.
Nag-improve sa 4-2 ang Ginebra na ka-lebel na ang converge sa ikatlong spot habang nalaglag naman ang Terrafirma sa 0-7 at 23-game losing slump mula pa 2021 PBA Governor’s Cup.

Kanselado ang mga laban ng UAAP at PBA dahil sa bagyong Paeng.

Nakatakda sanang magharap ang De La Salle University at University of Santo Tomas gayundin ang host na Adamson University at Ateneo De Manila University sa Araneta Coliseum ngayong araw.

Napagdesisyunan din ng UAAP na kanselahin ang Women’s Badminton Games dahil sa masamang panahon.

Samantala, sinuspinde rin ng PBA ang laban ng Meralco at San Miguel, pati na rin ang Rain or Shine at Magnolia.

Maglalabas naman ng panibagong schedule ang mga nasabing liga.

Pinagmulta ng NBA ng USD 35,000 ang presidente ng Toronto Raptors na si Masai Ujiri dahil sa paglapit nito sa scorer’s table at pagsabi ng hindi angkop na mga salita sa isang game official.

Naganap ang insidente sa gitna ng laro ng raptors kontra Miami Heat sa NBA Season 2022.

Matatandaang si Ujiri ay sumali sa Raptors bilang scouting director kung saan, noong 2008 ay naging assistant General Manager ito.

Bukod pa dito, naging General Manager at Executive Vice President din si Ujiri ng Denver Nuggets noong taong 2010.

Makalipas ang tatlong taon, bumalik si Ujiri bilang Vice President, General Manager at naging team president noong 2016 ng Raptors.

Tatanggalin na ng gobyerno ng Qatar ang pre-arrival COVID-19 teSt para sa mga manonood ng FIFA World Cup sa Nobyembre 20
Sinabi ng health ministry ng Qatar na hindi na hahanapan ng negative COVID-19 Rapid Antigen Test results ang mga manonood bago magtungo sa Qatar.

Magsisimula naman ang nasabing pagluwag sa requirements sa a-primero ng nobyembre.

Nagwagi ang Washington Wizards matapos tambakan ang Detroit Pistons sa NBA sa iskor 120-99.

Nilampaso ng Wizards ang Pistons kung saan, naitala ang 28-25 sa unang quarter, 28-24 sa ikalawang quarter, 29-26 sa ikatlong quarter, at 35-24 naman sa huling quarter na nagresulta sa kanilang pagkapanalo.

Nanguna sa koponan si Kyle Kuzma na nakapagtala ng 25 points, 6 rebounds, at 1 assist habang nasayang naman ang ginawang 25 points ni Bojan Bogdanovic ng Pistons.

Abangan naman sa darating na sabado ang susunod na laban ng Wizards kung saan, kanilang makakaharap ang Indiana Pacers alas-siete trenta, oras sa Pilipinas.

Pinadapa ng Phoenix Suns ang defending champion na Golden State Warriors sa kanilang unang paghaharap sa NBA Regular Season sa iskor na 134-105.

Nanguna sa laro si Devin Booker kung saan nagtala ng 34 points.

Nagkagirian naman ang 2 koponan pagdating ng second half at nagresulta sa pagkatanggal ni Klay Thompson sa laro.

Nagkainitan si Booker at Thompson dahilan upang makakuha ng mabilis na 2 technical foul si Thompson.

Samantala, hindi naman naging maganda ang naging laro ni Stephen Curry at nakapagtala lamang ng 21 points.

Hinihintay na lamang ni Gilas Pilinas Coach Chot Reyes ang pagdating ng ilang mga pinoy basketball players para doblehin ang kanilang pag-eensayo para sa November Window ng FIBA World Cup Asian Qualifiers.

Nabatid na nasa ibang liga pa sa ibang bansa ang mga manlalaro ng kuponan.

Sinabi ni Reyes na posibleng sa susunod na linggo ay darating na sa Pilipinas sina Dwight Ramos na naglalaro sa Levanga Hokkaido.

Nasa Nagoya Diamond Dolphins naman si Ray Parks habang naglalaro si Kiefer Ravena sa Shiga Lakers at Thirdy Ravena sa San-En Neophoenix.

Unang makakaharap ng Gilas Pilipinas ang Jordan sa Nobyembre 10  habang ang saudi arabia naman sa Nobyembre 3.

Tinambakan ng Philadelphia 76ers ang Indiana Pacers sa NBA finals sa iskor na 120-106.

Nilampaso ng 76ers ang Pacers kung saan, nanguna sa koponan si James Harden na nakapagtala ng 29 points, 9 rebounds, at 11 assists.

Nakaambag din sa panalo ng 76ers si Joel Embiid na nakapagtala naman ng 26 points, 5 rebounds, at 2 assists.

Abangan naman bukas ang susunod na laban ng 76ers kung saan, kanilang makakaharap ang Toronto Raptors alas-7:30 ng umaga, oras sa Pilipinas.