Mistulang inalat sa laro ang Philippine Azkals sa laban nito kontra China sa nagpapatuloy na AFC Asian Cup 2019.
Hindi man lang nakapuntos ang Pilipinas at tinalo ng China sa iskor na 0-3.
Naging bayani para sa koponan ng China si Wu Lei na nakapagtala ng dalawang goal.
Dahil sa panalo, sigurado na ang puwesto ng China para sa last 16 ng Asian Cup.
Samantala, susunod na makakalaban ng Azkals ang Kyrgyzstan sa darating na Miyerkules.
Nagsalita na si Meralco Bolts player Baser Amer sa napapaulat na paglipat nito ng ibang koponan.
Ayon kay Amer, professional siya kaya’t nagpasyang huwag nang lumipat ng ibang koponan kasunod ng usaping trade deal nila ni Bobby Ray Parks, Jr.
Ang 26-anyos na Bolts guard ay naging seventh pick sa 2015 PBA rookie draft at may average na 11 points, limang rebounds at apat na assists.
Ikinatuwa naman ni Bolts coach Norman Black ang pananatili sa koponan ni Amer.
Kalmado lamang si Adrien Broner sa bilis ng kamao na posibleng ilabas ni Senador Manny Pacquiao sa kanilang bakbakan sa January 20, oras sa Pilipinas.
Sinabi ni Broner na tiyempo lang ang kailangan niya para makontra ang speed advantage ng Pinoy ring icon.
Sinabi ni Broner na wala siyang balak busugin ng kaniyang kamao si Pacman dahil pipilitin niyang isang suntok lamang niya ay tiyak na ang pagbagsak ng pambansang kamao.
Gayunman, hindi umano priority nang tinaguriang the problem na manalo sa kanilang sagupaan ni Pacman sa pamamagitan ng knockout.
Nagsimula na ang Team Pacquiao na magbawas ng level ng training ni Senador Manny Pacquiao.
Ito ay habang papalapit ang laban ni pacman kay Adrien Broner sa January 19 sa MGM Grand Garden Arena sa Las Vegas, Nevada.
Kasunod na rin ito nang pag-abot ng fighting senator sa peak o rurok ng kaniyang pagsasanay nuong nakalipas na linggo at maabot ang 100 porsyentong kondisyon.
Sa katunayan, mismong ang kaniyang handlers na sina Head Coach Buboy Fernandez, consultant na si Coach Freddie Roach at iba pang miyembro ng Team Pacquiao ang nagsabing handang handa na si Pacman na umakyat sa ring at harapin si Broner.
Sa Sabado, January 12 ay biyaheng Las Vegas na ang Team Pacquiao.
Handa nang sumabak ang koponang Philippine Azkals sa AFC o Asian Football Confederation Asian Cup 2019 na gaganapin sa Dubai.
Unang makakaharap ng Azkals bukas ang kopanan ng Korea para sa group c sa Almaktoum Stadium.
Kauna-unahan itong kampanya ng Azkals sa AFC Asian Cup kaya naman makasaysayan ang labang ito para sa koponan.
Samantala, umapela naman ng suporta ang mga manlalaro ng Philippine team mula sa sambayanang pilipino lalo na sa mga pinoy na nasa Dubai.
Target ni Pambansang Kamao Manny “Pacman” Pacquiao ang isang knockout victory sa kanyang nakatakdang laban kontra kay Adrien Broner.
Sinabi ng Filipino boxing champion na matindi ang kanyang pag-eensayo sa nalalabing mga araw bago ang world welterweight championship.
Maghaharap naman ang dalawang boksingero o ang tinaguriang “Pac-Broner match” sa darating na ika-19 ng enero sa MGM grand garden sa Las Vegas Nevada.
Umatras na si Tennis Star Player Rafael Nadal sa Brisbane International.
Ito ay upang tutukan ang paghahanda sa Australian Open na magiging kauna-unahang laban niya matapos magpahinga dahil sa injury sa tuhod.
Ayon kay Nadal, umaasa siyang makukuha ang tropeo sa Australian Open at kung sakali ay kanyang ika-17 major titles.
Magugunitang dahil sa kanyang knee injury, napilitan si Nadal na huwag nang ituloy ang kanyang laban sa US Open Semifinals noong nakaraang Setyembre.
Nakatakdang magsimula ang Australian Open sa January 14 sa Melbourne Park.
Umani ng batikos mula kina Senador Manny Pacquiao at MMA fighter Connor McGregor ang exhibition match ni Floyd Mayweather Jr sa Japanese kickboxer na si Tenshin Nasukawa sa Tokyo, Japan.
Wagi sa naturang laban si Mayweather matapos pabagsakin sa loob lamang ng dalawang minuto si Nasukawa.
Sa kanyang Twitter account, nagpasaring si Pacquiao at inihayag na kabilang sa kanyang new year’s resolution ay ipagpapatuloy ang paglaban sa mga eksperyensadong boksinger na kasing-laki niya o mas malaki sa kanya.
Bagaman walang pinangalanan, malinaw na si Mayweather ang binabatikos ng People’s Champ.
Sinupalpal naman ni Mcgregor ang dati ring karibal at iginiit na ‘mismatch’ ang paghaharap ni pretty boy at Japanese kickboxer dahil isinagawa ang laban sa ilalim ng boxing rules bagay na pabor kay Mayweather.
Here is an early New Year’s resolution. To continue to only fight experienced opponents who are my size or bigger. @PBC @TGBPromotions @SHOSports @ShowtimeBoxing @MGMGrandGarden @AXS #PacquiaoBroner
— Manny Pacquiao (@mannypacquiao) December 31, 2018
Nadagdagan pa ang koleksyon ng mga titulo ng Filipino boxer Donnie ‘Ahas’ Nietes matapos na masungkit ang kanyang ika-apat na division world title.
Ito ay makaraang matalo at maagaw ni Nietes ang WBO World Super Flyweight Belt mula sa Japanese boxer na si Kazuto Ioka sa pamamagitan ng split decision.
Dinomina ni Nietes ang unang bahagi ng 12 round fight habang nagiba na ng diskarte si Ioka sa pagsapit ng huling bahagi.
Batay sa resulta ng scoring, ibinigay ni Judge Levui Martines kay Nietes ang laban sa score na 118-110 habang si Judge Patricia Morse Jarman ay 116- 112.
Habang pabor naman kay ioka ang socre na 116-112 mula kay Judge Samuel Nieto.
Tinalo ni Amanda Nunes si Cris “Cyborg” Justino sa loob lamang ng limampu’t isang segundo sa unang round ng UFC 232 noong Sabado.
Dahil dito, natuldukan na ang 13 taon na unbeaten record ni Justino at nakuha pa ni Nunes ang featherweight championship belt nito.
Si Nunes ang ikatlong fighter sa kasaysayan ng UFC na mayroong hawak na dalawang titulo gaya nila Conor McGregor at Daniel Cormier.