May apela ngayon kay Lebron James ang number 8 pick sa NBA draft at ang bagong miyembro ng Cleveland Cavaliers na si Collin Sexton.
Hinimok nito si Lebron na manatili sa Cavs at pagtulungan ang mga laro para makabalik sila sa finals.
Sinabi ni Sexton na walang rason si Lebron para lisanin ang kanyang tahanan sa ikalawang pagkakataon.
Matatandaang inaasahan ang paglipat ni Lebron matapos na mabigo ang Cavs na masungkit ang kampeonato sa nakaraang NBA Finals.
Nagtapos sa draw ang laban ng Australia at Denmark sa pagpapatuloy ng FIFA World Cup sa score na 1-1.
Naging matindi ang laban ng dalawang bansa sa second half kung saan naipasok ni Australian captain Mile Jedinak ang penalty para maitabla ang score.
Dahil dito, nagkaroon pa ng tiyansa ang Australia na makapasok sa knockout rounds.
Nakatakda namang susunod na makakalaban ng Australia ang Peru habang France naman ang makakaharap ng Denmark.
Iaanunsyo bukas ng Cleveland Cavaliers ang kahihinatnan ng kanilang star player na si Lebron james.
Ito ay matapos mabigo ang Clevelend sa nagdaang NBA Finals kung saan ay winalis sila sa Game 4 ng defending champion na Golden state Warriors.
Simula kasi sa June 29, nakatakda nang maging free agent si James kung saan ay maraming koponan ang nag-iinteres na makuha si King James.
Kabilang sa mga koponang interesado kay Lebron ang Houston Rockets, Los Angeles Lakers at Philadelphia 76ers.
Nakapagtala ng kasaysayan ang Japan sa FIFA World Cup bilang unang Asian country na nanalo sa pagbubukas palang ng nasabing football tournament.
Tinalo ng Japan ang bansang Colombia sa opening game ng Group H match sa score na 2 – 1.
Unang nakuha ng Japanese football player na si Shinji Kagawa ang puntos para sa Japan matapos ang anim na minuto.
Naitabla naman ito ng manlalarong si Juan Quintero ng Colombia sa pagsisimula ng halftime.
At matapos ang half break, naipanalo na ni Yuya Isaka ng Japan ang kanilang koponan matapos maka-score sa loob ng pitumpu’t tatlong minuto.
Balik na sa number one ng ATP Rankings si Swiss tennis star Roger Federer.
Nabawi nito ang pangunguna sa world rankings mula kay Rafael Nadal ng Spain.
Ito ay sa kabila ng pagkakapanalo ni Nadal sa katatapos lamang na French Open.
Malaking bagay para manguna sa world ranking si Federer ang nasungkit nitong kampeonato sa Mercedes Cup sa Germany.
Ito na ang ika-limang beses na nagpalitan sa una at ika-lawang pwesto sina Federer at Nadal.
Ginulat ng Mexico ang defending champion na Germany nang padapain nila ito sa kanilang unang laro sa World Cup.
Naitala ng striker ng Mexico na si Hirving Lazano ang una at kaisa-isang goal ng game.
Maliban sa pagiging defending champion, hawak rin ng Germany ang record ng panalo sa bawat opening game ng major tournaments mula nang maupong coach si Joachim Loew noong 2006.
Numero uno sa World FIFA ranking ang Germany samantalang nasa number 16 lamang ang Mexico.
Pinatalsik sa court ang apat na manlalaro ng San Miguel Beermen at TNT katropa matapos mag pang-abot sa PBA Commissioner’s Cup kagabi.
Sa first half ng game, ejected sina Terrence Romeo at Marcio Lassister dahil sa dalawang technical fouls.
Binutata ni Lassister ang tira ni Romeo na humantong sa banggaan at face to face.
Na-eject naman sa 4th quarter sina Arwind Santos at Anthony Semerad nang magkapisikalan sa rebound.
Sa replay, makikitang hinila ni Santos si Semerad.
Pagkabagsak, siniko ni Santos ang batok ni Semerad.
Gumanti naman si Semerad na siniko ang batok ni Santos.
Wagi ang San Miguel Beermen sa naturang game sa score na 99-94.
Target ng bagong head coach ng Philippine Azkals na dalhin ang national team sa World Cup.
Ayon kay Terry Butcher, hindi ito malayong mangyari matapos na makapasok sa unang pagkakataon ang team sa 2019 Asian cup.
Dagdag pa ng coach, batid niya ang kakayahan at potensyal ng bawat isa kaya hindi imposibleng maabot ang nasabing target.
Kasabay nito, pinuri ni Butcher ang dating head coach na si Tomas Dooley dahil sa pag-angat ng ranking ng national team sa ika-115 puwesto sa Federation Internationale de Football Association.
Inulan ng kantiyaw ang koponan ng Morocco matapos magkamali ang isang manlalaro nito kung saan ipinasok ang goal sa kalabang Iran.
Sa social media, bumaha ang pambabatikos kay Aziz Bouhaddouz makaraang tulungan nitong manalo ang Iran sa iskor na 1-0.
Dahil dito, nanganganib na umuwi ng maaga ang Morrocans.
Isa ang Iran sa koponan na mula sa Asya na nakapasok sa Russia 2018.
May bago nang coach ang Philippines Azkals.
Sa katauhan ito ni Terry Butcher kapalit ni Thomas Dooley na hindi na ni-renew ang kontrata na nagtapos noong buwan ng Marso.
Si Butcher ay dating rangers captain sa Scottish premiership na kumatawan sa England sa tatlong World Cups.
Ang pagiging coach ng Azkals ang unang trabaho ng 59-anyos na si Butcher matapos umalis sa Welsh Association Club Newport County noong 2015.