Nagwagi sa NBA Season ang Memphis Grizzlies kontra Portland Trail Blazers sa iskor na 111-106.
Ito’y matapos makapagtala ng 23 points, 13 rebounds, at 4 assists si Jusuf Nurkic.
Nakaambag sa koponan si Jerami Grant na nakapagtala din ng 23 points, 5 rebounds at 3 assists.
Abangan naman bukas ang susunod na laban ng Grizzlies kung saan, kanilang makakaharap ang Charlotte Hornets, alas-8 ng umaga, oras sa Pilipinas.
Nagsimula nang dumating ang mga football fans para sa 2022 FIFA World Cup sa Qatar.
Ito’y matapos luwagan ang COVID-19 restrictions ng qatar nitong a primero ng Nobyembre.
Kabilang sa niluwagan ay hindi na kailangan magpresenta ng negatibong RT PCR test bago bumiyahe pero kailangan pa rin silang magpakita ng vaccination certificate.
Maliban dito, napagkasunduan na rin ng mga opisyal na maaaring isuot na lamang ang facemask kapag pumapasok sa mga health facilities.
Samantala, nakatakdang magsimula ang FIFA World Cup sa November 20 at ito ay magtatapos hanggang Disyembre 18.
Nasungkit ng Pinay na si Kimberly Anne Custodio ang gintong medalya sa 2022 Jiu-Jitsu World Championship.
Nanguna ito sa 45-kilogram division matapos na pataubin si Kacie Tan ng Thailand.
Nabigo naman ang kasamahan nito sa team na sina Philip Cristopher Alegre sa Men’s 77-kilogram at Ashley Jeraine Baluyot ng Women’s 52-kilogram division.
Nabatid na ginanap ang championship sa Abu Dhabi.
Nagwagi sa NBA season ang Miami Heat kontra Golden State Warriors sa iskor na 116-109.
Tinambakan ng Miami ang Warriors sa unang quarter sa iskor na 33-24 at sa huling quarter sa iskor na 30-15.
Nanguna sa koponan si Max Strus na nakapagtala ng 24 points at Jimmy Butler na nakapagtala naman ng 23 points.
Abangan naman mamaya ang susunod na laban ng Miami kung saan, kanila namang makakaharap ang Sacramento Kings, alas-7:30, oras sa Pilipinas.
Nasungkit ng Pilipinas ang bronze medal sa Filbasket International Championship.
Matapos ito na pataubin ang malacca basketball club sa iskor na 81-72 sa Torneo na ginanap sa MABA Stadium sa Malaysia.
Nanguna sa panalo si Mac Baracael na nakakuha ng 24 points habang ang dating NCAA MVP Prince Eze ay may 12 points.
Samantala, nagwagi sa naturang torneo ang kuponan ng Malaysia.
Sinuspinde nang isang linggo ni TNT Tropang Giga Team Manager Jojo Lastimosa, si Filipino-American player Mikey Williams, makaraang hindi sumipot sa kanilang training noong Sabado.
Ayon kay Lastimosa, nagsanay ang koponan isang araw bago nila harapin ang Phoenix Super LPG Fuel Masters para sa 2022 PBA Commissioners Cup nitong linggo.
Bukod sa hindi pagpractice ng atleta, hindi rin ito nagpunta sa kanilang team building sa Batangas at ilang beses naring lumabag si Williams sa patakaran ng koponan.
Iginiit ni Lastimosa na ang ipinakita ni Williams sa kanilang koponan ay hindi gawain ng matinong teammate.
Matatandaang nito lamang nakaraang Hulyo, muling pumirma si Williams ng 3-year contract extension sa TNT.
Umabante na si Filipino Olympian at Gymnast Carlos Yulo sa finals ng 4 na event sa 2022 World Gynastics Championships Sa Liverpool, United Kingdom.
Nanguna si Yulo sa floor exercise matapos na makakuha ng iskor na 15.266 na binubuo ng 8.86 execution at 6.400 difficulty.
Nagkaroon din ng pagkakataon ang olympian na depensahan ang kaniyang titulo matapos mag-qualify sa vault finals kung saan nagtapos ito sa iskor na 14.849.
Nakapasok din si yulo sa men’s all-around matapos makuha ang ikatlong pwesto at ika-4 na pwesto naman sa finals ng parallel bars.
Sinuspinde ng isang linggo ng tnt tropang GIGA si Mikey Williams matapos hindi dumalo sa ensayo noong sabado.
Si Williams ay bigong dumalo sa kanilang laban sa Ynares Center sa Antipolo kung saan natalo ang koponan para sa standing na 3-4.
Dahil sa suspensiyon, hindi rin makakadalo si Williams sa kanilang laban sa terrafirma dyip sa darating na sabado.
Ang nasabing manlalaro ay mayroong average score na 19.6 points, 4.6 assists at 4.4 rebounds para sa tropang GIGA sa PBA commissioners cup.
Hinihintay na lamang ni Gilas Pilipinas Coach Chot Reyes ang pagdating ng mga Filipino Players na naglalaro sa Liga sa ibang bansa.
Nakatakdang dumating kasi sa Nobyembre 1 sina Kiefer at Thirdy Ravena ganun din sina Dwight Ramos at Ray Parks para maging reinforcement ng national basketball team sa pagsabak sa FIBA World Cup Asian Qualifiers sa Nobyembre.
Agad na sasabak ang mga ito sa ensayo kasama ang ilang mga Gilas players.
Ayon naman sa Gilas Coach na hinihintay pa nila ang go-signal ng Australian Basketball League matapos na nakipag-koordinasyon na ang samahang basketball ng Pilipinas at makasama si Kai Sotto.
Unang makakaharap ng gilas ang jordan sa Nobyembre 10 habang pagdating naman sa Nobyembre 13 ay makakaharap nila ang Saudi Arabia.
Nagwagi ang Milwaukee Bucks kontra Atlanta Hawks sa iskor na 123-115.
Pinangunahan ni Giannis Antetokounmpo ang Bucks ng makapagtala ito ng 34 points, 17 rebounds, at 4 assists, dinagdagan pa ito ni Jrue Holiday na may 34 points, 2 rebounds at 12 assists habang nasayang naman ang 42 points, 6 rebounds at 5 assists ni Trae Young.
Lumamang sa una, ikalawa at huling quarter ang Bucks upang maitala ang kanilang ika-5 sunod na panalo.
Abangan naman bukas ang susunod na laban ng Bucks kung saan, kanila namang makakaharap ang Detroit Pistons alas-otso ng umaga, oras sa Pilipinas.