SPORTS

Tiwala ang Philippine triathlon team na mangunga muli ang bansa sa mga triathlon events sa Southeast Asian Games sa ikatlong pagkakataon.

Ayon kay Coach Melvin Faustino, gagawin nila ang lahat para muling dominahin ng bansa ang anim na sport events na lalahukan ng mga atletang Pinoy.

Kabilang na dito ang men’s triathlon, men’s duathlon, distaff, mixed triathlon team, duathlon mixed team at mixed duathlon.

Kumbinsido rin si Philippine Sports Commission (PSC) Chairman William”Butch” Ramirez na muling mamamayagpag ang bandila ng Pilipinas sa triathlon events.

Matatandaang sa dalawang nakalipas na SEA games ay naipanalo ng mga Pinoy triathletes ang kanilang malaban sa magkasunod na taon.

Tinalo ng TNT Katropa ang Phoenix Fuel Masters sa PBA 2019 Governor’s Cup game kagabi.

Nakapagtala ng 123 points ang TNT samantalang 118 naman ang nakuha ng Phoenix.

May pinakamalaking ambag sina troy rosario at k-j mc daniels na kapwa nakapagtala ng 32 points.

Ayon kay TNT Coach Bong Ravena, patunay na matindi ang ipinakitang sipag ng kanyang mga manlalaro dahil unang quarter pa lamang ay lamang na ang TNT.

Samantala, muling sasabak sa basketball court ang TNT laban sa columbian dyip sa Sabado, Oktubre asingko.

Wagi ang Team Philippines sa International Turkish Open Karate Tournament matapos humablot ng tig isang gold at bronze medal sa magkahiwalay na kumpetisyon at isang silver medal sa individual category.

Ang male team ay binubuo nina Rexor Tacay, Sharif  Afif at Ivan Agustin na nanalo ng gold medal samantalang ang female team na binubuo nina Mae Soriano, Miyuki Tacay at Jamie Lim ay nakakuha ng bronze medal.

Napasakamay naman ni Jayson Macaalay ang silver medal sa overall individual category

Ang nasabing tournament ay isinagawa mula September 27 hanggang 29 at nilahukan ng 56 na bansa sa pangunguna ng Turkish Karate Federation.

Tumipa ng 35 points si Sen. Manny Pacquiao  sa isang basketball exhibition game na ginanap sa Hamdan sport complex sa Dubai, United Arab Emirates.

Pero sa kabila nito, bigo parin ang fighting senator na dalhin sa panalo ang MPBL executives laban sa Dubai DJ MC all stars, sa iskor na 99-96.

Pinadapa ang koponan ni Pacquiao sa iskor na 99-96 overtime game.

Matatandaang si Pacquiao ang CEO at founder ng Maharlika Pilipinas Basketball League (MPBL).

Nais ng mga NBA superstars na sina James Harden at Lebron James na maging bahagi ng koponan ng Estados Unidos na sasabak sa 2020 Olympics sa Tokyo.

Bukod kina James at Harden, interesado rin si Russell Westbrook na maging kinatawan ng US team.

Magugunitang hindi nakalaro ang mga pinakamahuhusay sa NBA sa katatapos na FIBA World Cup dahilan upang malaglag sa ikapitong puwesto ang koponan ng Amerika.

Determinado si National Head Coach Tim Cone na hindi dapat matalo ang Gilas Pilipinas sa Southeast Asian Games.

Ito ay dahil Pilipinas ang host ng naturang sports tournament kaya wala aniyang karapatang matalo ang koponan.

Ayon kay Cone, kailangan nilang patunayan na maganda ang magiging performance ng Gilas Pilipinas tinaguriang “showcase sport” ng bansa.

Gagawin aniya nila ang lahat ng kanilang makakaya para makamit ang kampyonato.

Matatandaang idinipensa ni Cone ang naging pagpili sa ilang mga players ng Barangay Ginebra para kumpletuhin ang line up ng sasabak sa SEA Games.

Idinipensa ni Gilas Pilipinas Head Coach Tim Cone ang pagkuha sa anim na players ng Barangay Ginebra para mapabilang sa 15 man pool ng national team para sa 2019 Southeast Asian Games.

Ayon kay Cone familiarity ang magiging sandalan nila lalo’t maikling panahon na lamang ang nakalaan para sa paghahand ang team kaya’t isinama niya sa Gilas pool ang ilang players mula sa kanyang team na Ginkings na sina L.A Tenorio, Scottie Thompson, Stanley Pringle, Japeth Aguilar, Greg Slaughter at Art Dela Cruz.

Sinabi rin ni Cone na puro beterano ang kanilang kinuha para mas mabilis matuto sa maikling panahon kaya’t hindi nakasama sina Rookie Guards Robert Bolick at CJ Perez bagama’t kapwa nagpabilib ang mga ito sa kanilang performance sa 2019 FIBA World Cup.

Bahagi rin ng Gilas pool sina Jayson Castro, RR Pogoy at Troy Rosario ng TNT, June Mar Fajardo, Christian Standhardinger, Chris Ross at Marcio Lassiter ng San Miguel, Matthew Wright ng Phoenix at Vic Manuel ng Alaska.

Uubra nang makasama sa practice ng kaniyang team na Phoenix Pulse si Calvin Abueva.

Kasunod na ito ng go signal ng PBA tatlong buwan matapos itong isailalim sa indefinite suspension.

Gayunman sinabi ni PBA Commissioner Willie Marcial na wala pang petsa kung kailan pwedeng bumalik si Abueva sa PBA.

Kailangan aniyang dumaan ni Abueva sa tamang proseso at tuparin ang mga kondisyon para matanggal ang suspensyon nito.

Magugunitang si Abueva ay sinuspindi matapos tirahin si Terrence Jones ng TNT at naging pasaway sa paglalaro sa ibang liga bukod sa PBA.

Tinambakan ng TNT Ka Tropa ang Blackwater Elite sa nagpapatuloy na PBA Governors Cup.

Malaking kontribusyon sa panalo ng TNT ang 41 points ni Ka Tropa import KJ McDaniels na nakapagtala rin ng 21 rebounds at pitong assists.

Nag ambag naman ng 22 points si RR Pogoy habang mayroong 19 points si Troy Rosario.

Labis na ikinatuwa ni TNT Coach Bong Ravena ang kanilang panalo dahil gumana aniya ang kanilang game plan para tuluyang talunin ang Blackwater.

Nasayang naman ang ginawang 39 points ni Ray Parks sa unang laro niya sa Blackwater.

Tinalo ng Philippine women’s volleyball team ang Vietnam kagabi matapos ang ginanap na 5 set game sa Asean volleyball grand prix sa bansang Thailand.

Laking tuwa ng mga manlalaro at fans ng koponan sa resulta ng laro matapos ang dalawang sunod nilang pagkatalo.

Muntik nang hindi makuha ng philippine team ang panalo matapos silang matalo sa 3rd set ngunit bumawi ito sa mga kasunod pang round.

Namayagpag naman sa loob ng court ang ilan sa mga hinahangaang manlalaro katulad nina Jia Morado, Mylene Paat, Ces Molina at Kalei Mau.

Dahil sa pagkapanalo itatalaga sa ikatlong pwesto ang philippine team sa over all ranking ng grand prix.

Matatandaang ang kanilang paglalaro sa nasabing basketball tournament ay bahagi ng paghahanda ng koponan para sa kanilang pagsabak sa 2019 South East Asian games.