SPORTS

Magandang depensa ang ipinakita ng Gilas Pilipinas matapos mapabagsak ang Saudi Arabia team sa pagpapatuloy ng 2023 FIBA World Cup Asian qualifiers sa Jeddah.

Ito’y ayon sa sport analyst na si Joaquin Henson.

Sinabi ni Henson sa DWIZ, na gumaganda na ang takbo ng sistema ng Gilas Pilipinas ngayon kasunod nito na hindi maganda ang performance sa huling torneo nito sa SEA Games.

Iginit pa ni Henson na nakaisip din ng mga hakbang ang Gilas Pilipinas upang mapahusay pa ang laro nito. –-mula sa panulat ni Jenn Patrolla

Planong patumbahin ng Gilas Pilipinas ang Lebanon at Jordan sa 6^th Window FIBA Asian Qualifiers na gaganapin sa Pilipinas sa February 2023.

Ayon sa Samahang Basketbol ng Pilipinas, sabik na ang koponan na maipakita ang kanilang galing sa harap ng kanilang mga kababayan.

Sa pahayag ni SBP President Al Panlilio, ito rin umano ang makakatulong sa paghahanda at pagsasanay ng team tungo sa pag-abot ng karangalan sa World Cup Qualifiers.

Umaasa naman ang Gilas na makakasama nila bilang naturalized player ang two-time PBA Best Import at Five-Time Champion ng Barangay Ginebra na si Justin Brownlee kung saan, kinukumpleto na ng mga opisyal ng SBP ang mga kailangang dokumento nito para tulungan ang Gilas sa torneyo.

Pumanaw na ang Dating UFC World Title Challenger at Mixed Martial Arts(MMA) Fighter Anthony “Rumble” Johnson sa edad na 38

Kaugnay nito, hindi naman sinabi ang dahilan ng pagkamatay ng MMA Fighter.

Si Johnson ay kilala dahil sa kaniyang knockout power.

Nanalo rin siya laban kay Glover Teixeira at Alexander Gustafsson

Matatandaang inanunsyo ni Johnson ang kaniyang pagreretiro sa MMA noong 2017.

Nasungkit ng 5-taong gulang na pinay ang gintong medalya sa Jiu-Jitsu World Championship sa Abu Dhabi.

Nanguna si Aleia Aielle Aguilar sa kids 1 – under-16 category sa nasabing kompetisyon.

Tinalo muna ni Aguilar si Maria El Halabi ng United Arab Emirates sa semifinals sa iskor na 6-0 bago nito nakaharap si Gabriella Vercoza ng Brazil.

Nagmula sa pamilya ng mga martial artists si Aguilar kung saan ang ina nitong si Maybelline Masuda ay Dating World Champion at Gold Medalist sa 2014 Asian Beach Games.

Habang ang ama niyang si Alvin Aguilar ay black belter sa Brazilian Jiu-Jitsu.

Nag-uwi ng gintong medalya si Olympian Medalist Carlo Paalam matapos sumabak sa Asian Women’s and Men’s Elite Boxing Championships na ginanap sa Amman, Jordan nito lamang Sabado.

Sumungkit ng karangalan si Paalam para sa Pilipinas sa pamamagitan ng split decision laban kay Makhmud Sabyrkhan ng Kazakhstan sa ilalim ng Men’s Bantamweight Finals.

Nabatid na umiskor si Paalam ng 30-27 mula sa hukom ng United Arab Emirates; 29-28 mula sa mga hukom sa Slovakia, India, at Ireland habang ang judge naman mula sa Italy ang tanging nagbigay ng 29-28 na score na pabor sa katunggali ni Paalam.

Matatandaang una nang pinatumba ni Paalam sa Semis si Sanzhai Seidakmatov ng Kyrgyzstan na nagresulta para siya ay umabante sa title clash.

Itinanghal na champion ang 8-year-old chess prodigy sa 6th Eastern Asia Youth Chess Championship sa Bangkok, Thailand.

Si Bince Rafael Operiano mula Albay ang pambato ng Pilipinas sa International Competition mula November 4 hanggang 13.

Nadiskubre ang galing ni Operiano noong 6 na taong gulang pa lamang ito matapos nitong manalo sa national age chess group kiddie category.

Nakatakda namang bigyan ng National Master Status ng National Chess Federation of the Philippines si Operiano kapag nag-10 taong gulang na ito. - sa panunulat ni Hannah Oledan 

Mayroon ng sariling Volleyball Camp ang Queen Tamaraw na si Rachel Anne Daquis bukod pa sa paglalaro ng Volleyball sa Cignal HD Spikers.

Ibinahagi ni Daquis sa kanyang Facebook page na ‘Rad Sports Development’ ang kuha sa unang araw ng Volleyball Camp kung saan maraming manlalaro ang nakilahok.

Ginanap ang Camp ni Daquis sa Central Colleges Philippines na kung saan dumalo rin ang kapitana ng HD Spikers.  —sa panulat ni Jenn Patrolla

Nakapagtala ng double-double sina Calvin  Abueva at import Nicholas Rakocevic upang pangunahan ang Magnolia Hotshots na masungkit ang panalo kontra Phoenix Fuel Masters sa iskor na 90-80,sa 2022 PBA Commissioner’s Cup.

Tumipa si Rakocevic ng 18 points at 18 rebounds habang nagtala naman ng 15 points at 12 rebounds si Abueva.

Dahil sa panalong ito, mananatili sa top spot ng standing ang Hotshots na may kartadang pitong panalo at isang talo(7-1).

Nag-ambag naman sina Jio Jalalon at Mark Barroca ng 12 at 11 points habang nagboslo ng tig-10 puntos sina Paul Lee at Ian Sangalang.

Bubuo ng Fact-finding Committee ang Philippine Sports Commission (PSC) para paimbestigahan ang kontrobersiya sa NCAA kamakailan.

Nais ng PSC na malaman ang tunay na nangyari sa pag-a-amok ni Jose Rizal University player John Amores laban sa mga manlalaro ng College of St. Benilde.

Ayon kay PSC chairman Noli Eala, walang lugar ang karahasan sa larangan ng sports ngunit iginiit din nito na isa sa mga haligi ng sporting community ang fair play.

Mababatid na nito lamang Martes nang sapakin ni Amores ang players ng St. Benilde dahil sa pagkakatalo ng kanilang koponan.

Sa ngayon, pinatawan na ng Indefinite Suspension ng NCAA at JRU si Amores. —sa panulat ni Hannah Oledan

Tinalo ng Meralco Bolts ang Black Water sa score na 102-98 sa PBA Commissioner’s Cup.

Nanguna si KJ McDaniels ng Bolts na nakapagtala ng 26 points, 12 rebounds at 5 assists habang nag-ambag naman ng 18 points at 9 rebounds si Aaron Black.

Tinapalan ni McDaniel si Barkley Ebona ng Blackwater sa natitirang 42 seconds ng laro, dahilan para maitabla ang score sa 96.

Naging malaking bahagi din ng pagkapanalo ng Bolts ang pagpasok ni Black ng dalawang crucial free throw sa huling 12 segundo ng laro, dahilan para maging 101-98 ang score.

Sa kasalukuyan, mayroon nang tatlong panalo at pitong talo ang Blackwater habang mayroon namang tatlong panalo at limang talo ang Meralco Bolts. —sa panulat ni Hannah Oledan