SPORTS

Todo todo ang pagsasaya ng Belgium matapos ang upset nila sa world cup favorite na Brazil sa kanilang quarterfinal match sa Kazan City.

Ayon kay Belgium Cach Roberto Martinez, labis ang kanyang papuri sa kaniyang team na dinala ang kanilang bansa sa semifinals simula pa noong 1986.

Dismayado naman ang Brazil na siya pa namang inaasahan ng marami na mag uuwi ng kampeonato ngayong taon.

Inihayag ng mga expert na ito ang kauna unahang pagkakataon na walang nakapasok na Brazil, Argentina o Germany sa last four.

Dahil sa pagkatalo ng Brazil, pawang European teams na lamang ang maglalaban sa nalalabing state para maka puwesto sa finals ng world cup.

Magtutuos mamayang 10:00 ng gabi ang number 24 Sweden at Number 12 England samantalang bukas ng madaling araw ang tunggalian ng number 70 Russia at number 20 Croatia.

Bukas umano ngayon ang Cleveland Cavaliers na i-trade ang kanilang forward na si Kevin Love.

Isa sa mga posibleng mapuntahan ni Love ay ang Los Angeles Lakers kung saan makakasama nito doon ang kalilipat rin lang na si 4-time MVP na si Lebron James na      kasamahan rin nito sa Cavs noong mga nakaraang NBA season.

Maliban dito, posible ring ma-trade si Love sa koponan ng Portland Trail Blazers.

Ang five time all star na si Love ay may natitira pang dalawang season sa Cavs na nagkakahalaga ng 49.7 million dollars.

Ang 30- taong gulang na forward ng Cavs ay may average na 17.6 points at 9.3 rebounds sa  59 na regular season games.

Humingi na ng paumanhin si Gilas Pilipinas Head Coach Chot Reyes sa rambulan ng kanilang team at Australian Boomers sa 2019 FIBA World Cup Asian Qualifiers sa Philippine arena, Bocaue, Bulacan noong Lunes.

Ayon kay Coach Chot, nais na nilang maka-usad mula sa hindi inaasahang insidente at humingi na rin ng paumanhin ang mga Gilas player sa mga nadismaya maging sa Australian team.

Sa kabila nito, nagpapasalamat anya ang national team sa mga sumusuporta sa kanila.

Una ng inako ni Reyes ang responsibilidad sa pagkakasangkot ng kanilang koponan sa naturang insidente.

—-

Lusot na sa quarterfinals ng FIFA World Cup ang koponan ng England.

Ito ay matapos idispatsa ng England ang kalabang Colombia sa iskor na 4 -3.

Pero bago nito ay halos sumuot sa butas ng karayom ang England para talunin ang rank 16 na Colombia.

Naging susi sa panalo ng England ang penalty kick ni Eric Dier.

Dahil sa panalo, makakalaban ng England sa quarterfinals ang Sweden.

—-

Tatlundaan tatlumpu’t limang (335) Filipino athletes, coaches at officials ang isasabak ng Pilipinas sa 18th Asian Games sa Indonesia sa susunod na buwan.

Ayon sa Philippine Olympic Committee, kabuuang dalawandaan pitumpu’t dalawang (272) atleta ang kakatawan sa Pilipinas sa tatlumpu’t isang (31) sports.

Kabilang sa mga lalaban ang BMX rider na si Daniel Caluag, ang nag-iisang Filipino gold medalist sa 2014 Asian Games sa South Korea na dedepensahan ang kanyang titulo ngayong taon.

Inaasahang magpapalakas din sa kampanya ng Philippine delegation ang men’s at women’s dragon-boat teams, women’s softball team at Gilas Pilipinas.

Pasok din sina Olympic silver medalist Hidilyn Diaz ng weightlifting, Jujitsu specialists Meggie Ochoa at Annie Ramirez, Judokas Kiyomi Watanabe at Mariya Takahashi at gymnast Carlos Yulo.

Lalarga sa Jakarta at Palembagn, Indonesia ang Asian Games simula Agosto 18 hanggang Setyembre 2.

—-

Tiwala si Boxer at Golden Boy Promotions CEO Oscar De La Hoya na tutuldukan na ni Lucas Matthysse ang career ni pambansang kamao Manny Pacquiao.

Pahayag ni De La Hoya, may katapusan ang pagiging “legend” o alamat ng bawat mahuhusay at kilalang tao sa mundo.

Naniniwala din umano siyang ang Pacquaio – Matthysse fight ang magiging katapusan ng filipino boxing champ.

Dati nang tinalo ni Pacquiao si De La Hoya sa kanilang boxing match noong Disyembre 6, 2008 sa MGM Grand Garden Arena, Las Vegas, Nevada, USA.

Nakatakdang magharap sina Matthysse at pPacquiao sa Hulyo 15 sa Kuala Lumpur, Malaysia.

Todo paghahanda na ang Gilas Pilipinas para sa kanilang rematch kontra Australia sa third window ng 2019 Fiba World Cup Asian Qualifiers na gaganapin bukas ng gabi.

Sinabi ni Gilas Coach Chot Reyes, naniniwala siyang ang sapat na pahinga at magandang preparasyon ang magsisilbing susi para masungkit ang panalo.

Inaasahang babawi ang Gilas matapos talunin ng Australia sa second window noong nakalipas na Pebrero 22 sa Margaret Court sa Melbourne.

Muli namang sasandal ang Philippine team sa kina naturalized center Andray Blatche, Four-Time PBA MVP June Mar Fajardo, Jayson Castro at Terrence Romeo.