SPORTS

Umatras ang American Professional Golf Player na si Tiger Woods sa hero world challenge dahil sa injury sa kanang paa.

Sa kaniyang tweet, sinabi ng 15-Time Champion na tututukan muna niya ang kaniyang mga tungkulin sa pagho-host ng 20-Man Unofficial Tournament sa Albany course.

Ito ay may 12-hole exhibition event kung saan tampok ang mga professional golfer na sina Rory Mcllroy ,  Jordan Spieth at Justin Thomas.

Nabatid na lumahok si Woods sa 3 tournament sa taong ito matapos gumaling mula sa malubhang pinsala sa kaniyang binti na natamo sa isang car accident noong nakaraang taon.

Limang pambato ng Pilipinas ang sasabak sa World International Mathematical Olympiad (WIMO) na nakatakdang ganapin sa January 7 hanggang 8 sa Bangkok, Thailand.

Kabilang sa mga lalaro sa kompetisyon sina Ma. Cassandra Doque; Christian Ray Malvar; Charlie Quetula; Cesar Alejandro Respicio; at Jesrel Briones Gudoy Jr., na nanalo ng apat na gintong parangal at isang pilak noong August 2021 sa Hong Kong International Mathematical Olympiad.

Ang nasabing kompetisyon ay sasalihan ng 14 na bansa na binubuo ng Hong Kong, China, Indonesia, Singapore, Malaysia, Thailand, Ukraine, Kyrgyzstan, Iran, Taiwan, Vietnam, Myanmar, Cambodia at ang Pilipinas kung saan, magiging libre ang airfare, accommodation, at iba pang gastusin ng mga atleta.

Layunin nitong payamanin at pasiglahin ang interes ng mga kabataan sa pag-aaral ng matematika, palakasin ang kakayahan ng kanilang malikhaing pag-iisip, palawakin ang kanilang pandaigdigang pananaw, itaguyod ang pag-unlad ng elementarya at sekondaryang edukasyon  at pakikipagpalitan ng mga kulturang pang-edukasyon sa mga bansa at rehiyon.

 Matapos ang 20 taon, nakapasok na sa finals ng NCAA Season 98 ang De La Salle-College of St. Benilde (CSB).

Ito ay matapos talunin ng CSB ang San Beda University sa score na 62-62 sa kanilang paghaharap kanina sa Fil-Oil Eco-Oil Centre.

Nanguna sa panalo si Miguel Oczon na may 17 points at 6 rebounds, at si James Pasturan na may 16 points at 4 boards.

Makakalaban ng CSB ang sinumang magwawagi sa laban sa pagitan ng Colegio De San Juan De Letran at Lyceum of the Philippines University (LPU).

Pinatalsik ng Petro Gazz ang Cherry Tiggo sa finals ng Premier Volleyball League (PVL) Reinforced Conference.

Ito ay matapos maka-set-score ang Petro Gazz ng 25-15, 25-17, 25-13 sa Arantea Coliseum kahapon.

Ibinigay ng Gazz Angels ang ikalawang magkasunod na pagkatalo ng crossovers sa semifinals ng naturang laro.

Nakapagtala naman ng 18 points, 14 attacks at 4 aces si American Spiker Lindsey Vander Weide, habang may 15 points, 11 kills at 4 blocks si Myla Pablo at 11 points si Aiza Maizo Pontillas.

Samantala, si Mylene Paat lamang ang nakapagtala ng double-digit score para sa Cherry Tiggo na may 10  puntos. -sa panunulat ni Hannah Beatrisse Oledan 

Handang handa na ang Pinoy Boxer na si John Riel Casimero para sa nalalapit na laban nito sa Sabado, Disyembre 3 .

Makakaharap ng boksingero si Ryo Akaho ng Japan kung saan gaganapin ito sa Paradise City Plaza sa Incheon, South Korea.

Itinuturing naman na mainit ang magiging sagupaan ng dalawang fighter.

Nabatid na ang magwawagi sa laban ay magkakaroon ng pagkakataon upang sumabak sa isang world-title shot sa 2023.

Nakamit ng promising boxer na si Ronel Suyom ang pilak na medalya sa World Youth Championship sa La Nucia, Spain.

Nilahukan ng atleta ang mahigit 500 boxers mula sa 73 na bansa upang makuha ang medalya.

Tinalo ni Suyom si European Youth Champion Rafael Lozano Serrano ng Spain.

Napayuko naman ni Suresh Vishvanath si Suyom sa gold-medal match sa finals.

Samantala, pinuri naman ni Abap Chairman Ricky Vargas ang atleta dahil sa ipinamalas nito sa larangan boxing. – sa panunulat ni Jenn Patrolla 

Target ng 11- taong gulang na pinay sport climber na si Praj Dela Cruz ang olympic gold sa susunod na kompetisyon.

Kasalukuyang miyembro na sa Philippine National Climbing Team si Dela Cruz.

Naghahanda na si Praj para sa kanyang kompetisyon sa Asian Youth Cup sa India.

Mababatid na nakatanggap ang atleta ng iba’t-ibang karangalan sa sports climbing sa mababang edad.

Sinabi nito na hinikayat siya ng kanyang mga magulang kung saan isa ring sports climber. - sa panunulat ni Jenn Patrolla 

Target kunin ng isang football club sa Saudi Arabia si football star Cristiano Ronaldo.

Ito ay kasunod ng tuluyang pagkakatanggal ng Portugese football star sa koponang Manchester United.

Inalok umano ng Saudi Club na Al-Nassr Football Club si Ronaldo ng $234 million para lamang makapaglaro sa kanila.

Sa ngayon ay nag-uusap na ang nasabing Saudi Arabian Football Club at ang agent na may hawak kay Ronaldo upang mapagdesisyunan kung matutuloy ang paglipat ng football icon sa koponan. —sa panulat ni Hannah Oledan

Pinataob ng NLEX Road Warriors ang Barangay Ginebra sa Overtime game sa score na 120-117 sa nagpapatuloy na PBA Commissioner’s Cup.

Pinangunahan ng import ng NLEX na si Earl Clark ang kanilang pagkapanalo matapos nitong magtala ng 37 points, 17 rebounds at pitong assists habang nag-ambag naman ng 26 points si Don Trollano.

Dahil dito ay natuldukan ang lima nilang sunod na pagkatalo at mayroon nang apat na panalo.

Nasayang naman ang ambag na 39 point ni Justin Brownlee at 19 points ni Scottie Thompson matapos mabigo ng Ginebra.—sa panulat ni Hannah Oledan

Pinataob ng Boston Celtics ang Dallas Mavericks kahapon sa iskor na 125-112.

Tinambakan ng Celtics ang Mavericks sa una at ikalawang quarter matapos makapagtala ng 37 points, 13 rebounds, at 5 assists si Jayson Taytum habang 31 points, 4 rebounds, at 4 assists naman si Jaylen Brown.

Nasayang naman ang naitalang 42 points ni Luka Doncic at 26 points ni Christian Wood ng Mavericks.

Dahil dito, abangan bukas ang susunod na laban ng Celtics kung saan, kanilang makakaharap ang Sacramento Kings, alas-nueve ng umaga, oras sa Pilipinas.