SPORTS

Tinanggihan ni Oklahoma City Thunder Forward Paul George ang kanyang 20.7 million dollar player option sa susunod na NBA season.

Mas pinili ni George ang maging isang unrestricted agent.

Sa kabila nito, nananatiling kumpiyansa ang Thunder na sa kanila pa rin maglalaro si George kung saan makakasama nito sina Russel Westbrook at Carmelo Anthony.

Si George ay may average na 21.9 points, 5.7 rebounds at 3.3 assists sa pitumpu’t siyam (79) na laro nito sa Thunder noong nakaraang taon.

—-

Laglag na sa FIFA World Cup ang defending champion na Germany.

Ito ay matapos silang padapain at ipahiya ng koponan ng South Korea na itinuturing na biggest shocks sa kasaysayan ng World Cup.

Makapigil hininga ang laro ng dalawang koponan hanggang sa naka-goal sa 92nd minute si Kim Young Gwon na nagpapanalo sa South Korea.

Dahil dito, nagtapos sa 2-0 ang laban pabor sa Korea habang umuwing luhaan ang mga German fans.

—-

Tumutulong na ngayon boxing legend at golden boy promotions CEO Oscar dela Hoya sa promosyon ng laban ni dating 8-Division World Champion Manny Pacquiao kay Lucas Matthysse na gaganapin sa Hulyo 15.

Ayon kay Dela Hoya, magtutungo itong Malaysia ngayong linggo para sa promosyon ng naturang laban.

Naniniwala ang dating Olympic champion na wala nang magiging sagabal pa para maisakaturapan ang naturang laban lalo’t desidido aniya ang magkabilang kampo na magka-alaman sa darating na Hulyo.

Una rito, nagpahayag ng pagdududa ang dating promoter ni Pacquiao na si Bob Arum na matutuloy ang naturang laban ni Pacquiao.

—-

Agad na sumabak sa pagsasanay ang Gilas Pilipinas matapos makarating sa Taiwan para sa laban nito kontra Chinese Taipei.

Gaganapin ang nasabing laro sa Biyernes para sa FIBA World Cup Asian Qualifiers.

Ayon kay Gilas Coach Chot Reyes, kailangan nilang manalo sa laban para makausad sa susunod na round.

Ilan sa mga players na nakasama sa biyahe ay sina Gabe Norwood, Jayson Castro, Japeth Aguilar, June Mar Fajardo, Terrence Romeo, Roger Pogoy, Troy Rosario, Baser Amer, Jiovani Jalalon, Allein Maliksi, Carl Bryan Cruz, Calvin Abueva, Matthew Wright, Andray Blatche at Troy Rike na miyembro ng Gilas Pool 2023.

—-

Ibinasura ng Indiana Pacers ang team option para kay Lance Stephenson ngayong 2018-2019 NBA Season.

Sa gitna na rin ito nang pagsisimula ng free agency sa July 1.

Ayon kay Kevin Pritchard, Pangulo ng Basketball Operations ng Pacers, hirap silang mag-desisyon dahil nais nilang magkaroon ng flexibility para makapaghanda sa lahat ng kanilang available options.

Hindi pa naman tuluyang ibinabasura ng Pacers ang pagpapapirma muli kay Stephenson sa ibang pagkakataon subalit inaasahan nilang makukuha sina Tyreke Evans at Will Barton sa sandaling magbukas na ang free agent market.

Si Stephenson ay inaasahang kukubra ng 4.3 million US dollars ngayong NBA season kapag lusot ito sa team option.

—-

Nanganganib ma-eliminate ang Argentina sa 2018 FIFA World Cup na ginaganap sa Russia.

Kasalukuyang kulelat at wala pang panalo subalit may isang talo at draw ang Argentina sa Group D kung saan namamayagpag naman ang Croatia.

Bagaman nananatiling kumpiyansa ang isa sa tinaguriang “greatest football player of all time” na si Lionel Messi na makasungkit ng isang panalo, tila dismayado ito sa sinasapit ng koponan.

Bukas makakasagupa ng Argentinian national football team ang Nigeria sa Krestovsky Stadium, Saint Petersburg.

—-

Inaasahang muling ipapamalas ng Ginebra San Miguel ang “never say die” attitude nito laban sa Alaska Aces.

Ito’y kasunod ng nakatakdang paghaharap ng Gin Kings at Aces ngayong gabi sa Araneta Coliseum, Cubao, Quezon City.

Ayon kay Ginebra Coach Tim Cone, maganda ang inilalaro ng Alaska sa kasalukuyang kumpetensya kaya’t kailangan nilang mag-doble kayod upang masigurong maipapanalo ang kanilang mga nalalabing laro at maiwasan ang twice to beat disadvantage sa playoff.

Sa ngayon, nasa ikalawang pwesto ang Alaska na may kartadang pitong panalo at dalawang talo habang may apat na panalo at 5 talo naman ang Gin Kings.

Ganap na 6:45 ngayong gabi magsisimula ang paghaharap ng Ginebra at Alaska Aces.

Tinanggi ng kampo ni Senador Manny Pacquiao na kanselado ang July 15 Malaysian fight nito kay Lucas Matthysse.

Kasunod na rin ito nang paglabas ng report na kulang pa ng 2 million dollars ang pondo ng mp promotions para sa nasabing laban.

Ayon kay Mike Koncz, adviser ni Pacman, naayos na ng senador ang anumang kulang.

Dahil dito, hinamon ng Team Pacquiao ang mga nagpapakalat ng balita at tiyak na kakainin nila ang kanilang mga salita kapag natuloy na ang nasabing laban.