SPORTS

Nakuha ng Barangay Ginebra San Miguel ang kanilang unang panalo sa best of three quarterfinals kontra Rain or Shine sa PBA Philippine Cup.

Natapos ang laro sa score na 88 – 80 kung saan lamang ang Gin Kings.

Nanguna naman sa panalo ng Barangay Ginebra si LA Tenorio na nakapagtala ng 16 points.

Dumagdag din sa score si Joe Devance na merong 15 points at Japeth Aguilar na nakapag-ambag ng 14 points.

Samantala nakuha rin ng NLEX ang unang panalo sa semis kontra naman sa Alaska Aces sa score na 105 – 99.

—-

Pasok na sa playoffs sa PBA Philippine Cup ang TNT Katropa matapos na patalsikin ang Phoenix Fuel Masters sa score na 118-97.

Dahil dito nasa number 8 spot na ang TNT at nakatakdang kalabanin ang kasalukuyang nasa number 1 na San Miguel Beermen.

Nanguna sa panalo ng TNT si Jayson Castro na nakagawa ng 17 points, 9 assists at 8 rebounds.

Samantala, sisimulan naman mamayang gabi ang best of three quarterfinals sa Mall of Asia Arena kung saan maghaharap ang number 4 na Barangay Ginebra kontra sa number 5 na Rain or Shine at number 3 Alaska laban sa number 6 NLEX.

—-

Itinanggi ni Top Rank promoter Bob Arum na nainsulto si Senator Manny Pacquiao kaya nito tinanggihan ang alok na maging undercard sa bakbakang Jeff Horn at Terrence Crawford sa darating na Abril, Katorse

Ayon Arum, may ibang dahilan sa pag-atras si Pacquiao pero hindi niya ito maaaring sabihin

Nilinaw din ni Arum na walang namumuong iringan sa pagitan niya at ni Pacquiao

Una nang sinabi ng Media Manager ni Pacquiao na si Zono Aquiles na insulto sa pambansang kamao ang alok na maging undercard sa bakbakang Horn-Crawford kung saan paglalabanan ang WBO Belt na inagaw kay Pacquiao ni Horn sa kontrobersyal na bakbakan nila noon sa Brisbane, Australia

Makakaharap sana ni Pacquiao sa undercard ng Horn-Crawford si Mike Alvarado

RPE

Hindi pa rin natitinag ang Toronto Raptors sa top spot ng Eastern Conference Division ng regular NBA season.

Nalusutan ng Raptors ang Washington Wizards sa score na 102-95 sa kabila ng homecourt advantage ng Wizards.

Bagaman naungusan ng 14 points ang Raptors sa mga unang minuto ng first quarter, rumesbak ang team sa pangunguna ni Demar Derozan na nagpakawala ng 23 points habang nag-ambag ng 17 points si Cj Miles.

Kumamada naman ng 24 points si Otto Porter Junior at 23 points si Bradley Beal para naman sa Washington.

Naitala ng number 1 team sa eastern conference ang kartadang 44-17 habang nakapako sa 4th spot ang Wizards sa standing na 36-27.

Sinuspendi ng isang laro si Cleveland Cavaliers Point Guard J.R. Smith dahil umano sa hindi nito magandang inasal sa harap ng kanilang assistant coach na si Damon Jones.

Ayon sa ulat, hinagisan ni Smith ng isang mangkok ng sabaw si Jones na nangyari matapos matalo ang Cavaliers sa kanilang laban kontra Philadelphia Seventy Sixers.

Hindi naman nagbigay pa ng detalye ang coach ng cavalier na si Tyronn Lue sa nasabing insidente bagama’t lumabas na ang isyu ng pagkakaroon ng kaaway ni Smith sa loob ng kanilang team.

Samantala, inaasahan namang magbabalik na si Smith sa biyernes para sa practise ng Cavaliers sa laban naman nito Kontra Denver Nuggets sa susunod na sabado.

Bigo ang Filipino boxer na si Ernesto Saulong sa kanyang laban kay IBF Super Bantamweight Champion na si Ryosuke Iwasa ng Japan.

Sa kanilang paghaharap sa Kokugikan Sumo Stadium sa Tokyo, Japan kagabi, natalo si Saulong  via unanimous decision.

Nagbigay naman ang mga judge ng score na 119-109, 120-108, 118-110 pabor kay Iwasa.

Hawak na ng Japanese Bantamweight Champion ang 25 wins kabilang ang knockout at 2 losses habang lumagpak ang Pinoy Fighter sa  21 wins, 3 losses at 1 draw record.

RPE

Umatras na sa Mexican Open si World Number Two Rafael Nadal.

Ipinaliwanag ni Nadal na ang naturang desisyon ay busod ng kanyang hip injury.

Sinabi ng Spanish tennis star na sabik na siyang sumabak sa Mexican Open hanggang sa muli aniya niyang naramdaman ang kirot sa kanyang balakang at binti nang mag-ensayo ito.

—-

Hindi pa rin natitinag ang Houston Rockets sa top spot ng Western Conference Division ng 2017-2018 regular NBA season.

Ito’y makaraang maitala ng Rockets ang kanilang ika-13 sunod na panalo makaraang pataubin ang Utah Jazz sa score na 96-85.

Ipinako ni James Harden ang 26 points upang umabante ang Rockets habang nag-ambag ng 17 points si Rudy Gobert para sa Utah.

Dahil dito, bahagyang naungusan ng Rockets sa kartadang 47-13 ang defending champions Golden State Warriors na nasa 2nd spot ng Western Conference Division at may 47 wins at 14 losses.

—-

Patuloy ang panliligaw ng Philadelphia 76ers kay Cleveland Cavaliers star Lebron James.

Patunay nito ay ang paglalagay ng Sixers ng tatlong malalaking billboard sa Philadelphia na nagpapahayag ng matinding pagnanais ng mga mamamayan doon kay Lebron.

Maliban dito, naglagay din ng kahalintulad na Billboard ang Sixers sa Interstate-480 sa Cleveland.

Ang nasabing hakbang ng Sixers ay bunsod ng pagiging free agent ni Lebron simula sa susunod na season.

—-

Opisyal ng nagtapos ang 2018 Winter Olympics sa Pyeongchang, South Korea.

Naging magarbo at makulay ang closing ceremony sa pamamagitan ng parada at fireworks display sa Pyeongchang Olympic Stadium.

Sa kabuuan ay 2,922 atleta mula sa 92 bansa ang lumahok sa naturang torneyo.

Nanguna naman sa medal tally ang Norway na umabot sa 39 na binubuo ng  14 na ginto, 14 na pilak at 11 tanso;

Pangalawa ang Germany na may kabuuang 31 o 14 na gold; 10 silver at 7 bronze habang pangatlo ang Canada na mayroong 29 na medal  o 11 gold; 8 silver at 10 bronze.

Posted by: Robert Eugenio