SPORTS

Tinapos ng Minnesota Timberwolves ang tatlong sunod nilang pagkatalo.

Ito ay matapos pataubin ng Timberwolves ang defending champion Golden State Warriors sa iskor na 109-103.

Nanguna sa panalo ng Minnesota si Karl Anthony Towns na kumana ng tatlumpu’t isang (31) puntos at labing anim (16) na rebound.

Ayon kay Towns, malaking bagay sa kanila ang panalong ito lalo’t bigating koponan ang kanilang nakalaban.

Samantala, hindi naman sumapat ang tatlumpu’t siyam (39) na puntos ni Kevin Durant para iangat ang Golden State.

—-

Tila hindi kasama si Coach Freddie Roach sa training camp ni Manny Pacquiao para sa laban nito kay Lucas Matthysse ng Argentina sa Hunyo 24 sa Kuala Lumpur, Malaysia.

Batay sa schedule ni Pacquiao na inilabas ng Phil Boxing. com, si Buboy Fernandez at dalawang iba pa ang tinukoy na mangunguna sa training ni Pacquiao.

Una nang sinabi ni Roach sa panayam sa kanya ng Los Angeles times na hindi sinasagot ni Pacquiao ang kanyang mga tawag.

Sa susunod buwan, magsisimula na ang training camp ni Pacquiao sa wild card gym sa General Santos City.

Itinanggi ni Cleveland Cavaliers team captain Lebron James ang ulat na lilipat na siya ng ibang team.

Ito ang nilinaw ni James sa gitna ng ulat na kabilang sa kanyang ikinukunsiderang lipatan sa napipinto niyang “free agency” sa Hulyo ay ang Philadelphia 76ers, Houston Rockets at Los Angeles Lakers.

Ayon kay Lebron, marami pa siyang  ginagawa at aasikasuhin sa Cleveland kaya’t ikinukunsidera rin niya ang pananatili sa kanyang hometeam.

Gayunman, posibleng makaapekto sa kanyang desisyon  ang magiging performance ng Cavaliers ngayong taon at kung masusungkit muli  nila ang nba championship ay malaki ang tsansang hindi siya umalis.

Kasalukuyang nasa 3rd spot sa Eastern Conference Division ang Cavaliers sa kartadang 38-27 at tiyak ng may pwesto sa Playoffs.

Hindi pa napag-uusapan ng kampo ni Fighting Senator Manny Pacquiao kung sino ang kanyang tatayong coach sa kaniyang laban kontra sa Argentianian Boxer na si Lucas Matthyse.

Ito ang inihayag ni Pacquiao matapos tiyakin na tuloy na tuloy na ang kanilang paghaharap ni Matthyse sa a-24 ng Hunyo sa Kuala Lumpur Malaysia.

Ayon kay Pacquiao, hindi pa sila nakapagpapasya kung sino ang kanyang magiging coach sa laban matapos na inanunsyo ng kanyang kampo na hindi kabilang si Freddie Roach sa kanyang training.

Gayunman sinabi ni Pacquiao na maayos pa rin ang relasyon nilang dalawa ni Roach.

Samantala, inamin naman ni Pacquiao na hindi niya nagustuhan ang unang plano ng promoter na si Bob Arum na lumaban siya bilang undercard sa laban ng mga boksingerong si Jeff Horn at Terence Crawford.

Ito ang paliwanag ni Pacquiao kaya kinuha niya ang alok ng malaysia na lumaban sa nasabing bansa sa ilalim ng Golden Boy Promotions.

Nagsimula na ang pagsasanay ng Philippine boxing team para sa 2018 Asian Games sa Indonesia na nakatakdang ganapin sa Agosto 18 hanggang Setyembre 2.

Ayon kay Philippine Boxing Team Coach Roel Velasco, kasalukuyan silang nasa Baguio City kasama ang mahigit 20 boksingero ng team para magsanay.

Sinabi ni Velasco na unang sasalang sa high altitude training ang mga boksingero ng Philippine team sa gym ng Philippine Sports Commission sa teacher’s camp.

Kasunod nito ay magtutungo na sila sa Indonesia para ipagpatuloy ang kanilang practice gayundin ang mabigyan ng sapat na panahon ang mga boksingero.

—-

Na domina ng Golden State Warriors ang laban kontra San Antonio Spurs.

Nagsilbing bayani sa laban si Kevin Durant na gumawa ng 37 points, 11 rebounds at apat na blocks.

Nang maalis si Stephen Curry sa first quarter dahil sa injury, si durant ang halos nagtimon sa koponan lalo na sa last quarter para mapasakamay ang ika pitong panalo simula nuong all star break.

Nag ambag naman sa Golden State sina Klay Thompson at Javale Mcgee ng 13 markers para maitala ang 51st win ng koponan ngayong regular season.

Gumawa naman ng 30 points si La Marcus Aldrigde para sa Spurs.

Susubukan pa ring bumawi ng warriors sa laban nila sa portland Trail Blazers habang tutungo naman sa Oklahoma City sa linggo ang Spurs.

Puspusan na ang paghahanda ng kampo ni Manny Pacquiao para sa laban nito kay WBA Welterweight Champion Lucas “The Machine” Matthysse sa Hunyo.

Kasunod ito ng di umano’y pagpayag na ng Argentinian boxer sa mga termino ng laban.

Una nang binalaan ni dating two-time world champion Gerry Peñalosa si Pacquiao na dapat itong mag-focus sa training dahil isang delikadong boksingero si Matthysse.

Ang Pacquiao-Matthysse fight na gaganapin sa Kuala Lumpur ay itinuturing na unang world title match sa naturang bansa matapos ang apatnapu’t tatlong (43) taon.

—-

Pinayukod ng sunod-sunod na three point shots ng Philadelphia 76ers ang Charlotte Hornets, 128-114 sa spectrum center.

Limang three point shots ang naibuslo ni Robert Covington na nakabuo ng 22 points samantalang apat naman ang ginawa ni Dario Saric na nakabuo ng 19 points.

Ito pa lamang ang pangalawa sa four game road stretch ng Philadelphia at ang unang panalo nila ay nagmula rin sa Charlotte noong nakaraang linggo.

—-

Kinumpirma na ni 8-division boxing world champion Manny Pacquiao na magaganap ang kanyang laban sa Malaysia.

Ayon kay Pacquiao hiniling umano ng mga taga-Malaysia na doon gawin ang kaniyang susunod na laban na posibleng ganapin sa Hunyo.

Samantala, kasalukuyang pinaplantsa na umano kung sino ang kaniyang makakaharap sa pagbabalik niyang muli sa boxing ring.

Pinagpipilian umano kung sino ang kaniyang makakalaban sa pagitan nina Lucas Matthysse ng Argentina at Danny Garcia ng Estados Unidos.

—-

Hindi nakapaglaro ang all-star point guard ng Celtics na si Kyrie Irving nang makaharap ang Chicago Bulls.

Dahil dito, agad nakapuntos kontra sa Celtics ang Chicago Bulls.

Ang pananakit ng tuhod na na pinalala ng laro ng Celtics kontra Houston ang dahilan ng pagliban ni Irving sa kanilang laro.

Batay sa datos ng NBA, hindi rin naglaro si Irving nang ilampaso ng Bulls ang Celtics, 108-85 noong December 11.

—-